كتبت: ميّ نور

القهوة لها أنواع وطرق عمل كتيرة، فيه من الناس بيحبها مظبوطة وفيه بيحبها سادة وفيه بيحبها زيادة، وفيه ناس بتحب تضيف عليها لبن وبتتسمى في مصر قهوة فرنساوي. وفيه منها أكتر من نوع حسب كمية السكر الموجودة، ومؤخرًا انتشرت القهوة بالكراميل والبندق والأطعمة المختلفة دي، والقهوة عمومًا من المشروبات القديمة، وفي دول عربية تاريخها واقتصادية قايم على القهوة زي اليمن مثلًا اللي تعتبر من أوائل الدول اللي بدأت تصدر البن الخاص بالقهوة واللي معروف حاليًا بالبن العربي، حتى المشروب اللي اسمه موكا في ناس بتقول إن أصله يمني والكلمة متحرفة من قهوة المخاء اليمنية واللي اتسمت كده بسبب ميناء موجود في اليمن اسمه المخا، وهو ميناء مشهور بشكل كبير، وفيه كمان القهوة التركية ودي اللي الأتراك اخترعوا طريقة تحضيرها وله ريحة مميزة، وتركيا بتصدرها لكتير من الدول العربية ولدول أوروبية كتير، وعشان كده النهارده بنقدم لكم ماكينة صنع القهوة التركي Home لعشاق القهوة، وهكلمكم عن تجربتي الشخصية في استخدامها، ولو عجبتكم وعاوزين تشتروها تقدروا من خلال ياقوطة تعرفوا أحسن الأسعار ليها وتقارنوا بينهم وتطلبوها كمان من خلالنا وهتوصل لغاية عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

مراجعة ماكينة صنع القهوة التركي Home

ماكينة صنع القهوة التركي Home كانت من أكتر المنتجات اللي حبيتها وأنا بستخدمها، بالرغم من بعض عيوبها اللي هكلمكم عنها دلوقتي، لكن خلينا الأول نتكلم عن تجربة استخدامها، أولاً الماكينة بتيجي بتصميم وشكل ولون شيك جدًا وهتحسوا كأنها قطعة ديكور في المطبخ، كمان بتتميز بإنها سريعة وبتنجز في الوقت كتير وبتقدر تستوعب لحد ٣ كوبايات تقريبًا، وبتيجي مع لوحة تسخين من الاستانلس ستيل بخامة عالية جدًا، ودي كانت من أحلى مميزاتها بالنسبة لي، إني حسيت إني بتعامل مع منتج خامته نضيفة فعلًا، كمان الماكينة بتيجي مع سينسور للأمان بيخليها تفصل قبل مرحلة الفوران بتاعة القهوة، وكمان فيها خاصية القفل التلقائي بعد مرور ١٠ دقايق من عدم الاستخدام عشان ما تستهلكش كهربا كتير أو تعمل مشكلة لو نسيتوها شغالة وهي فاضية، وبتيجي مع لمبة بتنور أحمر وهي شغالة وبتطفي بعد ما بتفضل، كمان ممكن تتحكم فيها من خلال المؤشر بتاعها الموجود في القاعدة، وبالنسبة لتجربتي معاها، كانت جميلة جدًا وبتقدم القهوة بطعم مظبوط جدًا، وكمان بتتميز بإنها سهلة التنضيف، لكن عيبها الملحوظ إني في مرة ما أخدتش بالي إنها خلصت والقهوة فارت مني، كمان ليها عيوب تانية غير ملحوظة بالمقارنة مع الماكينات التانية، زي إنها مش بتيجي مع فلتر للمية، وكمان بتستهلك كتير في الكهربا، وسعرها غالي شوية، كمان للأسف مش بتيجي مع ضمان، في حين كتير من الأجهزة المنافسة ليها بتقدم فترة طويلة للضمان، لكن بشكل عام هي عملية جدًا وسريعة جدًا وأنا شخصيًا بقيت بستخدمها كتير.

تقدروا تشوفوا ماكينة القهوة التركي Home من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.