كتب: خالد عاصم

في المقال ده هنتكلم عن واحد من أنجح موبايلات Xiaomi متوسطة الفئة، موبايل Poco X3 NFC اللي هنتعرف على مواصفاته ومميزاته وعيوبه متوسط سعره في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Xiaomi Poco X3 NFC

المواصفات

• أبعاد الموبايل: ٩.٤ × ٧٦.٨ × ١٦٥٫٣ مم.
• وزن الموبايل: ٢١٥ جرام.
• البناء والصناعة: هيكل من الألومنيوم وظهر من البلاستيك بزجاج أمامي.
• حماية الموبايل: حماية ضد الغبار والمياه طبقًا لمعيار IP53
• شرائح الاتصال:  ثنائي الشريحة.
• شاشة الموبايل: شاشة IPS LCD بثقب في المنتصف قطرها ٦.٦٧ بوصة ومعدلها ٢٠:٩ وده بيخليها تشغل حوالي ٨٤.٦ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٣٩٥ بيكسل لكل بوصة والشاشة بتدعم معدل تحديث ١٢٠ هيرتز وبتدعم تقنية HDR10 ومحمية بزجاج كورنينج جوريلا جلاس الإصدار الخامس.
• أداء الموبايل: معالج كوالكوم سنابدراجون 732G بمعمارية ٨ نانوميتر ثماني النواة بتردد ٢٫٣ جيجا هيرتز لشريحتين Kryo 470 Gold وبتردد ١.٨ جيجا هيرتز لأربع شرايح Kryo 470 Silver والمعالج مدمج بمعالج جرافيكس Adreno 618. والموبايل بيصدر بإصدارات بذاكرة عشوائية ٦ جيجابايت رام أو ٨ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ شريحة الاتصال التانية.
• نظام التشغيل: الموبايل بيشتغل بنظام تشغيل أندرويد ١٠ بواجهة مستخدم MIUI 12
• الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.9 للعدسة الأولانية العريضة المدعومة بتقنية التركيز التلقائي PDAF وبقوة ١٣ ميجا بيكسل بفتحة مستشعر f/2.2 للعدسة التانية بالغة العرض وبقوة ٢ ميجا بيكسل بفتحة مستشعر f/2.4 للعدسة التالتة الخاصة بتصوير صور الماكرو وبقوة ٢ ميجا بيكسل بفتحة f/2.4 للعسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد زوجية وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدلات ٣٠/١٢٠ إطار في الثانية وبجودة 720P بمعدل ٩٦٠ إطار في الثانية، أما الكاميرا الأمامية فعدستها عريضة بقوة ٢٠ ميجا بيكسل وفتحة مستشعر f/2.2 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• تقنيات صوتية: سماعات ستريو – دقة صوت ٢٤ بت/١٩٢ كيلو هيرتز
• منفذ الشحن ونقل البيانات: USB Type-C.
• ماسح البصمة: جانبي.
• المستشعرات: التسارع – الدوران – التقارب – البوصلة.
• البطارية: بطارية الموبايل غير قابلة للإزالة سعتها ٥١٦٠ مللي أمبير في الساعة وبتدعم تقنية الشحن السريع بقوة ٣٣ وات.

مزايا وعيوب موبايل  Xiaomi Poco X3 NFC

مزايا موبايل Xiaomi Poco X3 NFC

• بيتميز الموبايل بتصميم جذاب جدًا سواء على مستوى الشاشة أو على مستوى الضهر اللي بيقدم تصميم مختلف عن موبايلات تانية كتير
• هيكل من الألومنيوم بيميز الموبايل عن موبايلات تانية كتير في نفس الفئة
• شاشة الموبايل محمية بطبقة من زجاج كورنينج جوريلا الإصدار الخامس
• شاشة كبيرة بقطر بيخليها مثالية لمختلف ظروف الاستخدام وكمان معدلها الطويل بيخلي استخدامها سهل
• الشاشة بتتميز بمجموعة من المميزات زي الدقة العالية ودعمها لمعدل تحديث ١٢٠ هرتز وكمان دعمها لعرض الفيديو بتقنية HDR10
• الموبايل بيعتمد على واحد من أفضل معالجات الفئة المتوسطة واللي بيقدر يقدم أداء ممتاز حتى على مستوى الألعاب القوية
• بيصدر الموبايل بإصدارات متعددة برامات عالية وذاكرة داخلية كبيرة وكمان من فئة UFS 2.1
• الموبايل بيقبل كروت الميموري
• كاميرا خلفية قوية بتعتمد على عدسات متعددة منها عدسة رئيسية ممتازة وكمان عدسة بالغة العرض ده غير العدسات الفرعية والكاميرا بتتميز بدعمها لتصوير الفيديو بأكتر من جودة من بينها التصوير البطيء وكمان مدعومة بمثبت صورة إلكتروني
• كاميرا أمامية ممتازة على مستويات مختلفة وتقدر تصور صور كويسة جدًا في ظروف الإضاءة المختلفة
• تقنيات صوتية متميزة لأن الموبايل فيه سماعات ستريو وبيدعم دقة صوت عالية
• الموبايل بيدعم تقنية بلوتوث ٥.١
• الموبايل بيدعم تقنية الاتصال اللاسلكي قريب المجال NFC
• الموبايل فيه مرسل للأشعة تحت الحمرء يعني تقدر تستخدمه كريموت كنترول في الأجهزة الذكية المحيطة
• كل المستشعرات متوفرة ومن بينها مستشعر الدوران
• بطارية قوية جدًا سعتها ٥١٦٠ ميللي أمبير في الساعة والبطارية بتتميز بإنها مدعومة بتقنية الشحن السريع بقوة ٣٣ وات واللي بتقدر تشح البطارية لحد ٦٢ في الميه في ٣٠ دقيقة وبالكامل في ٦٥ دقيقة

عيوب موبايل Xiaomi Poco X3 NFC

• الموبايل سمكه كبير ووزنه تقيل بشكل واضح جدًا
• ضهر الموبايل معمول من البلاستيك
• الشاشة مش بتقدر توصل لمعدلات سطوع عالية
• الموبايل بيدعم كروت الميموري لكن من خلال منفذ شريحة الاتصال التانية يعني متقدر تستخدم شريحتين وكارت ميموري في نفس الوقت
• الكاميرا الخلفية ممتازة بس مفيهاش عدسة مقربة

اتعرف على عروض أسعار موبايل Xiaomi Poco X3 NFC من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.