كتبت: أمنية عزمي
شركة Brother  من الأسماء المحترمة في عالم الطابعات واللي ليها سمعة كويسة في الأسواق المصرية، وكتير من المستخدمين بيسألوا عليها بالاسم وده لإن مواصفاته وعمرها الافتراضي أكتر من منافسيها. هنتعرف في المراجعة دي مع ياقوطة عن أهم مواصفات ومميزات وكمان عيوب طابعة إنك جيت الكل في واحد أبيض وأسود من براذر MFC-J3520 ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• EAN-13: 4977766724050
• الرقم المميز للسلعة: 2724294806190
• حزمة سمك: 57.2 سم.
• وزن الحزمة: 358 جرام.
• نوع: طابعة حبر متعددة الوظائف.

المميزات

• قدرة A3 الكاملة، بتتميز بمستوى التصوير المذهل وإظهار البيانات التفصيلية الدقيقة في جداول البيانات والمخططات الدقيقة والصور المفعمة بالحياة بحجم ورق A3 للطباعة والمسح الضوئي والنسخ وإرسال الفاكسات كله عن طريق جهاز واحد مميز مبتكر.
• تكاليف تشغيل منخفضة، تقدر توفر التكلفة على التوالي باستخدام خراطيش InkBenefit بتكفي 2400 صفحة وبتدوم لفترة أطول وبتقلل كمان تكاليف التشغيل من هدر للورق من خلال الطباعة على الوجهين، وتقدر كمان تنتج بسهولة صورتين أو أربع صور على ورقة واحدة ودا بيوفر في الورق لعرض المسودات أو التخطيطات بشكل كبير.
• بتوفر زيادة في الإنتاجية مع سرعة طباعة عالية وتوفير للوقت، سرعة الطباعة فيها تصل ل من 20- 22 صفحة في الدقيقة، ولو عندك كذا مستخدم أو أكتر من مهمة تقدر تنجزهم في نفس الوقت بنفس الكفاءة بدون انتظار.
• المسح المريح للمستندات المتعددة الصفحات، مزودة بوحدة تلقيم المستندات التلقائية ADF لراحة أكبر، بتقدر من خلالها تعمل مسح لوثائق متعددة الصفحات أتوماتيك وتنسخها وتبعتها بالفاكس.
• ميزة فلترة الفاكسات الغير مرغوب فيها، وظيفة استلام فاكس الكمبيوتر الشخصي بتتميز بالقدرة على تصفية الفاكسات الغير هامة وتمنع طباعتها عن طريق المسح الضوئي المباشر على جهاز الكمبيوتر الخاص بك بدل طباعتها بشكل عشوائي وبالتالي بتقلل الفاقد من الورق والحبر.
• الطباعة المباشرة بدون كمبيوتر، بتقدر تطبع ملفات JPEG أو المستندات الجاهزة للطباعة من خلال USB أو بطاقات الوسائط أو الكاميرات الرقمية المتوافقة مع PictBrigeTM بسهولة عن طريق توصيلها ب MFC.
• براذر مميزة بسهولة العمل بتطبيقاتها وبتضيف تطبيقات متطورة باستمرار بتزود المرونة والإنتاجية والكفاءة في العمل.
• متوافقة مع الطباعة والمسح الضوئي من Apple، بتقدر تطبع بشكل مباشر وسلس من أي iPhone أو iPod touch أو iPad عن طريق تطبيق iPrint & Scan المجاني وتقدر كمان تعمل مسح ضوئي للمستندات من MFC مباشرة لأدوات آبل الخاصة بك.
• مزودة بشاشة LCD لسهولة التنقل ومتابعة المهام اللي بتقوم بها.

العيوب

• مستوى خدمة العملاء ومتابعة بعد البيع من الوكيل يكاد يكون منعدم ودي أكتر حاجة بتخلي انتشار Brother محدود في مصر.
• سرعة الطباعة مش عالية مقارنة بأنواع الطابعات متعددة الاستخدامات.
• خراطيش الحبر غير متوفرة باستمرار وصعب تركيبها.
• أسعار قطع الغيار عالية.

خدمة العملاء

• وكيل Brother في مصر سبب رئيسي في فشل إنتشار الطابعة بسبب سوء المعاملة وعدم الرد على التليفونات وعدم استجابة الصيانة في حل المشاكل.

تجربة المستخدم

• الآراء اختلفت.. في رأي قال انه اشتراها ومشي حسب الإرشادات الموضحة فيها واستخدم جودة طباعة جيدة جدا لكن بعد طباعة 50 نسخة ملونة من طباعة شاشات الكريستال السائل الحبر خلص، وطبعًا كان معترض لأنها مفروض تقدم 2400 صفحة بالإضافة إنه لقى صعوبة في تغيير الحبر.
• في ناس قالت ان جودة الطباعة متوسطة وجهات كبيرة كانت بتستخدمها ولما حصل فيها أعطال ملقوش أي صيانة ولا حد بيرد على تليفونات ولا حد بيقدم خدمة بعد البيع وبالتالي لغوا التعامل معاهم تماما.
• في ناس كان رأيها ان طباعتها رائعة لكن كان عندهم صعوبة في الأحبار وتغييرها.

شوف طابعة إنك جيت الكل في واحد أبيض وأسود من براذر MFC-J3520 من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.