مراجعة شاملة لغسالة أطباق بيكو بموتور إنفرتر، 15 فرد، 8 برامج

غسالة أطباق بيكو بموتور إنفرتر، 15 فرد، 8 برامج

كتبت: منى عوض

غسالة الأطباق مبقتش رفاهية بالنسبة لكتير من الناس في ظل دوشة الحياة وروتينها ووتيرتها السريعة، فهي بتوفر الوقت والمجهود والمياه المستهلكة وبتحمي الإيد من استخدام صابون المواعين وبتنضف وتعقم المواعين بشكل كويس ومريح.

ولأن غسالة الأطباق مريحة وعملية، ياقوطة هتتكلم بالتفصيل عن غسالة أطباق بيكو بموتور إنفرتر 15 فرد موديل DFN28520X، ولو لاقيت إنها مناسبة لاحتياجاتك وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت.

بنفكرك إنك ممكن تشتري غسالة أطباق بيكو بموتور إنفرتر موديل DFN28520X من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات غسالة أطباق بيكو بموتور إنفرتر، 15 فرد، 8 برامج

  • الموديل: DFN28520X.
  • السعة: 15 فرد.
  • العرض: 59.8 سم
  • العمق: 60 سم
  • الارتفاع: 85 سم
  • بلد المنشأ: تركيا.
  • اللون: فضي.
  • فترة الضمان: 5 أعوام.

مزايا غسالة أطباق بيكو بموتور إنفرتر، 15 فرد، 8 برامج

  • الغسالة حجمها كبير وسعتها 15 فرد بالتالي تنفع للعائلات الكبيرة وفي العزومات، وحتى لو عدد أفراد أسرتك صغير ومواعينك مش كتير ممكن تجيبها وتحوش فيها مواعين كذا يوم وتسيبها تغسلهم براحتها.
  • الغسالة عملية وموفرة في الوقت لأن كل المجهود اللي هتعملها إنك تفضي الأطباق أو الكوبايات من أي بقايا أطعمة وتحطها في الغسالة وتشغلها على البرنامج المناسب وهي هتنضف وتعقم المواعين كويس.
  • الغسالة اقتصادية في استهلاك الطاقة الكهربائية والماء والمسحوق ودا بفضل موتور الإنفرتر.
  • فئة كفاءة الطاقة A ودا معناه إنها موفرة بشكل كبير في الكهرباء فهي بتستهلك في السنة حوالي 267 كيلو واط في السنة.
  • الغسالة بتيجي بـ 8 برامج مختلفة لاختيار الأنسب حسب درجة اتساخ المواعين.
  • شاشة ديجيتال LED تقدر تعرف من خلالها البرنامج المُختار ومدة البرنامج والوقت المتبقي لإتمام دورة الغسيل، وتقدر تعرف من خلالها كمان إن كانت الغسالة محتاجة ملح أو زيت أو فيها أي مشكلة.
  • الغسالة بتيجي بـ 3 أرفف، واحدة مخصص للمعالق والشوك والسكاكين، ورف علوي بارتفاع قابل للتعديل، بجانب رف سفلي تقدر تتني نص سنونه بحيث إنه يتحط فيه حلل.
  • مؤشر تقدر تعرف من خلاله مستوى الملح، مؤشر آخر لمستوى الزيت.
  • تقدر تستخدم أقراص أو مسحوق بدور أو جل مخصص لغسالة الأطباق.
  • الغسالة فيها خيار Fast+ ودا بيتم عملية تنظيف المواعين في مدة زمنية أقل.
  • الغسالة مزودة بخيار تأخير بدء تشغيل الغسالة حتى 24 ساعة.
  • برنامج النصف حمولة ودا بيخليك تحط المواعين اللي عندك في السلة السفلية بالتالي تشغيل الرشاشات بشكل مكثف على السلة دي فقط.
  • الغسالة فيها برنامج تنظيف سريع مدته نص ساعة ودا هيكون مناسب أكتر للمواعين اللي درجة اتساخها مش كبيرة.
  • الغسالة فيها برنامج مدته ربع ساعة ودا بيكون مخصص لغسيل الخضروات والفاكهة.
  • أيًا كان برنامج الغسيل اللي هتختاره فتأكد تمامًا من إنه هيعقم المواعين بشكل كويس جدًا.
  • بمجرد ما تشغل الغسالة هتلاقي إن بابها قفل وصعب يتفتح غير لما تخلص البرنامج تمامًا ودي خاصية آمنة جدًا خصوصًا لو عندك أطفال.
  • تقدر تضيف أي مواعين أو تاخد أي حاجة من الغسالة أثناء دورة الغسيل.
  • مش بتسبب أي إزعاج طول فترة تشغيلها.
  • لو حصل أي تسريب في المياه هتلاقي الغسالة وقفت من نفسها واديتك رمز ERROR لحد ما تحل المشكلة تمامًا.
  • مصنوعة من الأستانلس ستيل المقاوم للصدأ ومضاد للبصمات.

عيوب غسالة أطباق بيكو بموتور إنفرتر، 15 فرد، 8 برامج

  • هتحتاج تنضف الحلل أو الأطباق من أي أوساخ أو بقايا طعام لازقة فيها عشان تضمن إن الحاجة اللي فيها هتخرجلك نظيفة بشكل كويس.
  • النص الداخلي لسنون الرف السفلي بس اللي بتتني عشان تغسل فيه الحلل مش كلها ودا عيب هتلاحظه لو حبيت تستخدم الرف كله في غسيل الحلل فقط.
  • الغسالة حجمها كبير ومش هتنفع مع المساحات الصغيرة.

خدمات ما بعد البيع لغسالة أطباق بيكو بموتور إنفرتر، 15 فرد، 8 برامج

  • تقدر تتواصل مع خدمة عملاء بيكو من خلال الخط الساخن 16165.
  • لو واجهت أي مشكلة في أي جهاز من أجهزة بيكو، كل اللي عليك إنك تكلمهم وهما هيبعتولك فني لحد البيت خلال أربع أيام عمل بالكتير.
  • مراكز صيانة بيكو متوفرة في جميع أنحاء الجمهورية.
  • لو احتجت أي قطع غيار فهما بيوفروهالك مع ضمان حتى لو كان الجهاز خارج الضمان.

تجربة المستخدم لغسالة أطباق بيكو بموتور إنفرتر، 15 فرد، 8 برامج

  • الغسالة عملية ومريحة والمواعين بتخرج نضيفة ومتعقمة ودي حاجة مريحة نفسيًا بس حجمها كبير وحسيت إنها كلت المطبخ لأنه صغير شوية.

شوف غسالة أطباق بيكو بموتور إنفرتر 15 فرد، 8 برامج، موديل DFN28520X من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *