مراجعة غسالة أطباق وايت بوينت WPD 139 HDX سعة ١٣ فرد

كتبت: أمنية عزمي

غسيل الأطباق والأواني من أكتر الأعمال المزعجة اللي بتاخد وقت ومجهود ومش بتخلص خاصة لو عندك أطفال أو عدد كبير في الأسرة، علشان كده غسالة الأطباق بتعتبر من أهم الأجهزة اللي الناس بنحرص على اقتنائها، وايت بوينت من الشركات الرائدة في صناعة غسالات الأطباق وبتوفر تقنيات حديثة ومواصفات تساعدك في توفير وقتك واستغلاله بشكل أفضل، وبتوفر أحجام مختلفة تناسب كل العائلات وبرامجها متعددة بدرجات حرارة مختلفة حسب كمية الاتساخ ولو إلتزمت بتعليماتها ونوع الصابون المناسب والصيانة الدورية هتوفرلك أفضل نتايج وتعيش معاك فترات طويلة بدون مشاكل.

هنتكلم في المراجعة دي مع ياقوطة عن غسالة أطباق وايت بوينت WPD 139 HDX سعة 13 فرد وهنتعرف على أهم مواصفاتها ومميزاتها وكمان عيوبها ورأي المستخدم فيها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الكود التعريفي للسلعة: WH042HL103XP9NAFAMZ
  • اللون: فضي.
  • بلد المنشأ: تركيا.
  • الموديل: WPD 139 HDX
  • أبعاد المنتج: 84.5×59.6×59.8 سم
  • الخامة الأساسية: ستانلس ستيل.
  • فترة الضمان: 3 سنوات.

المميزات

  • تنفع للعائلات المتوسطة والكبيرة، تسع 13 فرد، وبتنجز معاك جدا في العزومات وبتاخد كميات كبيرة من الأواني.
  • مزودة ب 9 برامج بدرجات حرارة مختلفة 30، 40، 50، 60، 70 بيتم ضبط الحرارة أتوماتي بشكل تلقائي حسب اختيار البرنامج اللي بيناسب الكمية وحالة اتساخ الأطباق وحسب استعجالك كمان.
  • فيها برنامج نص حمولة، ده مفيد في حالة لو معندكش مواعين كتير ومحتاج تشغلها وبتاخد وقت قليل علشان تخلص البرنامج، غير لما تضطر تستناها لما تتملي وتشتغل وقت كامل.
  • تحكم إلكتروني بالكامل، يعني بتظبط البرنامج وهي بتغسل وتشطف وتعقم وتخلص كله بشكل إلكتروني وبدون تدخل منك.
  • مزودة بفلتر معدن ستانلس ستيل غير قابل للصدأ.
  • مزودة بشاشة رقمية بتظهر البرنامج والوقت الخاص به والوقت المتبقي.
  • متوفر فيها ميزة تأخير بدأ التشغيل لحد 19 ساعة، يعني بتقدر تظبطها وتشتغل في الوقت المحدد حتى لو مش موجود,
  • مزودة بمؤشر لبرنامج الشطف، مؤشر لمستوى الملح، مؤشر لمستوى الزيت.
  • مزودة بمفاتيح تشغيل/إيقاف – البرامج/ تأجيل التشغيل/ البداية/ الإيقاف المؤقت.. تشغيل وإيقاف معروفين.. تأجيل التشغيل دا بتستخدمه لما تحب تأجل تشغيل البرنامج لوقت معين.. البداية بتظبطه على بداية التشغيل أو البرنامج.. الايقاف المؤقت بتستخدمه لو مش حابب تكمل دورة الغسيل لأي سبب وبتكلمه في الوقت المناسب.
  • بتوفر في المية بنسبة 40% أكبر من الغسيل اليدوي العادي، يعني مثلا لو بتستخدم 10 لتر مية في الغسيل اليدوي هي هتستهلك 6 لتر.
  • بتوفر في الكهرباء لو اتنازلت عن مرحلة التجفيف بالحرارة وخليت الأطباق تجف بالهوا الطبيعي.
  • بتستهلك كميات أقل من الصابون اللي بتستخدمه في غسيل المواعين العادي وقدرتها على تنضيف الأطباق الزجاج والكوبايات بتبقى بشكل أفضل.
  • بتوفر وقت طويل ومجهود وبتحافظ على الجلد من القشف.
  • فيها مؤشر للمية بيوضحلك المنسوب اللي واصلة ليه.
  • مزودة بقفل أمان ضد عبث الأطفال.

عيوبها

  • أحيانا بتحتاج تنضف الحلل بشكل منفصل وتحتاج تنضيف يدوي لو الأوساخ لازقة فيها.
  • بتحتاج صيانة دورية زي أي جهاز كهربائي وبتحتاج تنضيف كل فترة علشان رواسب الصابون والأملاح وعلشان تشتغل بنفس الكفاءة طول الوقت.
  • بتحتاج تشطف الأطباق بالمية قبل ما تحطها في الغسالة.
  • بتاخد حيز من المطبخ لان حجمها كبير نسبيا.
  • بتحتاج وصلات للمية والصرف.

خدمة ما بعد البيع

  • بتمتاز وايت بوينت بمراكز صيانة معتمدة ومهندسين وفنيين على أعلى كفاءة وبيقدموا الدعم الفني على مدار 24 ساعة.
  • وايت بوينت بتديك ضمان شامل على الغسالة 3 لمدة سنوات وبتوفر قطع غيارها الأصلية بالضمان.
  • استجابتهم للعميل سريعة واتحسنوا عن قبل كدا لأن كان في شكوى منهم.
  • بالنسبة للتصليح بيتم في البيت. وبالنسبة للصيانة خارج الضمان بيديك سنة ضمان على الصيانة اللي بيقوم بيها فريق العمل.

آراء المستخدمين

  • ناس كتير بتشكر فيها وان مواصفاتها وسعرها منافسين في السوق وبتنضف كويس طول ما بتستخدم معاها الصابون المناسب والزيوت والخل، بتحتاج تنضف الفلتر أول بأول علشان تحافظ على كفائتها.
  • في ناس اشتكت من مستوى الصيانة وانهم مش دايما بيستجيبوا بسرعة.

شوف غسالة أطباق وايت بوينت WPD 139 HDX سعة 13 فرد- من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *