كتب: خالد عاصم

هنتكلم النهارده عن واحد من أرخص الموبايلات اللي بتدعم تقنية 4G في مصر وهو موبايل Itel P36 Pro LTE وهنتعرف على مميزاته وعيوبه ومتوسط سعره في السوق، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Itel P36 Pro LTE

المواصفات

• أبعاد الموبايل: سمك ٨٫٦ مم × عرض ٧٦ مم × طول ١٦٥٫٥ مم
• البناء والصناعة: هيكل وضهر من البلاستيك بزجاج أمامي
• الشاشة: شاشة IPS LCD بتصميم شق قطرة المياه منحنية من الجانبين قطرها ٦٫٥ بوصة بجودة HD Plus بدقة ١٦٠٠ × ٧٢٠ بيكسل والشاشة محمية بزجاج مقاوم للخدش
• الأداء والمكونات الداخلية: موبايل Itel P35 Pro LTE بيعتمد على معالج Spredtrum Unisoc SC9863A وهو معالج بمعمارية ٢٨ نانوميتر مكون من تمن شرايح Cortex-A55 أربعة منهم بتردد ١٫٦ جيجا هيرتز وأربعة بتردد ١٫٢ جيجا هيرتز ومدجمج بيه معالج رسوميات PowerVR GE8322 والموبايل بيصدر بإصدار واحد بس بذاكرة عشوائية سعتها ٢ جيجابايت رام بذاكرة داخلية سعتها ٣٢ جيجابايت وبيقبل كروت الميموري لحد ١٢٨ جيجابايت
• نظام التشغيل: اندرويد ٩ باي
• الكاميرات: الموبايل بيعتمد على كاميرا خلفية مزدوجة العدسات بكاميرا رئيسية سعتها ١٣ ميجا بيكسل بفتحة f/2.0 ومعاها عدسة لاستشعار عمق الصورة بدقة ٠٫٣ ميجا بيكسل والكاميرا مدعومة بمجموعة من التقنيات منها التركيز التلقائي PDAF وHDR وبتصور الفيديو بجودة 720p بمعدل ٣٠ إطار في الثانية، أما الكاميرا الأمامية فدقتها ٨ ميجا بيكسل بفتحة f/2.2 وبتدعم تقنية Face Unlock
• منفذ 3.5 مم: متوفر
• منفذ الشحن ونقل البيانات: microUSB
• المستشعرات: ماسح بصمة خلفي – التسارع – التقارب
• البطارية: بطارية ليثيوم بوليمر غير قابلة للإزالة سعة ٥٠٠٠ ميللي أمبير في الساعة

مزايا وعيوب موبايل Itel P36 Pro LTE

مزايا موبايل Itel P36 Pro LTE

• الموبايل بيدعم تقنية 4G ويعتبر من أرخص الموبايلات اللي في السوق اللي بتدعم التقنية دي بمختلف تردداتها
• تصميم الموبايل جذاب جدًا ويعتبر من أكتر الموبايلات جاذبية في الفئة دي فالموبايل من ادام بيعتمد على شاشة منحنية شوية من الجانبين وبتصميم شق قطرة المياه وده تصميم في المجمل ممتاز جدًا ومش بيوحي إطلاقًا إن الموبايل في الفئة السعرية المنخفضة دي، وكمان ضهر الموبايل مايختلفش عن أي موبايل أغلى من حيث التصميم ووضع الكاميرا وشكلها وكمان تدرج الألوان ممتاز جدًا في ضهر الموبايل والألوان نفسها جذابه
• شاشة الموبايل قطرها ٦٫٥ بوصة وبتوفر مساحة رؤية ممتازة يعني تقدر تتفرج على أفلامك المفضة براحتك ومن غير أي مشكلة
• جودة الشاشة HD Plus ودي مناسبة للموبايل جدًا وصعب نطلب إنه يكون بيدعم جودة اعلى
• شاشة الموبايل مصنوعة من زجاج مقاوم للخدش ودي ميزة مش متوفرة في الموبايلات اللي في الفئة السعرية دي
• الموبايل بيقبل كروت الميموري لحد ١٢٨ جيجابايت
• الذاكرة العشوائية والداخلية مقبولين لموبايل في الفئة السعرية المنخفضة للحد دا
• كاميرا خلفية مزدوجة بعدسة رئيسية مقبولة جدًا في أداءها ومعاها عدسة تانية مخصصة لاستشعار عمق الصورة
• الكاميرا الأمامية كمان مقبولة جدًا لموبايل منخفض السعر
• الموبايل بيدعم تقنية Face Unlock من خلال الكاميرا الأمامية لحماية الموبايل ولو التقنية دي مش كافية فتقدر تعتمد على ماسح البصمة الخلفي
• منفذ 3.5 مم
• الموبايل بيتمتع ببطارية ضخمة سعتها ٥٠٠٠ ميللي أمبير في الساعة ودي ميزة ممتازة جدًا في الموبايل ومش متوفرة في موبايلات فئته السعرية

عيوب موبايل Itel P36 Pro LTE

• الموبايل سمكه كبير شوية وتحسه ضخم في الإيد وده ممكن يصعب استخدامه شويه في بعض الحالات
• الشاشة مش بتتمتع بأي تقنيات
• البروسيسور هو أبرز عيوب الموبايل فالمعمارية عالية يعني مش بيوفر أوي في استهلاك الطاقة وكمان ترددات الشرائح قليلة جدًا رغم إنها من فئة مقبولة بس أداء الموبايل أكيد مش هيكون قوي وماتتوقعش منه يعمل أي معجزات طبعًا وده كمان بينطبق على معالج الرسوميات المدمج في البروسيسور
• الموبايل مش بيتوفر بإصدارات متنوعة وللأسف مفيش في مصر منه إصدار الذاكرة العشوائية ٣ جيجابايت رام المتوفر خارج مصر
• مستشعرات الموبايل قليلة وأداءها منخفض
• البطارية قوية بس مش مدعومة بتقنية الشحن السريع

اتعرف على عروض أسعار موبايل Itel P36 Pro LTE من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.