مراجعة موبايل Sony Xperia L1
كتبت: منى عوض
سوني، اسم كبير في عالم التكنولوجيا والموبايلات، والفترة الأخيرة استجابت سوني لأراء كتير من عشاقها وأعلنت إنها في الربع الأول من السنة الجاية هتنزل موبايل جديد بتصميم جديد ومبتكر عن كافة تصميمات سوني القديمة.
هنتكلم النهارده عن موبايل Sony Xperia L1 وهنتعرف أكتر على مواصفاته ومميزاته وعيوبه، ولو عجبك الموبايل وعاوز تشتريه تقدر من خلال ياقوطة تعرف أحسن الأسعار للموبايل وتقارن بينهم من خلالنا وممكن كمان تطلبه ويوصل لغاية عندك وفي أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
|
الأندرويد |
البطارية |
الميموري |
الكاميرا |
الرام |
البروسيسور |
الشاشة |
| نوجا 7.0 | ٢٦٢٠ مللي أمبير | ١٦ جيجابايت | ١٣ ميجابكسل | ٢ جيجابايت | رباعي النواة | ٥.٥ بوصة |
تقييم موبايل
- الجهة الأمامية من الموبايل فيها الشاشة- بتحتل مساحة ٧٤٫٦٪ تقريباً من واجهة الموبايل- وفوقها سماعه المكالمات والكاميرا الأمامية ومستشعر القرب.
- الجهة الخلفية للموبايل فيها الكاميرا الخلفية وتحتها فلاش LED والشعار Xperia في منتصف ظهر الموبايل.
- الجهة اليمنى فيها زرار تشغيل الموبايل وأزرار التحكم في مستوى الصوت.
- الجهة اليسرى فيها مكان مخصص لشريحتي الاتصال “Nano SIM” واللي يُمكن استخدامها في وضع شريحتي اتصال أو شريحة اتصال وكارت ميموري خارجي.
- الجهة العليا للموبايل بتحتوي على مدخل سماعة الرأس بمقاس 3.5 ملليمتر.
- الجهة السلفية للموبايل هتلاقي فيها منفذ الـ USB ومكبر الصوت والسماعة الخارجية للموبايل.
التصميم
المزايا
- الموبايل مصنوع من البلاستيك.
- أبعاد الموبايل: الارتفاع ١٥١ ملليمتر والعرض ٧٤ ملليمتر والسمك ٨٫٧ ملليمتر.
العيوب
- الموبايل تقيل إلى حد ما، ده لأن وزنه ١٨٠ جرام.
- مش بيدعم وجود مستشعر لبصمة الإصبع.
تجربة المستخدم
- الموبايل بيتمتع بتصميم متميز وجميل وحواف رفيعة وإطار أملس دائري بيمنح المستخدم تجربة فريدة في استخدام الموبايل المصنوع من البلاستيك.
- الموبايل مش بيدعم وجود مستشعر بصمة وهو أمر أزعج كتير من المستخدمين خصوصًا إن فيه موبايلات تانية كتير في نفس فئته السعرية وفيها مستشعر بصمة.
الشاشة
المزايا
- الموبايل مزود بشاشة IPS LCD بمقاس 5.5 بوصة عالية الوضوح HD دقتها ١٢٨٠ × ٧٢٠ بكسل وكثافة بكسلات ٢٦٧ بكسل، بجانب طبقة حماية إضافية Scratch Resistant Glass.
العيوب
- مش مزودة بدقة الـ Full HD.
- كثافة بكسلات الشاشة بتُعتبر ضعيفة إلى حد ما بالمقارنة بالمنافسين.
- بتدعم اللمس المتعدد حتى أربعة أصابع بس.
تجربة المستخدم
- الشاشة بتتميز بنقاء ووضوح ألوانها ووضوح كل زوايا الرؤية فيها وسطوعها كويسين تحت أشعة الشمس، ده بجانب إن طبقة الحماية الزجاجية الإضافية Scratch Resistant Glass بتُعتبر مميزة جدا لإنها بتحمي الشاشة بفعالية من التعرض للخدش، وكان الأفضل إنها تكون محمية ضد الكسر كمان.
الأداء
المزايا
- الجهاز بيشتغل بنظام تشغيل الأندرويد الأحدث على الإطلاق حتى الآن نوجا “Nougat0”.
- مدعوم بمعالج رباعي النواه MediaTek MT6737T بتردد 1.45 جيجاهرتز Cortex A53 مع معالج رسومي Mali-T720MP2 ورامات 2 جيجابايت.
- الموبايل بيقبل ميموري خارجي لغاية ٢٥٦ جيجابايت.
- بيدعم تقنية Xperia Actions اللي بتخلي الموبايل يتأقلم بناءً على كيفية استخدامك ليه وحسب المكان والوقت والبيئة المحيطة، بحيث إنه يبقى أكتر ذكاء ويسهل حياتك اليومية إلى حد ما ويخلصك من عبء تغيير الإعدادات والتفضيلات.
- بيدعم تقنية الـNFC ونظامي تحديد المواقع GPS وGPRS، وتقنية EDGE والـUSB والبلوتوث من إصدار 4.2.
- بيدعم مقياس التسارع ومُستشعر التقارب والبوصلة.
- بيدعم جميع صيغ تشغيل الفيديو والصوت وتشغيل راديو FM.
- شريحتين الاتصال SIM Nano بتدعم شبكات الجيل الثاني والثالث والرابع.
العيوب
- رام الموبايل ٢ جيجابايت بس، والميموري الداخلي بتاعته ١٦ جيجابايت.
- مش بيدعم وصلة HDMI والـ Java.
- مش مزود بميكروفون إضافي مانع للضجيج.
تجربة المستخدم
- الموبايل بيشتغل بنظام أندرويد نوجا 7.0، يعني المستخدم هيتمتع بواجهة بسيطة وهيضمن تحديثات أمنية بشكل دائم.
- الموبايل سجل أداء مقبول إلى حد ما في تصفح شبكة الإنترنت والتنقل بين التطبيقات لكن مش هتقدر تستخدمه بشكل كثيف في التطبيقات التقيلة أو الألعاب اللي الجرافيك بتاعها عالي لإن المعالج من الفئة الاقتصادية.
- الذاكرة الداخلية للموبايل مساحتها مش كبيرة بما فيه الكفاية وبتتملي بسرعة وبالتالي بتتسبب في بطء أداء الموبايل إلى حد ما بس ممكن تضيف كارت ميموري خارجي سعته لحد 256 جيجابايت عشان تتخطى العقبة دي.
- بيُعتبر صوت الموبايل كويس وعالي وواضح ولكن بيعيبه بس أنه مش مزود بميكروفون إضافي لإزالة الضوضاء في المكالمات.
الكاميرا
المزايا
- الكاميرا الخلفية دقتها ١٣ ميجابكسل بفتحة عدسة F/2.2 مع فلاش LED بالإضافة إلى إنها بتدعم عملية تحديد الوجه الضبط التلقائي للصورة والتصوير بخاصية المدى الديناميكي العالي “HDR” والبانوراما الأفقية وتحديد الموقع الجغرافي.
- الكاميرا الخلفية بتصوير مقاطع فيديو بجودة ١٠٨٠ بكسل و ٣٠ لقطة في الثانية.
العيوب
- الكاميرا الأمامية مفيهاش فلاش، ودقتها ٥ ميجابكسل بس.
تجربة المستخدم
- الكاميرا بتقدم أداء كويس جدًا وصور واضحة في الإضاءة العالية أما فلاش LED بيضمن جودة الصور إلى حد ما في الإضاءة المتوسطة والضعيفة، وهتقدر كمان تاخد صور واضحة في الإضاءة العالية بالكاميرا السيلفي اللي بدورها بتُعتبر كويسة ومُرضية إلى حد ما.
البطارية
المزايا
- بطارية ليثيوم أيون بسعة ٢٦٢٠ مللي أمبير في الساعة.
العيوب
- البطارية غير قابلة للإزالة.
- البطارية مش بتدعم خاصية الشحن السريع.
تجربة المستخدم
- أداء البطارية كويس إلى حد ما ده لإنها صمدت لحد ٥٣١ ساعة في وضع الاستعداد ولحوالي ١٣ ساعة في وضع التحدث لشبكة اتصال الجيل الثاني وما يصل إلى ١١ ساعة و ٣٠ دقيقة لشبكة اتصال الجيل الثالث، و ٦٣ ساعة تقريبًا في وضع تشغيل الموسيقي.
- كون البطارية مش بتدعم خاصية الشحن السريع، دي نقطة ما عجبتش كتير من المستخدمين.
شوف موبايل Sony Xperia L1 من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.