كتبت: ميّ نور

النهارده هنتكلم عن واحد من أحسن موبايلات شاومي في السوق، واللي بينتمي للفئة المتوسطة بالرغم من إن قوة أداءه وبطاريته من أحسن الحاجات اللي ممكن نشوفها في الفئة المتوسطة، ودي عادة شركة شاومي دايمًا، بتدي اهتمام كبير لإمكانيات الأداء في الموبايل، وده أحيانًا بييجي على حساب إمكانيات تانية ممكن ماتكونش مهمة للنسبة الأكبر من الناس زي جودة الكاميرا والشاشة، عشان كده النهارده بنقدم الريفيو ده لموبايل Xiaomi Mi Max 2، لكل اللي بيهتموا بمدى جودة وقوة الأداء والبطارية في الموبايلات، وهنستعرض معاكم أهم مميزاته وعيوبه، ولو عجبكوا الموبايل وعاوزين تشتروه تقدروا من خلالنا في ياقوطة تعرفوا أحسن الأسعار ليه وتقارنوا بينهم وتطلبوه وهيوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

المميزات

• موبايل Xiaomi Mi Max 2 جاي مع شاشة عملاقة مش مجرد شاشة كبيرة، وأقل من حجم شاشة بعض أنواع التابلت بـحاجة بسيطة جدًا، وعلشان كده الشاشة كويسة جدًا في إنك تتفرج على أفلام ومقاطع يوتيوب عليها ومش هتحس بأي مشكلة ومش هتتعب عينك بأي شكل، وده مش بسبب الحجم بس، لكن بسبب الدقة الكبيرة اللي الشاشة جاية بيها واللي بتخليها قادرة تعرض صور بألوان جميلة.
• الشاشة محمية بطبقة عازلة من زجاج كورنينج الغوريلا، واللي بيخليها تقدر تتحمل شوية لو الموبايل وقع منك.
• النسخة الموجودة في مصر حجمها ٦٤ جيجابايت، ودي مساحة كبيرة ومناسبة وتقدر تحمل أفلام وتطبيقات وألعاب كتير من غير ما تحتاج تشتري كارت ميموري.
• علشان شاشة الموبايل كبيرة الشركة عملت بطارية عملاقة حجمها ٥٣٠٠ مللى أمبير، وبتدعم الشحن السريع من الإصدار التاني.

العيوب

• الموبايل لسه شغال بنظام تشغيل أندرويد نوجا، ومفيش أي أخبار إنه ممكن يوصله تحديث أوريو الجديد.
• الشركة ما صممتش الموبايل بشكل مقاوم للمياه والتراب، ودي نقطة ضعف خاصةً إننا في فترة المصايف وكتير من الناس بتحب تتصور في المياه أو حتى على الشط. وعلشان كده لازم تاخد بالك كويس من الموبايل من موضوع المياه ده .
• وزن الموبايل تقيل شوية وهو بوزن ٢١١ جرام وهيخلي موضوع إنك تمسكه بإيد واحدة وإنت شغال عليه صعب شوية مس  بسبب الوزن لكن بسبب الحجم الكبير في نفس الوقت.

تجربة الاستخدام

• الموبايل بسهولة جدًا هيكمل معاك اليوم ومش هتحتاج تشحنه في نص اليوم ودا بسبب البطارية القوية جدًا اللي بحجم ٥٣٠٠ مللى أمبير، وكمان الموبايل بيدعم الشحن السريع فمش هياخد وقت كتير في الشحن.
• لو إنت بتحب الألعاب والأفلام فالموبايل هيكون مناسب جدًا ليك بسبب حجم الشاشة الكبير والمعالج الكويس الموجود في الموبايل.
• أداء الموبايل كويس وبيقدر يعمل كل المطلوب منه بشكل سلس وبسيط.
• كاميرا الموبايل مش أحسن حاجة بس بسهولة تقدر تاخد صور جميلة بيها.

شوف موبايل Xiaomi Mi Max 2 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.