كتبت: أمنية عزمي

فرن فريش الكهربائي 48 لتر يعتبر من أفضل الأنواع اللي صممتها الشركة لأنه بيجمع كل مواصفات الفرن المثالي، سعته الداخلية كبيرة بياخد أواني بحجم كبير، مجهز بمروحة داخلية لتوزيع حراري متكافأ في كل الأنحاء، الفرن بقوة 2000 وات بيسخن بسرعة، مزود بعدد 6 مستويات ضبط، وبييجي و 4 عناصر تسخين مصنعة من الاستانلس ستيل، فيه شواية سيخ، استخداماته متعددة ما بين تسخين الأكلات أو تسويتها أو شوي اللحوم وعمل المخبوزات، مزود بمؤقت 90 دقيقة، ولمبة داخلية لسهولة الرؤية، وتصميمه عصري أنيق باللون الأسود وباب الفرن من الزجاج بمقبض ستانلس ستيل.

هنتكلم بشكل مفصل مع ياقوطة عن أهم مواصفات ومميزات وعيوب فرن فريش أسود- 48 لتر- شواية ومروحة  وهنوضح رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري فرن فريش أسود- 48 لتر- شواية ومروحة من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات فرن فريش أسود- 48 لتر- شواية ومروحة

• العلامة التجارية: فريش
• الموديل: Plaza 48
• طريقة التثبيت: فرن سطح الطاولة
• نوع الوقود: كهرباء
• الحجم: 48 لتر
• أبعاد المنتج (العرض×العمق×الارتفاع): 55×42.5×36 سم
• اللون: أسود

مميزات فرن فريش أسود- 48 لتر- شواية ومروحة

• تصميم أنيق عصري باللون الأسود من الخارج، وبيتميز بسعة داخلية كبيرة 48 لتر تقدر تستخدم معاه كافة مقاسات أواني الطهي.
• باب كامل للفرن مصنع من الزجاج القوي وميزته انه من الداخل سطحه ناعم سهل التنظيف وبتقدر تتابع منه عملية الطبخ بعنيك من خلال الزجاج للحفاظ على الحرارة الداخلية من التسريب.
• مزود من الداخل ب 4 مستويات منفصلة بارتفاعات مختلفة مصممة لكل مستويات الطهي.
• مزود بسيخ شواية للفراخ أو اللحوم والكفتة وكل أنواع المشويات وتحتها صينية لتجميع الدهون من عملية الشوي وتنضيفها بسهولة بعيد عن الفرن.
• مصمم ب 3 مفاتيح للتحكم للتحكم في التسوية والحرارة والتايمر، الحرارة من 100 ل 250 درجة مئوية بتناسب التسخين والتسوية، والتايمر بتقدر تظبطه لحد 90 دقيقة، ومفتاح التحكم في التسخين والتسوية من خلال 5 مستويات للتشغيل.
• مزود ب 4 شمعات متوعة 2 في الأسفل و2 في الأعلى لتوزيع مثالي للحرارة.
• بييجي معاه 4 ملحقات مصنعة من الفولاذ المقاوم للصدأ، عبارة عن سيخ شواية وماسك لسهولة رفع الشواية والصواني، ورف شبك لوضع الصواني عليه وصينية بحجم كبير للمخبوزات أو استخدامها في الأكلات وبتحمي الفرن من الدهون.
• متعدد الوظائف، هتقدر تحضر معاه الكيك والمخبوزات وتحمص الأكلات بشكل شهي وتستخدم الشواية في التحكم في التحمير بدرجة القرمشة اللي تحبها.
• إمكانية الاحتفاظ بالأكل لفترة ساخن على حرارة 100 لحد وقت التقديم.
• بتقدر تذوب فيه اللحوم أو الأكلات المجمدة بسرعة، وبعدين تسخنها أو تسيبها لمرحلة الطهو.
• مزود بشواية داخلية مثالية لتحمير وتحميص وتجهيز كل أطباق الكرسبي المختلفة والتوست وشوي اللحوم بشكل رائع.
• يعمل بالكهرباء بقوة 2000 وات وبالتالي سرعة تسخينه عالية ومثالي في توزيع الحرارة.
• مزود بمروحة داخلية لتوزيع الحرارة بشكل مثالي ولسرعة التسوية.
• مزود بإضاءة داخلية لسهولة متابعة الأكلات بدون فتح الباب.
• مزود بخاصية التسخين أسفل الفرن ودي ميزة حلوة فيه تقدر تستخدمها في تسخين المخبوزات أو الأطباق قبل تقديمها.
• مصمم بمقبض خارجي بعرض الباب مصنع من المعدن.
• عليه ضمان داخلي وخارجي لمدة سنتين.

عيوب فرن فريش أسود- 48 لتر- شواية ومروحة

• غير موفر في استهلاك الكهرباء وبيؤدي لارتفاع فاتورة الكهرباء بشكل كبير
• غير معزول حراريا والجسم الخارجي للفرن بيسخن جدا وقت الاستخدام وما ينفعش تلمسه وقت الاستخدام وبعدها بفترة.
• خامات الزجاج المصنع منه باب الفرن ضعيفة.
• قطع الغيار أسعارها عالية.

خدمة ما بعد البيع لفرن فريش أسود- 48 لتر- شواية ومروحة

• رقم صيانة فريش الرئيسي: 19059
• مراكز الصيانة غير متوفرة في كل المحافظات.. بمعنى ان خارج القاهرة بتضطر تتعامل عن طريق وكيل صيانة مش مع الشركة بشكل مباشر.
• أسعار قطع الغيار تعتبر أعلى من مثيلاتها في السوق.

آراء المستخدمين في فرن فريش أسود- 48 لتر- شواية ومروحة

• بستخدمه من أربع سنين وبعتمد عليه بشكل كبير في التسوية خاصة ففي المخبوزات لأنه مميز جدا فيها وكفائته عالية وأعطاله قليلة جدا.
• الفرن كويس جدا لكن صرف عليه أد تمنه تغيير لزجاج الفرن كل شوية لأنه ضعيف وبيتكسر لو أي صينية خبطت فيه وانا بدخلها أو بخرجها.
• خاماته ضعيفة، طلبته أون لاين ووصلني الباب معووج واليد مكسورة.
• المروحة مش بتشتغل وأكبر مشكلة فيه إنه مش معزوول وبيسخن جدا من الخارج. 

شوف فرن فريش أسود- 48 لتر- شواية ومروحة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 4 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.