كتبت: أمنية عزمي

Huawei Nova 5T من موديلات هواوي اللي وصلت لنجاح كبير جدا في عالم الموبايلات وبيعتبر من عائلة موبايلات Nova اللي حققت نسبة مبيعات عالية جدا ودا لأن مميزاته فاقت الفئة السعرية اللي بينحصر فيها ووصلت للميزات في الفئة السعرية الأعلى منه بكتير، منها الكاميرا الخلفية الرباعية، ومعالج عملاق 980 Kirin، مع 8 جيجا رام ومستشعر بصمة، وذاكرة داخلية بسعة 128 جيجا، ونظام أندرويد Pie 9.0، بطارية بحجم كبير بتدعم الشحن السريع، مع شاشة كبيرة بحجم 6.26 بوصة، بيدعم الجيل الرابع LTI.

مميزات كتير هنتعرف عليها في المراجعة دي مع ياقوطة عن  موبايل Huawei Nova 5T وهنتعرف بالتفصيل على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بيهم وتقدر كمان تطلبه من خلالنا ويوصلك في أسرع وقت.

**أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الشاشة: 6.2 بوصة.
• الرام: 8 جيجابايت.
• الميموري الداخلي: 128 جيجابايت.
• الكاميرا الخلفية: 46 و 16 و 2 و 2 ميجابكسل.
• الكاميرا السيلفي: 32 ميجابكسل.
• البطارية: 3750 مللي أمبير.

المميزات

• الشاشة.. بيمتلك شاشة بشكل الثقب IPS LCD بمساحة 6.26 كاملة الدقة FHD بجودة 1080× 2340 بكسل مع كثافة بيكسلات 412 بكسل لكل بوصة ودا يعتبر معدل ممتاز، وبتقدر تغير أو تقلل دقة الشاشة إذا حبيت تحافظ أكتر على استهلاك البطارية وبتقدر كمان تلغي الثقب اذا كنت مش من محبينه، بتدعم اللمس المتعدد، وأبعاد العرض فيها19:5:9 ، الوضوح والتباين فيها عالي وإضاءتها تحت أشعة الشمس جيدة وبتتميز بحواف ضئيلة وزوايا مشاهدة مثالية.
• التصميم.. تصميمه عصري جذاب أنيق وخاماته بتتميز بالقوة والمتانة، عبارة عن زجاج من الأمام والخلف مع إطار ألومنيوم جانبي بيزود شكل الفخامة فيه.
• أداء الهاتف.. المعالج يعتبر من أبرز مميزاته وهو معالج هواوي الأقوى HiSilicon Kirin 980 بتقنية 7 نانو مع معالج رسوميات من نوع Mali-G76 Mp10 ودا بيدعم ويعزز جدا أداء الألعاب ال GPU Turbo 3.0 وتم تجربته على لعبة PUBG على أعلى إعدادات لللعبة وحقق كفاءة عالية، مش هتواجه تقطيع ولا سخونة وهتحس بسرعة ممتازة، دا غير انه بيدعم رسميا لعبة فورت نايت.
• التخزين والرامات.. Nova 5 بيأتي بمساحة تخزين داخلية 128 جيجابايت مع 8 جيجارام، بتكفي عدد كبير من التطبيقات والتحميل والألعاب وبيوفر سرعة عالية، لكن مش بيدعم إضافة كارت ذاكرة خارجي فلازم تتأكد إن حجم الذاكرة 128 كافية بالنسبة لك.
• نظام التشغيل.. يأتي الهاتف بنظام Android Pie 9.0 وواجهة مستخدم EMUI 9، الواجهة بتتميز بخصائص متعددة منها خاصية App Lock اللي بتحافظ منها على خصوصية أي تطبيق من خلال استخدام البصمة أو كلمة سر، وبتتميز الواجهة ببرنامج ترجمة فورية لأي لغة، وبتقدر كمان تفتح منها التطبيقات عن طريق رسم الاختصار على الشاشة زي انك تكتب M علشان تشغل الموسيقى أو تكتب C علشان تستخدم الكاميرا، الواجهة بتدعم Dual App اللي بتقدر من خلالها تستخدم تطبيقين في نفس الوقت زي واتس آب وفيسبوك مثلا.
• الكاميرا الخلفية.. كاميرا رباعية تدعم الذكاء الاصطناعي AI تعتمد على تقنية Super night mode اللي بتعمل على استشعار مناطق الضوء في الصور مع إزالة التشويش منها مع تقنية التثبيت بتوفر لك صور بنقاء عالي بدون إهتزاز، الكاميرا الأساسية بدقة 48 ميجا بكسل بمستشعر من نوع Sony IMX586 بفتحة عدسة F/1.8 والكاميرا التانية بدقة 16 ميجا بكسل بفتحة عدسة F/2.2 لاستخدامها في التصوير ال Super Wide Angle والكاميرا التالتة بدقة 2 ميجا بكسل بفتحة عدسة F/2.4 لعمل العزل والبورتريه والكاميرا الرابعة بدقة 2 ميجا بكسل بفتحة عدسة F/2.4 لتصوير ال Macro، الكاميرات الرباعية بتوفر صور مذهلة مع زوايا واسعة تتناسب مع محبي التصوير عامة، والصور المقربة بتظهر فيها كل التفاصيل الغنية والطبيعية.
• بالنسبة لتصوير الفيديوهات بيدعم التصوير بدقة 4K بمعدل التقاط 30 إطار في الثانية والتصوير ال FHD بدقة 1080 بكسل بمعدل 30 و 60 إطار في الثانية
• أداء الكاميرا مقبول لكن في أحسن من كدا، يعني بتحس ان ال Sharpness في الصورة ضعيف والألوان فيها اختلاف ملحوظ عن حقيقتها وتعتبر بشكل عام معقولة.
• الكاميرا الأمامية.. تأتي بدقة 32 ميجابكسل، صورها ممتازة وتفاصيلها غنية لعشاق السلفي البورتريه.
• الموبايل مزود بمستشعر بصمة جانبي مدمج مع زر الباور، استجابته سريعة جدا في فتح الموبايل بالإضافة لدعمه بصمة الوجه.
• السماعات.. Nova T5 بييجي بسماعة واحدة سفلية صوتها جيد، وبالنسبة لسماعة المكالمات مكانها في الحافة العلوية، ولا يوجد به منفذ سماعات 3.5 ملم لكن بتقدر تستخدم السماعات بتيجي بمدخل USB C وبتقدر تستخدمها في غير أوقات الشحن، بالإضافة انه مزوج بميكرون عازل للضوضاء.
• البطارية.. سعة البطارية 3750 ملي أمبير، بتدعم الشحن السريع والشاحن المرفق بقوة 22.5 وات بيشحن نص البطارية في 30 دقيقة وبيتم شحنها بالكامل في ساعة ونص، والبطارية بتستمر لمدة 7 ساعات استهلاك عالي ما بين ألعاب وتصفح واتصال وبتستمر أكتر من كده لو استهلاكك متوسط.
• الدعم والاتصال.. الهاتف بيدعم شبكات اتصال الجيل التاني والتالت والرابع GSM/HSPA/LTE عن طريق شريحتين إتصال نانو، الشبكة تعتبر قوية وتعاملها ممتاز حتى في الأماكن اللي بتكون الشبكات ضعيفة فيها، وبيدعم خاصية NFC.
• الواي فاي.. بيدعم Wi-Fi 802.11 a/b/g/n/ac dual band بالإضافة لدعمه خاصية Wi-Fi direct وخاصية Hotspot، وبيدعم بلوتوث الإصدار 0 مع خاصيتي A2DP,aptX HD, LE.
• بيدعم GPS مع خواص A-GPS GLONASS BDS, GALILEO.
• بيدعم مستشعر الجيروسكوب لاستخدام نظارات الواقع الافتراضي VR ومشاهدة الفيديوهات ب 360 درجة، ومعظم المستشعرات الأخرى زي التصارع والقرب والبوصلة.

العيوب

• لا يدعم إمكانية تركيب كارت إضافي للذاكرة.
• لا يوجد منفذ 3.5 ملي المخصص لسماعات الأذن، وهتحتاج تجيب سماعات بلوتوث للاستخدام وقت الشحن أو عامة.
• تصميم الهاتف من الزجاج بيعرضه للكسر والخدش بسهولة وهتحتاج تحطله جراب وشاشة حماية.
• الفئات المنافسة الشاشة فيها أموليد ومعظم المستخدمين بيفضلوها عن الشاشات ال IPS.
• غير مقاوم للمياه والأتربة.
• الكاميرات الخلفية بارزة عن ظهلا الموبايل لكن لو ركبتله جراب هيحمي الكاميرا والضهر.
• لا يحتوي على راديو FM.
• سعره مرتفع مقارنة ببعض الموديلات الصيني من نفس الفئة.

تجربة المستخدم

• الناس اللي استخدمته بتشكر فيه والآراء شايفة ان السعة التخزينية ممتازة والرامات فارقة معاهم في السرعة والألعاب فيه سريعة ومش بيسخن والجرافيكس عالية، الكاميرات جيدة جدا وفي الإضاءة الصور بتطله أوضح كتير، التعليق في العيوب كان على حجم البطارية وانه كان منتظر انها تكون 4200 ملي أمبير أو ما تقلش عن 4000 ملي أمبير عالأقل، وان الشاشة كان مفروض تكون أموليد.

شوف موبايل  Huawei Nova 5T من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.