كتبت: أمنية عزمي

كل شخص بيهتم بمواصفات معينة في الموبايل ولهواة التصوير إتعرفوا معانا في المراجعة دي على أكتر المميزات اللي ميزت بها شركة سوني موبايلها سوني إكسبيريا إكس زد وهي الكاميرا. الكاميرا الخلفية دقتها ٢٣ ميجايكسل مع إمكانية التركيز التلقائي بالليزر اللي بتتعرف على هدف الصورة وتمنحك صورة بوضوح عالي حتى لو الإضاءة ضعيفة، ومزودة بمستشعر RGBC-IR اللي بيخلي الصورة تطلع بألوان قوية وطبيعية وبتعمل توازن للون الأبيض ومش بتحتاج غير ل 0.6 ثانية علشان تلتقط الصورة، ده غير إن الكاميرا الأمامية فيه بدقة ١٣ ميجابكسل والناس المحترفة في التصوير بتقدر تستغل إعدادات الكاميرا والتفاصيل اللي بتمنحها سوني للموبايل ويصوروا أجمل صور وفيديوهات بدقة 4K.

تعالوا نكمل مع ياقوطة أهم مواصفات ومميزات موبايل Sony XZ ونعرف كمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه اللي تقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• مزود بشريحتين اتصال نانو ويدعم شبكة الجيل الرابع.
• شاشة بحجم ٥٫٢ بوصة IPS LCD بدقة ٤٢٤ بكسل تاتش فائقة الجودة بدقة ١٠٨٠ × ١٩٢٠ بكسل.
• مزدو بشاشة حماية ضد الخدش والصدمات من نوع كورنينج غوريلا.
• نظام التشغيل مارشميلو، وبيقبل التحديث للإصدار الأحدث أندرويد نوجا.
• معالج قوي رباعي النواة Qualcomm Snapdragon 820 MSM8996.
• ذاكرة داخلية ٣٢/٦٤ جيجا بايت وتقدر تدعمه بذاكرة إضافية حتى 256 جيجا بايت في مدخل منفصل، و ٣ جيجا رام ودا بيخلي الموبايل استجابته وأداؤه سريع في التطبيقات والألعاب.
• الكاميرا الخلفية ٢٣ ميجا بكسل بفتحة عدسة f/2.0 و 24MMو gryo وفلاش إل إي دي وميزة التحديد التلقائي والبانوراما وخاصية ضبط تركيز الكاميرا باللمس، والفيديو بدقة ١٠٨٠ بكسل.
• الكاميرا الأمامية ١٣ ميجا بكسل فتحة عدسة f/2.0 و 22mmو 1/3 حجم الاستشعار، HDR، 1080 بكسل.
• البطارية قوتها ٢٩٠٠ ملي أمبير ليثيوم أيون ويدعم تقنية الشحن السريع والبطارية غير قابلة للإزالة.
• الموبايل بيدعم شريحتين ودي ميزة للناس اللي بتشيل أكتر من رقم.
• بيدعم خاصية بصمة الإصبع في قفل وفتح الموبايل للحفاظ على الخصوصية.
• الموبايل مقاوم للمياه والأتربة حتى عمق ١٫٥ متر.

العيوب

• غير مزود براديو إف إم.
• البطارية غير قابلة للإزالة.
• الموبايل سعره عالي بالنسبة لإمكانياته.
• وزنه يعتبر تقيل ١٦١ جم وكمان سمكه ٨٫١ وده بيخلي حجمه ضخم.
• بالمقارنة بالموبايلات في فئته السعرية يعتبر المعالج في الموبايل مش قوي.

تجربة المستخدم

• من ناحية التصميم مفيش فيه جديد يعني نفس الشكل المميزة به سوني، تصميمه ممتزج بالمعدن والبلاستيك ومسكته مريحة، الشاشة حجمها مريح وألوانها طبيعية، أزرار التحكم في الصوت مكانها مش مريح لأنها بتعمل زووم للكاميرا، الصوت ستيريو نقي لكن فيه هواتف أنقى منه في الصوت من نفس فئته، وضوح الشاشة عالي وبالنسبة للمستخدم العادي هتكون ممتازة بالنسبة للسطوع والألوان والوضوح ، وبالنسبة للرام هو ٣ جيجا رام فقط وفيه منه إصدار بينزل ب ٤ جيجا رام، بالنسبة للكاميرا الخلفية ممتازة في إمكانياتها وصورها رائعة والكاميرا الأمامية ١٣ ميجا بكسل وهي ممتازة لعشاق السيلفي، والبطارية معقولة لكن توجد بطاريات أقوى بالنسبة لمواصفات الموبايل. بالنسبة للسعر فهو يعتبر عالي وبيضعه في مقارنة مع منافسيه في السوق.

شوف موبايل Sony Xperia XZ من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.