جمّع أجمد كمبيوتر ألعاب مع ياقوطة
كتب: خالد عاصم
محبي ألعاب الفيديو نوعين، نوع بيحب يلعب الألعاب دي على المنصات زي بلاي ستيشن واكس بوكس، والنوع ده بيكتفي بقوة الأجهزة دي وبأسعارها الموفرة وبيحتاج بس لتليفزيون عشان توصيلها، أما النوع التاني فده اللي بيحب يمارس الألعاب دي على الكمبيوتر والنوع ده مابيبقاش عنده مشكلة في الميزانية وبيفرق معاه إنه يشتري جهاز يقدر يدعم كل حاجة ولسنين طويلة تعدي حتى عمر أي منصة ألعاب تانية، ودول بنقدملهم المقال ده.
من خلال المقال ده هنتعرف على مجموعة من مكونات كمبيوتر الألعاب المكتبي الفائق السرعة واللي يقدر يشغل كل الألعاب على أعلى جودة ويعيش لسنين طويلة، وكل المكونات اللي هنتكلم عنها هتلاقوها متوفرة على ياقوطة وهتقدروا تطلبوها من خلالنا وهتوصلكم لخد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مكونات كمبيوتر ألعاب PC اللي بتحلم بيه
اللوحات الأم MotherBoards
لوحة MSI MAG Z390 Tomahawk
الماذربورد المناسبة لو هتستخدم بروسيسور انتل وتعتبر واحدة من أقوى اللوحات الأم المتوفرة في السوق، اللوحة من نوع ATX وبتدعم رامات لحد ٦٤ جيجابايت يعني هتقدر تشيل معاك كتير ولسنين طويلة وبتدعم الشريحة معالجات فئة LAG1151 وبتقدر تدعم لحد أربع معالجات مرة واحدة، وفيها أربع أماكن للرامات من فئة DDR4.
شوف عروض أسعار ماذربورد MSI MAG Z390 من هنا.
البروسيسور Processor
بروسيسور Intel Core i7 الجيل التاسع
قلب الكمبيوتر ه المعالج المركزي أو البروسيسور وعشان تقدر تكون كمبيوتر ألعاب PC قوي لازم يكن قلبه قوي وعشان كده هيكون اختيارك معالج Intel Core i7 الجيل التاسع بسرعة ٣٫٦٠ جيجا هيرتز، وطبعًا تقدر تشتري معالج Core i9 بس ده هيكون مكلف جدًا لأن سعره حوالي ١٠ آلاف جنيه تقريبًا.
شوف عروض أسعار معالج Intel Core i7 من هنا.
اتعرف على عروض أسعار كل البروسيسورات واللوحات الام المتوفرة على ياقوطة من هنا.
الذاكرة العشوائية (الرامات) RAM
رامات Kingston ValueRAM 16 GB
الرامات هي تاني أهم عنصر في أي كمبيوتر ولأننا بنبي كمبيوتر ألعاب PC قوي ويقدر على أي حاجة فلازم نختارله رامات قوية جدًا وعشان كده اخترنا Kingston ValueRAM اللي بتدي جهازك قوة ١٦ جيجابايت رام بشريحة واحدة بس واللي من فئة DDR4 وبتتميز بسرعة بتوصل لحد ٢٤٠٠ ميجا هيرتز،والميزة في إنها من شريحة واحدة إنك تقدر تجيب منها اتنين ويبقى عندك رامات سعتها ٣٢ جيجابايت رام يعني جهاز يعيش معاك للمستقبل لسنين ادام.
شوف عروض أسعار رامات Kingstone ValueRam 16GB من هنا.
اتعرف على عروض أسعار مختلف الرامات المتوفرة على ياقوطة من هنا.
كارت الجرافيكس Graphics Card
كارت فيجا MSI RTX 2070 SUPER VENTUS
طالما بنتلكم عن جهاز مخصص للألعاب فلازم نهتم جدًا بكارت الشاشة أو الجرافيكس وعشان كده احترنا واحد من أقوى كروت الشاشة المتوفرة في السوق واللي بتقدمه MSI واللي بيعتمد على شريحة Nvidia RTX 2070 Super سعة ٨ جيجابايت والقابل للتعديل لرفع السرعة، وده مش هيخلي أي لعبة بأي إعدادات تقدر تقف قصادك.
شوف عروض أسعار كروت شاشة MSI RTX 2070 Super من هنا.
اتعرف على عروض أسعار كروت الشاشة المتوفرة على ياقوطة من هنا.
حاوية المكونات والمبردات Case and Coolers
حاوية الكمبيوتر أو Case هي المكان اللي بيتحط فيه كل مكونات الكمبيوتر بس أهميته بتكون في أكتر من كده، فالحاوية كمان لازم تكون قوية ولازم يكون فيها مساحات وإمكانيات تبريد متميزة ده غير الشكل اللي بيدي إيحاء بالقوة المناسبة للألعاب، وتعبر شركة Cooler Master واحدة من أبرز الشركات في مجال تصنيع الحاويات وكمان وحدات تبريد الكمبيوتر، واخترنالكم من منتجاتها محدة ممتازة مصنوعة من الستيل والبلاستيك والزجاج الحراري، وبتتمتع الحاوية بسبع أماكن للبطاقات ده غير إن فيها عدد كبير من منافذ USB ومنافذ Audio وفيها كمان إضاءة متعددة الألوان، أما بالنسبة للتبريد فالحاوية فيها تبريد أمامي من خلال ٣ مراوح بسرعة ١٢٠٠ لفة في الدقيقة لكل مروحة بالإضافة لمروجة خلفية بقوة ١٢٠٠ لفة في الدقيقة، جدير بالذكر إن الحاوية مفيهاش مصدر طاقة وننصح باختيار مزود طاقة مناسب مع الإمكانيات اللي هتستخدمها في الكمبيوتر.
شوف عروض أسعار حاويات Cooler Master المتوفرة على ياقوطة من هنا.
اتعرف على عروض أسعار كل أنواع حاويات ومبردات الكمبيوتر من هنا.
اتعرف على عروض أسعار مختلف مكونات الكمبيوتر المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.