كتبت: أمنية عزمي

أنواع الغسالات في السوق كتير واللي بيخلي الناس تحتار في النوع الكويس علشان كده مهم تعرف مزايا وعيوب كل نوع علشان تقدر تقرر، هوفر من الماركات اللي بدأ يبقى ليها سوق كبير وده لأنها إيطالي وجودتها عالية وليها مميزات كتير وحتى بعض العيوب فيها تعتبر مميزات لأنها بتحافظ على الغسالة من الدخول في أعطال زي إنها بتتوقف مثلا لو كمية المية اللي داخلة فيها مش كفاية أو إن الحمولة زايدة واللي ممكن يؤثر على قوة تحمل الموتور مع الوقت ودا في حد ذاته رفض منها للسلوكيات الغلط اللي تأثر عليها، فا لو كانت العيوب نفسها مميزات فما بالك بالمميزات اللي بتخليها مختلفة عن أي نوع.

تابعونا مع ياقوطة هنتكلم بالتفصيل عن غسالة HOVER (هوڨر) فل أتوماتيك سعة 10 كيلو- 1500 لفة وهنتعرف على أهم مواصفاتها ومميزاتها وكمان عيوبها ورأي الناس اللي استخدمتها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• موديل المنتج: DWFT510AHB3-EGY
• حمولة الغسالة: 10 كيلو.
• معدل الدوران: 1500 لفة في الدقيقة.
• سخان داخلي: متوفر.
• طلمبة: نعم.
• الأبعاد (العرض×الارتفاع×العمق) مم: 600× 850× 520.
• مجفف: لا.
• بخار: لا.
• شاشة ديجيتال: نعم.
• فترة الضمان: خمس سنوات ضمان مجاني شامل.

المميزات

• هوفر غسالة إيطالية الصنع بالكامل بأجود الخامات من الداخل والخارج.
• سعة الغسالة 10 كيلو بتوفر عدد مرات الغسيل وتقدر تغسل فيها بطاطين ومفروشات وتوفر عليك مصاريف الدراي كلين وتعب الغسيل اليدوي.
• مزودة بتقنية الغسيل الذكي عن طريق التحكم في تشغيلها من الموبايل ببرنامج التشغيل عن طريق NFC عن بعد.
• من الغسالات الأكثر كفاءة على الإطلاق ومصنفة فئة A+++ بتوفر جدًا في استهلاك الكهرباء والمية وبتوفر عليك إنفاق المال بشكل كبير.
• تعمل بموتور انفرتر وبيعتمد على الدفع المباشر اللي بينقل الحركة بطريقة مباشرة للحلة والمروحة بدون ناقل الحركة (السير) وده بيضمن عوم أقوى للدوران للدوران وبيوفر الهدوء للغسالة وعدم الاهتزاز وقت العصر، وبيقلل من استهلاك الكهرباء بنسبة 30% اقل.
• مزودة بشاشة LCD من أفضل الشاشات الديجيتال في السوق، مساحتها كبيرة وألوانها واضحة وتعمل باللمس، بيظهر عليها البيانات والأعطال.
• بتقدر توصلها بالواي فاي وتتحكم فيها عن بعد.
• معدل دورانها 1500 لفة في الدقيقة يعني قوة تنضيف عالية وقوة عصر عالية والغسيل مش بيحتاج وقت طويل علشان ينشف.
• جسم الغسالة مصنع من الاستانلس ستيل بالكامل المضاد للصدأ وبيحفظها من مشاكل البارومة اللي بنعاني منها ومن مشاكلها مع الغسالات.
• تعمل بخاصية الغسيل ثلاثي الأبعاد، خاصية شلال التربو تعمل على توزبع المياه بشكل ثلاثي الأبعاد وتدويره بالتساوي لتقليل تشابك الملابس والتخلص من أي رواسب.
• بتتميز بفتحة باب واسعة بعرض 35 سم بتفتح بزاوية 180 درجة بيسهل كتير إنك تضيف الملابس الشتوي والبطاطين والمفروشات بسهولة.
• حلة الداخلية العصر ستيل بالكامل مقاومة للصدأ وبتحافظ على نسيج الأقمشة.
• مزودة ببرامج متعددة لكل أنواع الملابس ودرجات الحرارة.. برنامج الغسيل الاقتصادي عند درجة حرارة 20، برنامج التعقيم الشامل، برنامج غسيل جميع أنواع الأقمشة في 49 دقيقة على حرارة 40 درجة، برنامج غسيل الملابس القطنية البيضاء مع الغسلة التمهيدية، البرنامج السريع في 14، 30، 44 دقيقة، برنامج الشطف، برنامج العصر والصرف، برنامج غسيل الملابس المختلطة والملونة، برنامج لغسل المنسوجات الناعمة زي الحراير، برنامج للصوف، برنامج غسيل يدوي.
• خاصية تأجيل بدء التشغيل حتى 24 ساعة كاملة.
• مزودة بعدة مفاتيح للتحكم.. مفتاح بدء التشغيل والإيقاف المؤقت باللمس، مفتاح للتحكم في درجة الحرارة، مفتاح التشغيل الليلي، البرنامج المفضل، مفتاح للبخار، مفتاح الشطف الإضافي، التعقيم الشامل للملابس، مفتاح الغسيل التمهيدي، مفتاح للتحكم في سرعة العصر، مفتاح للتحكم في درجة الحرارة حتى 90 درجة، البرنامج السريع وتحديد درجة اتساخ الملابس، مانع لكرمشة الملابس.
• عليها ضمان مجاني لمدة 5 سنوات مجاني شامل من توشيبا العربي.

العيوب

• الغسالة بتتوقف عن الغسيل لو كمية المية اللي داخل أقل من المطلوب وده بيحصل لسببين: الأول إن خرطوم المياه يكون فيه عائق يمنع تدفق المياه أو إن الخرطوم يكون من نوع ضعيف وبيتقطع بسرعة، لكن بتكون مشكلة سهلة بتتحل بسرعة من الصيانة بتغيير الخرطوم.
• قطع غيارها مش دايما متوفرة وده لأنها مستوردة.

خدمة العملاء

• دعم فني 24 ساعة، سيارات مجهزة لجميع المحافظات.
• في شكاوى كتير من الناس بسبب سوء مستوى الصيانة مؤخرا في توشيبا العربي.

تجربة المستخدم

• بقالها فترة عندي وشغالة كويس جدا، تنضيفها عالي وسعتها كبيرة وهايلة في غسل المفروشات وبغسل فيها البطانية، لكن لو الحمولة زادت عن اللزوم بتقف لوحدها ودي ميزة فيها انها بتحافظ على الموتور، العطل الوحيد اللي وجهته مرة هو عطل في اللوك بتاع باب الغسالة والصيانة جت صلحته.
• بعض المستخدمين قالوا إن لو كمية الغسيل زادت عن الحد المحدد الغسالة هتتوقف ومش هتكمل دورتها. هي مش عيب واضح لإنه بيحافظ على الغسالة. لكن كان عندي غسالة من شركة تانية، وكانت بتشتغل حتى لو كمية الغسيل أكبر من طاقتها.

شوف غسالة HOVER (هوڨر) فل أتوماتيك سعة 10 كيلو- 1500 لفة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.