مزايا وعيوب ريسيفر كيوماكس 999 ميني
كتب: محمد حمدي
كيوماكس تُعتبر واحدة من أشهر ماركات الريسيفرات متوسطة الجودة في السوق المصري، إن لم تكن أفضلهم. وده بسبب انخفاض سعرها النسبي مقارنةً بباقي الريسيفرات في السوق، وتوافر قطع غيارها ومعرفة المتخصصين في الصيانة بيها. علشان كده قررنا نستعرض معاكم ريسيفر كيوماكس 999 ميني واللي ممكن تشوفوه على ياقوطة وتشترون أنولاين كمان وهيوصلكم لحد باب البيت وفي أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مواصفات الريسيفر
- العلامة التجارية: كيوماكس.
- دقة الصورة: Full HD.
- اللغات المدعومة: العربية، الإنجليزية، الفارسية، الألمانية، الروسية وكتير من اللغات التانية.
- دعم الاتصال بالإنترنت: لا يوجد.
- فتح القنوات المشفرة: لا يوجد.
- دعم البحث العشوائي عن القنوات: نعم.
تقييم ريسيفر كيوماكس 999 ميني
التصميم
المزايا
- تصميم صغير وقابل للوضع خلف التليفزيون.
- سهولة في التركيب والتشغيل.
- مزود بشاشة صغيرة ينفع تتثبت في أي مكان ظاهر علشان نعرف رقم القناة.
العيوب
- تصميم من البلاستيك الخفيف القابل للكسر بسهولة.
- الشاشة الصغيرة ممكن تقع على المدى الطويل.
تجربة المستهلك
تصميم الريسيفر جيد وممكن يُوضع خلف التليفزيون بسهولة بحيث ما يكونش ظاهر للناس، لكن التصميم من مكونات بلاستيك رخيصة وضعيفة وقابلة للكسر بسهولة وسرعة.
الإمكانيات
المزايا
- سهولة في استعمال إمكانيات الريسيفر.
- القوائم واضحة وسهلة ومفيش أي إمكانيات صعب الوصول ليها أو مستخبية في القوائم.
- ميزة البحث العشوائي عن القنوات ممتازة.
- جودة الصورة ممتازة لحجم وسعر الريسيفر.
العيوب
- قوائم القنوات المفضلة مش بتفضل شغالة على طول وبتحتاج إعادة ضبط كل شوية.
- لما تجرّب تضيف تردد جديد لقناة بتاخد وقت وجهد كبير.
تجربة المستهلك
على الرغم من إن قوائم الريسيفر سهلة الاستخدام ومفيش حاجة مستخبية، لكن في نفس الوقت إمكانيات الريسيفر ضعيفة ومعظم المميزات المكتوبة على علبة الريسيفر مش بتشتغل بشكل حقيقي أو بتشتغل لوقت محدد وبعدين بتحتاج إعادة ضبط من جديد، زي قوائم القنوات المفضلة مثلًا.
الأجهزة والبرامج الملحقة
المزايا
- الريسيفر قابل لتوصيل أجهزة Hard Disk خارجية أو حتى Flash memory.
- الريسيفر ملحق ببرنامج داخلي لتشغيل ملفات الموسيقى والأفلام، والتسجيل من القنوات على الفلاش ميموري.
- الريسيفر بيقبل تنزيل ملفات القنوات وتحديثات النظام من الفلاش ميموري.
العيوب
- أماكن توصيل الفلاش ميموري في مؤخرة الجهاز بتخليها غير عملية.
- الجهاز مش بيشغّل كل امتدادات الملفات زي MKV مثلًا الغير مدعوم.
- الحد الأقصى لتشغيل أجهزة تخزين مع الريسيفر ١ تيرابايت فقط.
تجربة المستهلك
الريسيفر بيقدم مجموعة من الإمكانيات الأفضل بكتير من سعره وحجمه، لكن في نفس الوقت واجهة الاستخدام مش سهلة زي ما كُنا متصورين، وده أدّى إلى إن بعض الإمكانيات والخدمات أصبح استخدامها صعب وغير عملي.
التقييم النهائي
لو محتاج ريسيفر عملي ورخيص ومش بيعمل حاجة غير عرض القنوات Full HD على التليفزيون، كيوماكس 999 هيكون مناسب. أما لو عاوز ريسيفر فيه إمكانيات متطورة ويقدر يعلّي إمكانياته مع ارتفاع توقعاتك منه باستمرار، في الحالة دي ننصحك تدوّر على ريسيفر تاني بعيد عن شركة كيوماكس.
شوف ريسيفر كيوماكس 999 ميني من هنا.
قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
الريسيفر يستهلك الكابل الواصل للتليفزيون كل شهر كابل جديد
حضرتك ممكن تتواصل مع الصيانه تشوف المشكله منين و ابقى بلغنا بالتطورات
هل كيوماكس 999 ميني فيه امكانيه التسجيل على الفلاشه ؟
أهلًا يا شريف. حسب وصف الشركة فالجهاز بيقبل التسجيل من خلال الـ USB.
كيوماكس فول اتش دي بلص
ممكن حد يقولي راي في هذا الرسيفر
أهلًا يا أحمد
تقدر تعرف سعره ومواصفاته من هنا
https://yaoota.com/ar-eg/product/qmax-mst-999-h4-plus-full-hd-digital-satellite-receiver-2-price-from-souq-egypt
ولو تحب تشوف ريفيو عن موديل قريب قوي منه من هنا
https://yaoota.com/magazine/%D9%85%D8%B2%D8%A7%D9%8A%D8%A7-%D9%88%D8%B9%D9%8A%D9%88%D8%A8-%D8%B1%D9%8A%D8%B3%D9%8A%D9%81%D8%B1-%D9%83%D9%8A%D9%88%D9%85%D8%A7%D9%83%D8%B3-999-%D9%85%D9%8A%D9%86%D9%8A/
شكرًا
هل يدعم البى اوت
لسه يا افندم مفيش تأكيد إن الموديل ده تحديدا بيدعم تردداتها، ممكن مستقبلا
رسيفر مقارنة بالآخرين فهو سئ للغايه الراديو لا يعمل والرساله التي تظهر protect فهو مستوى سي جدا جدا جدا من الشركه