كتب: محمد عبد الرحمن

إنفينكس، واحدة من أكتر الشركات اللي لو سألت مستخدم متوسط الاحتياج عن موبايله هتكون الشركة من أوائل الشركات اللي هيرشحها ليك، وده لإنها بتهتم دايمًا بإرضاء كتير من مستخدميها بتسعير كويس، وطبعًا مواصفات موبايل ترضي كتير من محبيها.

ولإن إنفينكس دايمًا بتسعى للمنافسة والتواجد في السوق، أصدرت من أيام قليلة واحد من أحدث موبايلاتها وهو موبايل Infinix S3 اللي بييجي بمواصفات كتيرة أهمها شاشة بالأبعاد الجديدة، وبطارية بسعة مميزة وكمان تقنية الـ Face ID.

من خلال ياقوطة هنتعرف في الريفيو ده على أهم مواصفات ومميزات وكمان عيوب الموبايل، ولو عجبك وعاوز تشتريه تقدر تعرف أحسن الأسعار ليه من خلالنا وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

وصف الموبايل       

الموبايل مصنوع بالكامل من البلاستيك، ومكان الكاميرا الخلفية قريب شوية من iPhone X.

• الجهة الأمامية هنلاقي مع شاشة الموبايل كاميرا سيلفي.
• الجهة الخلفية هنلاقي كاميرا خلفية مزدوجة مزودة بفلاش ومستشعر لبصمة الإصبع، مع ميكرفون إضافي لمنع الضجيج.
• الجهة اليمنى للموبايل هنلاقي زر منفصل للباور، مع وجود زراير التحكم في الصوت.
• الجهة اليسرى هنلاقي زر التحكم في الصوت.
• الجهة السفلية للموبايل هنلاقي منفذ شحن الموبايل ومكان سماعات الهاند فري، مع وجود سماعات الموبايل.
• الموبايل مصنوع من البولي كربونيت، والإطار بتاعه لامع وقريب جدًا في شكله من موبايل iPhone X.

الشاشة

المميزات

• شاشة IPS LCD بحجم ٥٫٧ بوصة، ودقة وضوح ١٤٤٠ × ٧٢٠ بكسل، وكثافة بكسلات ٢٨٢ بكسل.
• الشاشة بتيجي بالأبعاد الجديدة للعرض ٩:١٨.

العيوب

• شاشة الموبايل مش مزودة بأي طبقة حماية إضافية ضد الكسر.
• أكبر دقة لشاشة الموبايل هي HD+.

تجربة المستخدم

• ألوان الموبايل وزويا الرؤية والوضوح عالية حتى في ظروف الإضاءة الخارجية وأشعة الشمس.
• بكسلات الشاشة ورغم إنها على الورق قليلة فالمستخدم مش هيحس بإنها قليلة خالص عند الاستخدام.
• شاشة الموبايل ورغم إنها بتيجي بالأبعاد الجديدة، لكن الحواف الموجودة حوالين الشاشة عريضة شوية وده بيدي إحساس إن الموبايل شاشته عادية خالص وبالأبعاد القديمة.
• أزرار التنقل في الموبايل موجودة جوة جسم شاشة الموبايل ولونها أبيض وللأسف مش هتلاحظ مكانها لو كنت بتعرض صورة بخلفية بيضا، أو فيديو بلون أبيض.

الأداء

المزايا

• الموبايل بييجي بنظام تشغيل أوريو، وبييجي ببروسيسور ثماني النواة Qualcomm Snapdragon 430 بتردد 1.4 جيجاهرتز، ومعالج رسومي Adreno 505 مع رام داخلي بسعة ٣ جيجابايت وميموري داخلي بسعة ٣٢ جيجا، وممكن تضيف ميموري خارجي بسعة توصل لغاية ١٢٨ جيجابايت.
• فيه إصدار تاني بسعة ٦٤ جيجابايت ميموري داخلي.
• الموبايل بيدعم تشغيل شريحتين اتصال وميموري خارجي، وكمان تقنية الجيل الرابع للاتصال، وكمان تقنية الجيروسكوب.
• الموبايل بيدعم وجود مستشعر بصمة الإصبع، وتقنية الـ OTG، وكمان راديو FM.
• الموبايل بيقدم ميزة غلق وتأمين الموبايل بتقنية التعرف على الوجه.

العيوب

• المعالج قديم شوية بين المنافسين وكمان تاريخ الطرح.
• مفيش ميكرفون إضافي مانع للضجيج.

تجربة المستخدم

• مكان سماعة الموبايل الخارجية تحت ناحية اليمين، وده مكان كويس جدًا ومن الصعب كتمه عند الاستعمال سواء في الألعاب، أو حتى الاستماع ومشاهدة اليوتيوب.
• صوت سماعة الموبايل عالي جدًا، ولو الفيديو اللي بتشوفه صوته نقي هتحتاج تقلل من درجة الصوت كمان، أما لو جودة الصوت المعروض متوسطة فهتحتاج تزود الصوت قوي علشان تسمعه كويس.
• أداء بصمة الموبايل مميز ومفيهاش أي تهنيج، لكن للأسف المستخدم هيحس ببطء عند استعمالها واللي تعتبر أبطأ بصمة موبايل ممكن تستعملها (مقارنة بالمنافسين).
• تقنية غلق وتأمين الموبايل ببصمة الوجه بتشتغل كويس، حتى في الإضاءة القليلة بشرط تعلية إضاءة الشاشة على الآخر أو تشغيل فلاش الموبايل لسهولة التعرف على وجه المستخدم.
• الموبايل بيسمح باستخدم شريحتين موبايل وميموري خارجي في نفس الوقت.
• معالج الموبايل متوسط الأداء عمومًا، وما يعتبرش الأسرع. لكن مجملًا أداء الموبايل مناسب جدًا عند التصفح وممارسة الألعاب المتوسطة والخفيفة، والتنقل بين البرامج والتطبيقات المعتادة.
• أداء الـ GPS في الموبايل متوسط وبيفصل كل فترة (تقريبًا ١٠ دقايق) ويرجع يشتغل تاني.

الكاميرا

المزايا

• الموبايل بييجي بكاميرا خلفية بدقة ١٣ ميجابكسل، مع فلاش Led مزدوج.
• الموبايل مزود بكاميرا سيلفي بدقة ٢٠ ميجابكسل، مع فلاش Led مزدوج.
• الكاميرا الخلفية بتصور فيديو بدقة ١٠٨٠ بكسل.

العيوب

• مفيش مثبت بصري للكاميرا السيلفي.

تجربة المستخدم

• أداء الكاميرا السيلفي مميز جدًا حتى في ظروف الإضاءة العالية والقليلة بشرط تثبيت الإيد لإن مفيش مثبت بصري.
• للأسف مهم جدًا المستخدم يخلي باله وهو بيلتقط صور في إضاءة عالية لإن الموبايل مش بيقدر يعالج الضوء اللي في الخلفية والنتيجة صور بخلفية بيضا ومفيهاش أي تفاصيل باينة من الخلفية.
• أعلنت الشركة إن الكاميرا السيلفي بتقدر تلتقط ٣ صور وتدمجهم مع بعض والنتيجة صور غنية بالتفاصيل حتى في حالة الـ Zoom. لكن بشرط تثبيت الإيد كويس لإن لو إيدك اتهزت صورة من التلاتة هتتهز وتأثر على باقي الصور.
• الكاميرا الخلفية صورها مرضية في ظروف الإضاءة العالية واللي بتقل طبعًا في الإضاءة القليلة.

البطارية

المزايا

• الموبايل بييجي ببطارية بسعة ٣٠٠٠ مللي أمبير.

العيوب

• البطارية مش بتدعم تقنية الشحن السريع.

تجربة المستخدم

• البطارية بتقدم أداء كويس لغاية يوم كامل، من الاستخدام الشاق والمكثف، وعند الاستخدام المتوسط بتكفي لغاية يوم ونص وممكن يومين كمان.

شوف موبايل Infinix S3 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.