كتبت: أمنية عزمي

تقريبًا مفيش أي بناية مش بتحتاج موتور لضخ المياه وتوصيلها للأدوار العلوية، والسوق مليان بأنواع كتير منها الصيني، ومنها الألماني، والإيطالي. وأشهرهم في مصر هو الإيطالي وليه أنواع بتبقى معروفة بالاسم لأنك بتقدر تعتمد عليها مهمًا كان عدد طوابق المبنى وارتفاعه لأن قوة تحملها عالية جدًا في العمل، وبتكون مختلفة في قوتها والمستخدم بيختار القوة اللي تناسب إحتياجه.

هنتعرف من خلال ياقوطة على مواصفات ومميزات وعيوب موتور من أقوى الأنواع وأكثرهم استخدامًا في مصر ماتريكس موتور ضخ المياه- ٢ حصان ولو قررت تشتريه هتقدر تتعرف على أحسن أسعاره من خلالنا وتقدر تطلبه ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• كود المنتج: MA389HL1|6UEGNAFAMZ
• اللون: أزرق.
• الخامة الأساسية: معدن.
• بلد المنشأ: إيطاليا.
• الضمان: عام.
• ٥٠× ١٣ سم.
• يعمل أتوماتيك مع صنبور المياه.
• قوة ٢ حصان.
• جميع ملفات الموتور من النحاس.
• ساقية نحاس.

المميزات

• موتور إيطالي الصنع، كفاءته عالية جدًا ويعمل بقوة محرك 2 حصان واللي بتكفي ٢٤ منزل وبيعيش معاك.
• مصنع من النحاس وعنده قدرة سحب المياه من 25 متر وكمان بيقدر يرفع المية لحد ٦٠ متر.
• صوته هادي وتقدر تركبه داخل أو خارج المنزل وتقدر كمان تثبته في الأدوار العالية لأنه مش بيسبب أي إزعاج.
• قوته ٢٢٠ فولت يعني تقدر تركبه في أي مكان من غير تجهيزات.
• بيوفر في استهلاك الطاقة.
• الموتور مهيأ للخدمة الشاقة وأداؤه عالي ومزود بحمالة علشان تحميه من التحميل الحراري التلقائي المتكامل، وده بيزود في عمره ويخليه يقدر يشتغل بنفس الكفاءة سنوات.
• جميع ملفات الموتور من النحاس وساقية كمان مصنعة من النحاس وده طبعًا أفضل كتير من الحديد اللي بيصدي ويعمل انسداد وبيكون سبب رئيسي لأعطال أتوماتيك موتور المياه.
• يعمل أتوماتيك مع صنبور المياه، والنوع ده بيشتغل بفلوماك مش بالونة يعني مع فتح الحنفية الموتور بيشتغل ويفصل لما تقفلها.

العيوب

• قطعة مراقبة تدفق المياه في الفلوماك بتكون شاغلة حوالي ٤٠٪ من فتحة تدفق المية واللي بيقلل خروج المياه وده مش بيناسب أماكن السحب العالي.
• الفلوماك اللي بيشتغل به نظام موتور ضخ المياه ماتريكس بيفضل يكون استخدام شخصي أو عدد محدود لإنك لو استخدمته في بناية كبيرة معرض إن يكون فيها كذا شقة عندها تسريب مياه في حنفية أو تواليت ومجموعة التسريبات دي لما بتكون في عمارة كبيرة بتخلي الموتور يحس إن في مية إتفتحت فيشتغل ومش هيفصل وبيحرق الموتور وبناءً عليه مش بيناسب البنايات الكبيرة.
• الفلوماك لما بتستخدمه مساءً وفي وقت الاستخدام بيكون فيه قليل والناس نايمة، بيكون تدفق المية عالي جدًا والحنفية مش بتصرف بنفس قوة المية اللي داخلالها. وبتفضل المية متخزنة بقوة وضغط 2 حصان وارتفاع الضغط ده بيترتب عليه تلف في ماكينات الكومبنيشن والوصلات، واللي بيأثر على عمر الموتور نفسه لأنه شغال باستمرار. كمان المية اللي بيضغطها مابتتسربش وبالتالي مش بيناسب المباني الكبيرة. وأحسن في الشغل المحدود اللي ميزيدش عن 5 شقق.

خدمة العملاء

• عليه ضمان سنة وليه وكلاء للصيانة في مصر وقطع غياره موجودة وبتتعامل مع مهندسين أو فننين كفاءتهم عالية.

تجربة المستخدم

• بعد ما تعبت من المواتير الصيني اللي بغيرها كل شهرين رحت اشتريت موتور ماتريكس وكان ناس قالولي عليه والحمد لله شغال حلو جدًا بقاله سنتين ونسيت مشكلة المية دي نهائي.

شوف موتور ماتريكس لضخ المياه بقوة ٢ حصان من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.