كتبت: أمنية عزمي

التكييفات الصحراوية بتوفر طاقة تبريد عالية بطريقة فعالة جدا وفي نفس الوقت استهلاكها للطاقة لايذكر ودي من الأسباب اللي خلت ناس كتير تتجه لشرائها، لكن هل التكييفات الصحراوية مناسبة لأي مناخ! الحقيقة هي مناسبة جدا للأماكن الجافة لأنها بتوفر رطوبة مع تبريد للمكان وبالتالي بتفرق جدا في ترطيب درجة الحرارة، كارينو من ماركات مبردات الهواء اللي تقدر تعتمد عليها في الأماكن الصغير المفتوحة، بيتميز بوجود علبتين للتلج بيساعدوا على تبريد الحرارة بشكل كبير، ومزود ب 3 سرعات مختلفة، ومصمم بعجلات تسهل نقله من مكان لمكان ومعاه ريموت كنترول وتايمر لمدة 12 ساعة.

تابعنا مع ياقوطة علشان تتعرف أكتر على مبرد هواء كارينو  ١٠ لتر وتعرف مواصفاته ومميزاته وكمان عيوبه ورأي المستخدم فيه علشان تقدر تكون فكرة كاملة عنه قبل ما تشتري، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: CA382HLAJD96NAFAMZ
• اللون: أبيض.
• الموديل: LFS 100A
• فترة الضمان: 1 عام.
• أبعاد المنتج: 104× 46× 30 سم.
• بلد المنشأ: الصين.
• الخامة الأساسية: بلاستيك/معدن.

المميزات

• بيساعدك على التقليل من حرارة الجو عن طريق سحب الهواء من فلتر مشبع بالمياه والهواء بيمر من خلال الفلتر ويتبخر معاه جزء من المياه ويتوزع في المكان من خلال الريش المتحركة.
• مزود بشاشة عرض LED بتساعدك تسوف الاختيار المناسب بسهولة بفضل الإضاءة في الخلفية.
• مزود بخزان سعته 10 لتر، بتعتبر سعة متوسطة لكن مناسبة لو استخدمت التلج في التبريد ومزود بمؤشر شفاف بيبين مستوى مية الخزان.
• مزود بعلبتين تلج بيساعدوا على بقاء التلج بنفس برودته فترات طويلة ومرور الهواء عليهم بيخلي حرارة المكان تقل بشكل ملحوظ.
• قوة تبريده جيدة جدا، يعمل بقدرة كهربائية 120 وات، وتقدر تشغله على أي محول كهرباء في حال إنقطاع التيار الكهربائي.
• بيغطي مساحة تبريد من 15 ل 25 متر مربع، وبالتالي بيكون مناسب جدا في الأماكن اللي مساحاتها كبيرة.
• مزود بمروحة قوية ب 3 سرعات بتوفر ميزة تدفق الهواء في أربع إتجاهات بقوة في المكان بفضل التأرجح التلقائي اللي بينشر البرودة في المكان.
• موزع التدفق البارد بيضمن توزيع قوي ومتساوي للمياه للحصول على درجات تبريد عالية في كل أنحاء المكان.
• موفر جدا في الكهرباء لأنه مش بيحتاج فريون ولا كمبريسور وبالتالي بيستهلك كهرباء زي المروحة.
• بيحتوي على شاشة ديجيتال وريموت كنترول للتحكم عن بعد.
• مصنع من البلاستيك الحراري القوي اللي بيتحمل وضد الصدأ وسهل التنظيف.
• حجمه صغير ومش بيشغل مساحة كبيرة وتقدر تحطه في أي مكان بسهولة وتنقله كمان بين الغرف بسهولة.
• مزود بحماية من انخفاض مستوى المية وبيصدر إنذار تنبيه عند حد معين علشان ينبهك تزود مستوى المية.
• مثالي جدا للأماكن الجافة وبيمنحها معادلة الرطوبة المطلوبة لجو صحي.
• مزود بأربع عجلات بتسهل حركته ونقله من غرفة لغرفه.
• صوته هادئ وبالتالي تقدر تستخدمه في أوقات النوم بدون إزعاج.

العيوب

• تصميم الفتحات فيه من اتجاه واحد فقط في الواجهة وبالتالي بيكون انتشار الهواء محدود بعكس الأنواع التانية اللي مصممة بفتحات في الجوانب والواجهة.
• لا يصلح للأجواء اللي فيها رطوبة لأنه هو نفسه بيزود الرطوبة في الجو وزيادتها بتعمل اختناق واحساس عالي بالحرارة.
• بتحتاج تفتح شباك أو منفذ تهوية معاه وبالتالي بيكون مصدر للحرارة الخارجية المستمرة.
• سعة 10 لتر سعة صغيرة بتحتاج معاها انك تملى الخزان باستمرار.
• بيحتاج غسل حوض المياه باستمرار وتنظيفه من الأتربة والترسبات علشان متكونش وسط لنمو الميكروبات وكمان بيسبب روائح كريهة في الجو.
• بيحتاج لصيانة دائمة دورية زي تغيير الحشوة الداخلية المبطنة علشان تمنع الأملاح والأتربة والروائح الكريهة منه ومايكونش مجال لنمو الميكروبات اللي بتزود الحساسية الصدرية.
• المروحة الداخلية بتحتاج فحص وتزييت باستمرار.

خدمة العملاء

• رقم مركز خدمة عملاء وصيانة كارينو في مصر 01211115709.

تجربة المستخدم

• الآراء بتقول إنه بيحتاج تلج علشان تحس انه بيطلع هوا أبرد من المروحة لأنه بالمية بس مع بيكون هوا عادي مشبع بالرطوبة، والناس اللي استخدمته في أماكن مفتوحة قالت انه أفضل.
• في ناس واجهت معاه مشاكل بعد شهر واحد من التشغيل في ريش المروحة وانها مش بالجودة ولا القوة اللي كان بيشتغل بها في الأول بالإضافة انه بيكون ليه صوت عالي.

شوف مبرد هواء كارينو ١٠ لتر هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.