كتبت: أمنية عزمي

مكنسة فريش البرميلية توربيدو من أقوى الأنواع المنافسة في السوق من نفس النوعية ودا لأنها بتجمع بين المواصفات العالية واللي بتتفوق فيها على أنواع تانية كتير من فئة أسعار أعلى، وبين السعر المنافس بقوة بالإضافة لإسم فريش بثقة عملاؤه فيه، المكنسة مصممة بشكل برميلي بسعة كبيرة لحاوية الأتربة تبلغ 21 لترمع مؤشر لامتلاء الوعاء، موتور بقوة 2000 وات بيتميز بقوة شفط وطرد عالية جدا، فيها فلتر اسفنجي سهل التنظيف وكمان فلتر HEPA علشان يوفر جو نقي صحي مفلتر، سلك بطول 5 متر بيوفر حرية الحركة في المكان، والمميز فيها إنها بتحتوي على بلاور اللي بيعمل على طرد الهواء لنوع آخر من التنظيف، مع فرش بأحجام وأشكال متعددة تتناسب مع تنظيف كل الأسطح والأرضيات ومكان مخصص لتخزين الملحقات.

تابعنا مع ياقوطة علشان تتعرف على أهم مواصفات ومميزات وعيوب مكنسة فريش برميل توربيدو- 2000 وات  وهنتعرف كمان على رأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري مكنسة فريش برميل توربيدو- 2000 وات من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• إسم الموديل: Torpedo 2000
• اللون: متعدد
• قوة المكنسة الكهربائية: 2000 وات
• سعة حاوية الأتربة: 21 لتر
• طول السلك: 5 متر
• مزودة بكيس: نعم
• فترة الضمان: ضمان داخلي وخارجي لمدة سنة

المميزات

• حاوية برميلية بتتميز بسعة ضخمة تصل ل 21 لتر بتقدر تنضف معاها كميات أكبر من الأتربة مع الحفاظ على ميزة سهولة تفريغها وإزالة كل الأتربة بسهولة.
• قدرة عالية على شفط جميع الأتربة وذرات التراب بفضل موتور بقوة 2000 وات، بتنضف جميع الأتربة والأوساخ سواء في الأرضيات أو المفروشات.
• مزودة بنظام لحماية المحرك على الغطاء الخاص بها.
• بتتميز بنظام ترشيح متعدد من خلال فلتر اسفنجي بالإضافة لفلتر HEPA المضاد للبكتيريا اللي بيعمل على تنقية الهواء من كل الملوثات مع ميزة قابلية الفلتر للغسل.
• بتوفر بيئة صحية من خلال القدرة على فلترة جسيمات الهواء والتقاط الجسيمات الصغيرة زي المواد اللي بتسبب الحساسية والمواد المسببة للتهيج والملوثات.
• مزودة بذراع تليسكوبية، الذراع عبارة عن عصا معدنية تليسكوبية وبتقدر تعدل طولها حسب الرغبة علشان تسهل التعامل عليك والوصول لكل الأماكن.
• مزودة بسلك طوله 5 متر لحرية الحركة في المكان، وبتتميز بخاصية اللف التلقائي للسلك الكهربائي للمكنسة وبتمنع تشابك الأسلاك.
• مزودة بملحقات متعددة لضمان التنضيف الشامل لكل محتويات البيت، فرشاة شفط بقاعدة عريضة للغبار والنفايات، وفرشاة بحجم أصغر للوصول للأماكن الضيقة ولتنضيف المفروشات والستائر.
• بتتميز عن المكانس بوظيفة الطرد (البلاور) وبتعمل على طرد الهواء بنفس القوة لإزالة الأتربة من الأماكن الصعب الوصول إليها وتنظيفها من الأتربة الملتصقة، وبتتحكم في وظيفة طرد الهواء من المقبض.
• مصنعة بشكل برميلي عبارة عن جسم معدني مصنع من أفضل أنواع الصاج بخامات عالية الجودة وملحقاتها مصنعة من أجود أنواع البلاستيك وبتتحمل العمل الشاق لفترات طويلة متصلة.
• مصممة بأربع عجلات بحجم صغير بتساعد على دورانها في المكان وتحركها بسهولة سواء عالسجاد أو الأرضيات.
• مصممة بكلبسات جانبية لإحكام قفل الغطاء.
• عليها ضمان شامل داخلي وخارجي لمدة سنة.

العيوب

• بتحتاج تهتم بالفلتر وتنضفه أول بأول علشان تحافظ على تنقية الهواء من الأتربة والميكروبات.
• غير مزودة بسرعات مختلفة للتحكم في قوة الشفط أو الطرد وإن كان ملهاش احتياج قوي.
• مش بتدعم خاصية التنضيف الرطب أو التنضيف بالبخار المفيد في غسل السجاد والمفروشات.
• فترة ضمانها سنة واحدة فقط والأنواع التانية مش أقل من سنتين.
• بتحتاج مساحة كبير للتخزين.

خدمة العملاء

• الرقم الخاص بصيانة المكانس 19059
• بيوفروا قطع غيار أصلية، وضمان 3 شهور بعد الإصلاح، وصيانة منزلية فورية.

تجربة المستخدم

• سيدة منزل استخدمتها وبتقول إنها هايلة في التنضيف وموتورها قوي وقالت إن فلتر هيبتا بالذات بيحتاج موتور قوي لأنه عبارة عن فلتر من الألياف الضيقة وبيحجز الجزيئات الدقيقة فيه والهوا بيكون محتاج موتور قوي للمرور من خلاله علشان تحس بقوة الشفط، قالت إنها بتحب تنضف الفلتر أول بأول علشان يكون بنفس قوته خاصة ان غسيله سهل، كانت بتفضل إن يكون فيها تنضيف رطب للسجاد لكن مش موجود، ماواجهتش معاها مشاكل خلال الاستخدام.

شوف مكنسة فريش برميل توربيدو- 2000 وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.