كتب: خالد عاصم

ممكن يكون قرار شرا تابلت جديد قرر مش سهل، وخصوصًا بالنسبة لأجهزة التابلت الرائدة اللي بتتميز بإماكانيات قوية جدًا بس كمان بيكون سعرها عالي شوية، بس في أجهزة بتشدك وتخليك تفكر في إنك تشتريها بشكل جدي لو ميزانيتك تقدر عليها حتى لو أنت مش محتاجها أوي ومن بين الأجهزة دي تابلت Samsung Galaxy Tablet S6 الرائد.

لو بتفكر تشتري تابلت Samsung Galaxy Tab S6 الرائد يبقى لازم تقرا المقال ده الأول عشان تقدر تتعرف على مميزاته وعيوبه وتعرف إن كان يستحق سعره الكبير ولا لا، ولو عجبك التابلت هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Samsung Galaxy Tab S6

المواصفات

• أبعاد التابلت: ٥.٧ × ١٥٩٫٥ × ٢٤٤٫٥ مم بوزن ٤٢٠ جرام.
• البناء والصناعة: هيكل وضهر من الألومنيوم بزجاج أمامي.
• شاشة التابلت: شاشة Super AMOLED بقطر ١٠٫٥ بوصة بمعدل ١٦:١٠ تستحوذ على نسبة ٨٢.٥ في المية من مساحة التابلت الأمامية ودقة عرض التابلت ٢٥٦٠ × ١٦٠٠ بيكسل بكثافة ٢٨٧ بيكسل لكل بوصة.
• المكونات الداخلية: بيعتمد تابلت Samsung Galaxy Tab S6 على بروسيسور كوالكوم سنابدراجون ٨٥٥ بمعمارية ٧ نانوميتر وهو بروسيسور ثماني النواة بسرعة ٢.٨٤ جيجا هيرتز لشريحة Kryo 485 وبسرعة ٢.٤٢ جيجا هيرتز لتلات شرايح Kryo 485 ومن أربع شرائح Kryo 485 بسرعة ١٫٧٨ جيجا هيرتز ومدمج بيه معالج رسوميات Adreno 640 والتابلت بيصدر بإصدارين الأول برامات سعتها ٦ جيجابايت رام بذاكرة داخلية سعتها ١٢٨ جيجابايت وبرامات سعتها ٨ جيجابايت بذاكرة داخلية سعتها ٢٥٦ جيجابايت والتابلت بيقبل كروت الميموري لحد ١ تيرابايت من خلال منفذ مستقل.
• نظام التشغيل: اندرويد ٩ باي بواجهة مستخدم One UI 2
• الكاميرات: كاميرا خلفية مزدوجة بعدسة رئيسية بقوة ١٣ ميجا بيكسل بفتحة f/2.0 وبعدسة بالغة العرض بدقة ٥ ميجا بيكسل بفتحة f/2.2 مدعومة بتقنية HDR وبتصور فيديو بجودة 2160p بمعدل ٣٠ إطار في الثانية أما الكاميرا الأمامية فقوتها ٨ ميجا بيكسل بفتحة f/2.0 وبتصور الفيديو بجودة 1080p بمعدل ٣٠ إطار في الثانية
• التقنيات الصوتية: صوت ستيريو بأربع سماعات ودعم لتقنية دولبي أتموس وصوت محسن من خلال شركة AKG/Harman بس التابلت مفيهوش منفذ ٣٫٥ مم.
• المستشعرات: ماسح بصمة مدمج أسفل الشاشة – التسارع – التقارب – الدوران – البوصلة.
• منفذ الشحن: USB Type-C.
• البطارية: سعة ٧٠٤٠ ميللي أمبير في الساعة بيدعم تقنية الشحن السريع بقوة ١٥ وات.

مزايا وعيوب تابلت Samsung Galaxy Tab S6

مزايا تابلت Samsung Galaxy Tab S6

• بيتميز التابلت ببناء قوي لأنه بيعتمد على الألومنيوم في صناعة الهيكل والضهر.
• وزن التابلت مناسب جدًا ومش تقيل.
• تصميم انسيابي والشاشة بتستحوذ على نسبة مقبولة جدًا مقارنة بأجهزة التابلت المختلفة التانية.
• شاشة Super AMOLED ممتازة.
• دقة عرض عالية.
• معالج رائد قوي جدًا وهو المعالج الرائد للسنة اللي فاتت واللي اعتمدت عليه أغلب الموبايلات الرائدة لسنة ٢٠١٩
• التابلت متوفر في إصدارين متنوعين برامات قوية جدًا وكمان بذاكرة داخلية قوية
• الذاكرة الداخلية من فئة UFS 3.0 الأحدث والأسرع
• التابلت بيقبل كروت الميموري لحد ١ تيرابايت ومن خلال منفذ مستقل.
• التابلت فيه نظام صوتي ممتاز مدعوم بأربع سماعات وكمان بيدعم نظام دولبي أتموس.
• أجهزة التابلت معروفة بإن كاميراتها ضعيفة بس تابلت Samsung Galaxy Tab S6 كاميراته الخلفية والأمامية مقبولة جدًا بالنسبة للنوع ده من الأجهزة ده غير إن الكاميرا الخلفية بتاعته مزدوجة ودي حاجة مش معتادة.
• الكاميرا الخلفية للتابلت بتصور الفيديو بجودة 2160p.
• الجهاز فيه ماسح بصمة مدمج أسفل الشاشة ودي حاجة جديدة على مستوى أجهزة التابلت وفيه كل المستشعرات بما فيهم الدوران اللي بيشغل تطبيقات وألعاب الواقع الافتراضي.
• بيعتمد التابلت على منفذ USB Type-C في الشحن ونقل البيانات.
• التابلت بيدعم خاصية Samsung DeX.
• بطارية ممتازة من حيث السعة وكمان بتدعم الشحن السريع بقوة ١٥ وات.

عيوب تابلت Samsung Galaxy Tab S6

• التابلت مش محمي لا ضد المياه والغبار ولا شاشته محمية من خلال أي نوع من أنواع الزجاج المقوى.
• التابلت مفيهوش منفذ ٣٫٥ مم لتوصيل سماعات الرأس والسماعات الخارجية السلكية.
• التابلت مفيهوش راديو إف إم.
• التابلت بيشتغل مباشرة بنظام تشغيل اندرويد ٩ باي وبيحتاج الترقية لنظام تشغيل اندرويد ١٠.

اتعرف على عروض أسعار تابلت Samsung Galaxy S6 المتوفر على ياقوطة من هنا.

اتعرف على مختلف عروض أسعار التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.