أفضل منتجات شركة HOHO المصرية على ياقوطة

كتب: خالد عاصم

السوق المصري الاستهلاكي والتكنولوجي سوق كبير ومهم ويعتبر دلوقتي واحد من أكتر الأسواق نموًا في أفريقيا والشرق الأوسط، وده بيؤدي لحاجتين مهمين، الأولانية هي تشجع بعض المستثمرين المصريين على إنشاء شركات جديدة للمنتجات الاستهلاكية، والتانية هي جذب شركات أجنبية للاستثمار في مصر في المجالات الإلكترونية والتكنولوجية والاستهلاكية، وبسبب إن أسعار الأجهزة الكهربائية والإلكترونية صاحبة الاسم الكبير زي سامسونج وإل جي وشارب وتوشيبا وغيرها بقت عالية جدًا، توسع سوق الأجهزة الأرخص واللي بتتقدمها الشركات المصرية والشركات الصينية.

من بين الشركات اللي ظهرت في الأسواق المصرية خلال الفترة اللي فاتت، شركة HOHO واللي بدأت تقتحم السوق المصري من خلال مجموعة من الأجهزة شائعة الاستهلاك زي التليفزيونات والمكانس والأفران الكهربائية وغلايات المياه، مع توقعات كبيرة بتوسع الشركة دي في الأسواق بتقديمها لمنتجات جديدة في أقسام جديدة.

ممكن ماتكونش فيه معلومات كتير متوفرة عن الشركة عند المستهلكين، وعشان نقدر نفهم شوية طبيعة الشركات المصرية اللي بتقدم منتجات تكنولوجية في مصر، فلازم الأول نعرف إنها بتنقسم لقسمين، القسم الأول اللي عنده مصانع فعلية موجودة في مصر وبتقوم بتجميع مكونات أجهزتها من شركات تانية خارجية ومن الأمثلة على كده مثلًا شركة يونيون إير اللي بتصنع تليفزيوناتها في مصر من خلال استيرادها للمكونات الداخلية من شركات تانية عالمية، أما النوع التاني فده اللي بيتبع حاجة اسمها ريبراند Rebrand ودي شركات بتتعامل مع مصنعين صينيين بيقوموا بتصنيع الأجهزة وبتحط عليها هي اللوجو بتاعها باتفاق رسمي، والنظام ده معروف كمان باسم التصنيع لدى الغير أو التصنيع لصالح الغير في حالة وصفه من وجهة نظر المصنعين الصينيين، والنظام ده منتشر حاليًا بقوة بين الشركات المصرية الجديدة وده بيفسر التشابه الشديد بين الأجهزة زي مثلًا في التليفزيونات اللي بتتشابه جدًا في عدد المنافذ وأماكنها وكمان في طبيعة وشكل نظام التشغيل.

بالنسبة لشركة HOHO فالشركة تأسست سنة ٢٠٠٩ وبدأت في اقتحام السوق بشكل قوي بعد ١٠ سنين من التطوير، وبتمتلك الشركة مصنع في مصر على مساحة ٣٥٠٠٠ متر بيشمل أكتر من ٥٠٠ موظف وعدد من خطوط الإنتاج المتميزة وبكده نفهم أن الشركة من الشركات اللي بتنتمي للفئة الأولى على حسب المعلومات اللي وفرتها الشركة نفسها واللي استعرضناها في الفقرة دي.

النهارده ومن خلال مقالنا ده هنتعرف على كل منتجات شركة HOHO المتخصصة في الأجهزة المنزلية والكهربائية واللي بدأت تقتحم السوق المصري وتحقق انتشار مقبول في الفترة اللي فاتت، كل المنتجات اللي هنتكلم عنها النهارده متوفرة عندنا وهتقدروا تطلبوها من خلالنا في ياقوطة وهتوصلكم بحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

منتجات شركة HOHO المتوفرة في مصر

التليفزيونات

تليفزيون HOHO قطر ٢٤ بوصة جودة FHD

أرخص وأصغر تليفزيونات HOHO المتوفرة في السوق المصري، التليفزيون ليد قطره ٢٤ بوصة وبيتميز بجودة FHD بدقة ١٩٢٠ × ١٠٨٠ بيكسل وبيتميز بزاوية رؤية قدرها ١٧٨ درجة، التليفزيون فيه منافذ كتير منها USB وHDMI وVGA وكمان منفذ RF اللي بيتيح توصيل الإريال الأرضي مباشرة بالتليفزيون وده يسمحلك إنك تشوف مباريات بطولة الأمم الأفريقية اللي هتقام في مصر من غير ما تحتاج لأي أجهزة أو توصيلات خارجية. وبيتميز التليفزيون كمان بضمان مدته ٣ سنين.

شوف تليفزيون HOHO قطر ٢٤ بوصة من هنا.

تليفزيون HOHO قطر ٣٢ بوصة جودة HD

تليفزيون ليد بقطر ٣٢ بوصة وجودة HD بدقة ١٣٦٦ × ٧٦٨ بيكسل ومعدل ١٩:٦ اللي بيتيح تجربة مشاهدة سينمائية بزاوية رؤية ممتازة قدرها ١٧٨ درجة، التليفزيون فيه منافذ متعددة زي HDMI وUSB وRF وVGA أما الضمان فمدته ٣ سنين.

شوف تليفزيون HOHO قطر ٣٢ بوصة من هنا.

تليفزيون HOHO قطر ٤٣ بوصة جودة FHD

تليفزيون ليد بقطر ٤٣ بوصة وجودة FHD بدقة ١٩٢٠ × ١٠٨٠ بيكسل ومعدل ١٩:٦ اللي بيتيح تجربة مشاهدة سينمائية بزاوية رؤية ممتازة قدرها ١٧٨ درجة، التليفزيون فيه منافذ متعددة زي HDMI وUSB وRF وVGA أما الضمان فمدته ٣ سنين.

شوف  تليفزيون HOHO قطر ٤٣ بوصة من هنا.

تليفزيون HOHO قطر ٥٠ بوصة سمارت

تليفزيون ممتاز وبسعر رائع، التليفزيون قطره ٥٠ بوصة سمارت بجودة FHD بدقة ١٩٢٠ × ١٠٨٠ بيكسل والتليفزيون بيتميز بعدد ممتاز من المنافذ زي HDMI وUSB وAV وكمان بيقبل التوصيل بأنظمة المسرح المنزلي ده غير إنه بيقبل الاتصال اللاسلكي واي فاي وكمان فيه منفذ لتوصيل كابلات الإنترنت.

شوف تليفزيون HOHO قطر ٥٠ بوصة سمارت جودة FHD من هنا.

شوف  كل تليفزيونات HOHO المتوفرة على ياقوطة من هنا.

الأفران الكهربائية HOHO

فرن كهربائي HOHO سعة ٣٨ لتر ١٥٠٠ وات

فرن كهربائي ممتاز من HOHO بطاقة ١٥٠٠ وات وبيتميز باستخدام الغولاذ المقاوم للصدأ في صناعة هيكلة، الفرن بيتميز كمان بست مستويات للتحكم في وظائفه وكمان بتتراوح درجة حرارته بين ١٠٠ درجة مئوية لحد ٢٧٥ درجة مئوية ده غير إن فيه منبه مع جرس مدته لحد ٦٠ دقيقة كاملة، وممكن تستخدمه في الشوي بفضل حامل الشواء الداخلي، ضمان الفرن سنة كاملة.

شوف  فرن HOHO الكهربائي من هنا.

مكانس HOHO

مكنسة HOHO Vacuum Cleaner

بتقدم HOHO مكانس كهربائية بتتميز بعدد كبير من المواصفات الممتازة زي قدرتها اللي بتبلغ ٢٠٠٠ وات وكمان الإمكانيات الداخلية الممتازة زي تعدد الوظائف والملحقات المختلفة اللي بتقدر تساهم في استخدام المكنسة مع كل حاجة في البيت تقريبًا، وكمان فيها فلتر مضاد للبكتريا ده غير التصميم المتميز وسهولة التنضيف وغيرها من المواصفات الممتازة، والمكنسة متوفرة بنسختين واحد سعة ٢١ لتر والتاني سعة ٢٢ لتر والمكنسة مضمونة لمدة سنة واحدة.

شوف مكانس HOHO من هنا.

غلايات مياه HOHO الكهربائية

غلاية HOHO الزجاج ١٫٨ لتر

غلاية مياه سعة ١٫٨ لتر معمولة من الزجاج والفولاذ المقاوم للصدأ وبتتميز الغلاية بقاعدة دوارة بزاوية ٣٦٠ درجة، وفيها خاصية مانع الجفاف اللي بتقوم بفصل الغلاية في حالة جفاف المياه اللي فيها، الغلاية كمان بتفضل تلقائي بمجرد الوصول لدرجة حرارة الغليان وبتتميز بعزل قوي جدًا للحماية والأمان.

شوف  غلاية HOHO الزجاجية سعة ١٫٨ لتر من هنا.

غلاية HOHO ستانليس ستيل ١٫٥ لتر

غلاية مياه كهربائية سعة ١٫٥ لتر باللون الفضل، مصنوعة من الستانليس ستيل لتوفير أقصى حماية للمياه من الصدأ أو البقع، أما القاعدة واليد فمصنوعين من البلاستيك المقوى للحماية والعزل ضد الكهرباء.

شوف عروض أسعار غلاية HOHO الكهربائية ستانليس ستيل سعة ١٫٥ لتر من هنا.

شوف عروض أسعار غلايات HOHO المختلفة من هنا.

اتعرف على عروض أسعار مختلف منتجات HOHO المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *