مزايا وعيوب أبرز موبايلات الفئة المتوسطة موبايل Samsung Galaxy A70

مزايا وعيوب أبرز موبايلات الفئة المتوسطة موبايل Samsung Galaxy A70

كتب: خالد عاصم

قدمت مجموعة موبايلات Samsung Galaxy A في توبها الجديد تنوع كبير جدًا في السوق، وقدرت ولو بشكل جزئي لحد دلوقتي إنها ترجع Samsung للمكانة اللي كانت فقدتها في الفئة دي لصالح الشركات الصينية، ومن بين أبرز موبايلات المجموعة دي في المجمل وأبرزها حاليًا في السوق المصري، موبايل Samsung Galaxy A70 واللي هنتكلم عنه النهارده.

فمن خلال المقال ده هنتعرف أكتر على موبايل Samsung Galaxy A70 وهنعرفكم على مميزاته وعيوبه ونقاط قوته وضعفه في ضوء مواصفاته الرسمية وتجربة استخدامه، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

موبايل Samsung Galaxy A70

المواصفات

  • أبعاد الموبايل: ٧.٩ × ٧٦.٧ × ١٦٤.٣ مم.
  • وزن الموبايل: ١٨٣ جرام.
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة موبايل Samsung Galaxy A70 كاملة بشق قطرة المياه قطرها ٦.٧ بوصة ومعدلها ١٩:٥:٩ وده بيخليها تشغل حوالي ٨٦ % من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٣٩٣ بيكسل لكل بوصة والشاشة مصنوعة من شرائح Super AMOLED.
  • أداء الموبايل: معالج كوالكوم سنابدراجون ٦٧٥ ثماني النواة وسرعته ٢.٠ جيجا هيرتز لأربع شرائح من Kryo 460 Gold وبسرعة ١٫٧ جيجا هيرتز لأربع شرايح Kryo 460 Silver والمعالج مدمج بمعالج جرافيكس Adreno 612. والموبايل بيصدر بإصدارات بذاكرة عشوائية ٦ جيجابايت رام أو ٨ جيجابايت رام وبذاكرة داخلية سعتها ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي
  • الكاميرا: الموبايل الكاميرا الخلفية بتاعته ثلاثية العدسات بقوة ٣٢ ميجا بيكسل وفتحة مستشعر f/1.7 للعدسة الأولانية وبقوة ٨ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بأكتر من جودة، أما الكاميرا الأمامية فبقوة ٣٢ ميجا بيكسل وفتحة مستشعر f/2.0 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٤٥٠٠ مللي أمبير في الساعة وبتدعم تقنية الشحن السريع بقوة ٢٥ وات.

مميزات وعيوب Samsung Galaxy A70

مميزات Samsung Galaxy A70

  • موبايل Samsung Galaxy A70 تصميمه رائع جدًا وبيدي مساحة رؤية ممتازة بفضل شق قطرة المياه الصغير جدًا والحواف النحيفة أوي المحيطة بالشاشة عشان توصل الشاشة لنسبة ٨٦٫٠ % من مساحة الهاتف الأمامية، وبكده بيكون تصميم الموبايل جذاب من ناحية وكمان عملي جدًا من ناحية تانية ومثالي لمختلف الاستخدامات.
  • بالإضافة لمساحة الرؤية الممتازة فكمان الشاشة كبيرة بشكل ملحوظ وده ممكن يعتبره البعض عيب بس هو ميزه لسببين الأول إن ده بيزود من عملية الموبايل في الاستخدام الترفيهي زي الألعاب والفرجة على الأفلام، ومن ناحية تانية إن كبر الشاشة مش مؤثر بشكل كبير على أبعاد الموبايل بفضل الاعتماد على معدل الشاشات الطويلة ٢٠:٩.
  • شاشة الموبايل مصنوعة من شرائح Super AMOLED عالية الجودة واللي بتتميز بزوايا رؤية ممتازة وكمان بوضوح في مختلف ظروف الإضاءة المحيطة حتى العالية أو المباشرة منها.
  • دقة الشاشة عالية وبتقدم جودة عرض ممتازة.
  • الشاشة محمية بزجاج كورنينج جوريلا.
  • بيعتمد Samsung Galaxy A70 على معالج مركزي ممتاز في الفئة المتوسطة.
  • بيقدم الموبايل ذاكرة عشوائية كبيرة وكمان مساحة تخزينية ضخمة.
  • الموبايل بيقبل كروت الميموري لحد ٥١٢ جيجابايت وكمان من خلال منفذ مستقل يعني مش هيأثر على استخدام شريحة الاتصال التانية.
  • كاميرا الموبايل الخلفية ممتازة على عدة مستويات خصوصًا من حيث العدسة الرئيسية القوية من ناحية واللي بفتحة مستشعر كبيرة بتقدر تمتص الضوء بأكبر قدر ممكن بالنسبة لموبايل في الفئة دي.
  • الكاميرا الأمامية كمان قوية جدًا.
  • الموبايل فيه راديو إف إم.
  • الموبايل بيعتمد على منفذ USB Type-C في الشحن ونقل البيانات.
  • بيعتمد الموبايل على ماسح بصمة مدمج أسفل الشاشة، ودي ميزة كويسة في الفئة السعرية.
  • الموبايل فيه كل المستشعرات الأساسية ومن ضمنها مستشعر الدوران الخاص بدعم تطبيقات وألعاب الواقع الافتراضي.
  • بطارية الموبايل ضخمة فعليًا وأداءها مثالي وكمان مدعومة بتقنية الشحن السريع.

عيوب موبايل Samsung Galaxy A70

  • هيكل وجسم الموبايل مصنوع من البلاستيك.
  • الموبايل مش محمي بأي نوع من أنواع العزل ضد الغبار والغمر في المياه.
  • الموبايل بيكتفي بالإصدار التالت من زجاج كورنينج جوريلا جلاس في حماية شاشة الموبايل رغم إن موبايلات تانية أرخص بتستخدم الإصدار الخامس الأقوى والأصلب.
  • الكاميرا الخلفية للموبايل بينقصها بس إن مفيش عدسة مقربة.
  • الشحن السريع محدود بقوة ١٨ وات بس ودي قوة مش كافية أوي خصوصًا مع السعة الضخمة للبطارية.

شوف  موبايل Samsung Galaxy A70 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *