كتب: خالد عاصم

بتحاول شركة Honor إنها تستعيد مكانتها العالمية بعد انفصالها الكامل عن شركة هواوي، وعشان كده اهتمت إنها تطرح موبايلاتها المتميزة في كتير من الأسواق ومن بينها السوق المصري اللي استقبل مؤخرًا واحد من الموبايلات المتميزة جدًا وهو موبايل Honor 50 الداعم لتقنية 5G وبيتمتع بإمكانيات ممتازة هنتعرف عليها بالتفصيل في المقال ده مع تعرفنا كمان على مميزات وعيوب الموبايل وسعره الحالي في مصر.

وما تنسوش إن لو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Honor 50

المواصفات

• أبعاد الموبايل: ٧.٨ × ٧٣.٨ × ١٦٠ مم بوزن ١٧٥ جرام
• البناء والصناعة: هيكل من البلاستيك بزجاج امامي وخلفي
• الشاشة: شاشة OLED بتصميم الثقب أعلى المنتصف قطرها ٦.٥٧ بوصة بمعدل ١٩.٥:٩ بتستحوذ على نسبة تبلغ حوالي ٨٩.٧ في الميه من المساحة الأمامية للهاتف، والشاشة بدقة عرض ٢٣٤٠ × ١٠٨٠ بيكسل بكثافة ٣٩٢ بيكسل لكل بوصة وبتدعم ١ بليون لون ومعدل تحديث ١٢٠ هيرتز 
• الأداء: بيعتمد الموبايل على معالج كوالكوم سنابدراجون 778G 5G بمعمارية ٦ نانوميتر المكون من تمن شرايح ومدمج فيه معالج رسوميات Adreno 642L والموبايل بيصدر عالميًا بإصدارات ٦/٨/١٢ جيجابايت رام وبذاكرة داخلية ١٢٨/٢٥٦ جيجابايت ومش مبيقبل الموبايل كروت الميموري
• نظام التشغيل: نظام تشغيل اندرويد ١١ بواجهة مستخدم Magic UI 4.2
• الكاميرا الخلفية: كاميرا خلفية رباعية العدسات مكونة من عدسة رئيسية بدقة ١٠٨ ميجا بيكسل بفتحة f/1.9 مدعومة بتقنية التركيز التلقائي PDAF ومن عدسة بالغة العرض بدقة ٨ ميجا بيكسل بفتحة f/2.2 بزاوية رؤية 120 درجة ومن عدستين ماكرو وبورتريه بدقة ٢ ميجا بيكسل بفتحة f/2.4 وبتدعم الكاميرا تصوير الفيديو بجودة 4K بمعدل ٣٠ إطار في الثانية وجودة 1080p بمعدلات ٣٠/٦٠ إطار في الثانية
• الكاميرا الأمامية: بدقة ٣٢ ميجا بيكسل بفتحة f/2.2 بتدعم تصوير الفيديو بجودة 1080p بمعدل ٣٠ إطار في الثانية
• تقنيات لاسلكية: واي-فاي ٦ – بلوتوث ٥.٢ – NFC
• المنافذ: USB Type-C
• المستشعرات: ماسح بصمة مدمج أسفل الشاشة – التسارع – التقارب – الدوران – البوصلة
• البطارية: سعة ٤٣٠٠ ميللي أمبير في الساعة مدعومة بتقنية الشحن السريع بقوة ٦٦ وات

مزايا وعيوب موبايل Honor 50

مزايا موبايل Honor 50

• الموبايل نحيف بشكل ملحوظ وكمان خفيف لحد كبير ودي ميزة في الحالة دي مش عيب لان الموبايل هيكون استخدامه سهل ومش مزعج إطلاقًا
• الموبايل بيعتمد على ضهر وشاشة من الزجاج
• تصميم جذاب جدًا والموبايل كمان بيعتمد على معدل بيخلي الشاشة عريضة شوية وده مناسب لقطر الشاشة وكمان بتستحوذ على نسبة كبيرة من المساحة الامامية للموبايل وده بيخلي الموبايل فعلًا جذاب جدًا وكمان تصميم الضهر وإطار الكاميرا الخلفية جذاب ومختلف
• شاشة OLED رائعة بتدعم جودة Full HD وبتدعم 1 مليار لون وكمان بتدعم معدل تحديث 120 هيرتز
• بيعتمد الموبايل على واحد من أفضل معالجات فئته السعرية اللي بيتميز بدعمه لتقنية 5G وبيتميز بأداء قوي جدًا سواء على مستوى تشغيل التطبيقات أو الألعاب القوية
• إصدارات متنوعة وقوية على مستوى الرامات والذاكرة الداخلية
• الموبايل بيشتغل بنظام تشغيل اندرويد ١١ وبيدعم خدمات جوجل وهيوصله تحديث اندرويد ١٢
• كاميرا خلفية رائعة على مستوى العدسة الرئيسية اللي بتتمتع بإمكانيات ممتازة بس فيها شوية أوجه نقص في العموم
• تصوير الفيديو بالكاميرا الخلفية مدعوم بمثبت صورة إلكتروني
• كاميرا أمامية قوية
• الموبايل بيدعم أحدث تقنيات الاتصالات اللاسلكي زي Wi-Fi 6 وبلوتوث ٥٫٢ وNFC
• ماسح بصمة مدمج أسفل الشاشة بيتميز بالسرعة والدقة
• بطارية قوية خصوصًا على مستوى تقنية اشحن السريع اللي بتقدر تشحن الموبايل بالكامل في ٤٥ دقيقة بس

عيوب موبايل Honor 50

• هيكل الموبايل معمول من البلاستيك
• الزجاج اللي على الضهر وعلى الشاشة مش مدعوم بأي طبقة حماية من أي إصدار من زجاج كورنينج جوريلا جلاس المقوى والمقاوم للخدش
• الموبايل مش بيتمتع بأي حماية ضد الغبار أو الغمر في المياه
• الموبايل مش بيقبل كروت الميموري
• الموبايل مفيهوش أي تقنيات صوتية مميزة زي السماعات الستريو أو دعم دقة الصوت العالية
• الكاميرا الخلفية ممتازة بس ناقصها شوية حاجات زي إن العدسة الرئيسية مفيهاش مثبت صورة بصري ومفيش عدسة مقربة
• الكاميرا الأمامية مش بتدعم تصوير الفيديو بجودة 4K
• على الرغم من إن ضهر الموبايل من الزجاج إلا إنه مش بيدعم الشحن اللاسلكي

اتعرف على عروض أسعار موبايل Honor 50 من هنا.

اتعرف على عروض أسعار مختلف موبايلات Honor المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.