كتبت: أمنية عزمي

لاب توب لينوفو أيديا باد 330 من أنواع الفئة المتوسطة، مواصفات الجهاز كويسة جدا وبمواصفات هتقدر تنجز بها أعمال كتيرة، ورغم إنه بمعالج إنتل كور i3 لكنه من الجيل السابع ودا بيعزز قوة المعالج بالإضافة لخيارات الرسومات المتقدمة، و بيتميز بعمر بطارية بتصل ل 5 ساعات وأجزاء مطاطية أسفل الجهاز تساعده على تهوية أفضل علشان يوفر لك أداء سلس مع تعدد المهام، ومساحة ضخمة لتخزين آلاف الملفات والفيديوهات عالية الجودة.

تابعنا مع ياقوطة علشان تتعرف بشكل مفصل على أهم مواصفات ومميزات وعيوب لاب توب Lenovo Ideapad 330  Intel Core i3-7020U ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وممكن كمان تطلبه من خلالنا ويوصلك في أسرع وقت.

بنفكرك إنك ممكن تشتري لاب توب Lenovo Ideapad 330  Intel Core i3-7020U  من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• المعالج: إنتل الجيل السابع كور i3
• معالج الرسوميات (VGA): Intel HD Graphics 620 مدمج
• سعة القرص الصلب: 1 تيرا بايت.
• مشغل سي دي- دي في دي (CD-DVD): DVD RW
• حجم الشاشة: 15.6 بوصة.
• سعة الذاكرة: 4 جيجابايت.
• نوع الشاشة: FHD

المزايا

• تصميم أنيق ومتين، مصمم بنهايات واقية من المطاط بحماية ضد التآكل والتمزق بالإضافة لتفاصيل المطاط من أسفل اللي بتوفر تهوية جيدة ويمنع ارتفاع حرارته لو اشتغلت عليه أوقات طويلة.
• مصمم ليتوافق مع التطورات على المدى البعيد بمعالج إنتل كور i3-7020U بيميزه إنه من الجيل السابع الفئة U، بسرعة 2.3 جيجاهرتز تصل ل 3.0 جيجاهيرتز مع إنتل تربو بووست، 4 ميجا بايت ذاكرة مؤقتة وعدد الأنوية 2.
• معالج الرسوميات، يأتي بكارت شاشة مدمج Intel HD Graphics 620 بذاكرة DDR4 2133 ميجاهيرتز و2 جيجا رام.
• مع معالجات إنتل بتقدر تشغل أكتر من برنامج أو تفتح أكتر من تطبيق في نفس الوقت وتتنقل بينهم بدون ما يأثر على سرعته.
• يأتي بشاشة بإضاءة خلفية LED ودقة كاملة الوضوح FHD بدقة 1080×1920 بكسل مضادة للتوهج بحجم 15.6 بوصة.
• سعة التخزين ضخمة، هارد ديسك SATA HDD بسعة تخزين 1 تيرا بايت 5400 لفة في الدقيقة، بيوفرلك مساحة هائلة لحفظ بياناتك وهتقدر تخزن عليها آلاف من الأفلام والألعاب والفيديوهات العالية الجودة والصور.
• يعمل بنظام تشغيل ويندوز 10 وهتستفاد بأفضل المميزات في تحديثاته الجديدة اللي بتسهل كتير مشاركة مقاطع الفيديو والصور بشكل أسؤع من أي وقت.
• لوحة مفاتيح كاملة عربي/ إنجليزي مع لوحة رقمية بالإضافة للوحة متعددة اللمس.
• كاميرا ويب بدقة 720 بكسل مع ميكروفون مدمج.
• متعدد المنافذ، منفذ USB Type-C 3.1 + منفذين USB 3.0، منفذ HDMI، منفذ Audio jack، قارئ بطاقات الذاكرة SD يدعم (SD, SDHC, SDXC, MMC).
• مزود بمكبرات صوت 2×2 بتقنية دولبي أوديو وتعتبر من أجود السماعات في أنواع لاب توب لينوفو.
• الاتصال اللاسلكي والشبكات، شبكة LAN ، الشبكات اللاسلكية Wi-Fi 802.11 b/g/n/ac المعروفة بسرعتها، بلوتوث 4.1
• مزود بقرص ضوئي قارئ DVD HD ، كاتب DVD.
• بطارية ليثيوم بوليمر 2 خلية 30 وات/ساعة بميزة الشحن السريع، 15 دقيقة من الشحن بتديك عمر بطارية بيستمر معاك لساعتين.

العيوب

• الرامات ضعيفة جدا وبيبقى تقيل في استجابته في حالة تعدد التطبيقات والألعاب.
• المعالج ثنائي النواة فقط.
• البطارية مش بتستحمل وقت كبير خاصة في الألعاب.
• استجابة لوحة اللمس ضعيفة.
• بييجي عليه DOS فقط.
• مراكز خدمة لينوفو مش متوفرة في معظم المحافظات.

خدمة العملاء

• لينوفو شركة صينية وبالنسبة لمصر المستخدم بتتعامل مع أحد توكيلاتها اللي موجودة في بعض المحافظات زي القاهرة والجيزة واسكندرية والمنيا فقط لا غير ومش بتغطي باقي المحافظات.

 تجربة المستخدم

• لاب توب كويس للأعمال العادية لكن مش بيستحمل أعمال شغل جرافيكس ولا ألعاب تقيلة، وزنه معقول وتبريده جيد الرامات محتاجة تزيد الضعف لأنه بيكون بطيئ جدا في التحميل وفتح التطبيقات.
• مش بيشتغل على ويندوز 7.0 و 8.0 مش بيشتغل غير على ويندوز 10 فقط.

شوف لاب توب Lenovo Ideapad 330  Intel Core i3-7020U من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.