مميزات وعيوب سخّان أتلانتيك إيجو ٥٠ لتر

كتبت: إيمان عادل

الشتا على الأبواب ومفيش أي بيت يقدر يستغنى عن سخان المياه، خصوصًا لو البيت ده فيه أطفال أو كبار سن أو مريض، وقبل ما يفكر أي حد إنه يشتري سخان فيه حاجات أساسية لازم يتأكد إنها موجودة فيه عشان يضمن إن فلوسه اتدفعت في منتج كويس هيعيش معاه.

كتير مننا بيفضل السخانات الكهربا عن السخانات الغاز، وكمان بيعتبروا إنها أمان أكتر، بس فيه ناس بتحب توفر وبتجيب السخانات وبالذات لو عندهم غاز طبيعي فبيكونوا متطمنين شوية، بس دي كلها مجرد آراء وتجارب ووجهات نظر ملهاش علاقة بصناعة المنتج.

بس احنا النهارده هنتكلم عن سخان كهربا أتلانتيك إيجو، تعالوا نعرف كل حاجة عنه بالتفصيل في السطور الجاية دي.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفاته

الأبعاد ٦١ سم ارتفاع × ٤٥٫١ سم عمق.
السعة ٥٠ لتر.
القدرة ١٥٠٠ وات.
اللون أبيض.

المميزات

  • تصميم السخان أنيق وجميل وشكله انسيابي بيضيف لحمامك أو مطبخك لمسة جمال.
  • سخان أتلانتيك إيجو سهل في الاستخدام والتعامل معاه، يعني فيه زرار للباور عشان يقفله ويفتحه بس من غير أي تعقيدات.
  • بيوفر لك السخان أكبر درجة أمان عشان هو بيشتغل بالكهربا مش بالغاز.
  • سعة السخان كبيرة، يعني بيسخن كمية مياه كبيرة مرة واحدة في وقت سريع بالمقارنة مع سخانات تانية.
  • وزن السخان خفيف يعني حوالي ١٥ كجم بس، يعني سهل يتنقل من مكان للتاني بسهولة.
  • الحلو فيه قوي كمان إنه بيستهلك طاقة كهربية معقولة لانه مصنف كاستهلاك كهربا فئة C حتى لو وصل التسخين فيه لدرجة حرارة ٦٥، ، وبالذات في الشتا لأنه تقريبًا بيكون شغال الـ ٢٤ ساعة.
  • السخان بيشتغل بجهد كهربا بسيط جدًا ٢٢٠ فولت بس.
  • كمان السخان مطلي بطبقة من المينا من بره، وده عشان تمنع تكون الصدأ وتحافظ عليه من البارومة.

العيوب

  • السخان للأسف بيسخّن المياه لحد درجة حرارة ٦٥ بس، على الرغم من إن فيه سخانات تانية كتير بتوصل درجة التسخين فيها لـ ٨٠ درجة مئوية.
  • السخان كمان بمؤشر حرارة مش ديجتال زي سخانات كتير حديثة، والناس دايمًا بتدور على الجديد.

ما بعد الشراء

  • خدمة بعد البيع ضعيفة جدًا عشان التوكيل مش متوفر في كل مكان زي سخانات كتير تانية معروفة.
  • قطع غيار السخان مش متوفرة في كل مكان.

ممكن تشوف سخان أتلانتيك إيجو ٥٠ لتر من هنا.

كمان ممكن تشوف سخان مياه كهرباء أتلانتيك أوبرو من هنا.

ما تنساش تشاركنا تجربتك مع سخان أتلانتيك إيجو ٥٠ لتر في تعليق وقولنا رأيك فيه إيه.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.

 

18 thoughts on “مميزات وعيوب سخّان أتلانتيك إيجو ٥٠ لتر”

  1. محمد عبد الوهاب العسال says:

    السخان عندي بيكهرب المياه والحنفيات ومجرد ما افصله مفيش كهرباء اشغله تاني يكهرب تاني

    1. Mohamed Abdelrahman says:

      الأفضل تكلم خدمة العملاء يا أفندم.. وربنا يسترها عليك وعلى أسرتك

    2. محمد says:

      حضرتك عملت اي علشان عندى نفس المشكله

  2. mohamed says:

    سخان زبااااااالة الزباااااالة

  3. Dr abdelhamid says:

    لو سمحت كنت شاري سخان من اتلانتك وعايز اعمل شكوي ف الوكيل ومندوب البيع ف المحله الكبري وانا رجعت السخان تاني علفكره سوء معامله رهيب من الوكيل ومندوب البيع مش بيتدخل خالص

    1. Mohamed Abdelrahman says:

      تقدر تتواصل مع جعاز حماية حقوق المستهلك، بشرط وجود أصل الفاتورة الضريبية

  4. د مني says:

    السخان سيء جدا الفاتوره جت 800 ج من اول شهر شغلته مع العلم انها كانت بتيجي لما تكون مرتفعه جدا 100 ج مستهلك للكهربا بشكل اوفر عكس اوليمبك افضل منه بكتير ليتني ما اشتريته ولكن هل في حل لمشكلة سحب الكهربا بالشكل ده العداد بيطير اول لما افتح السخان

    1. Mohamed Abdelrahman says:

      السخان يا افندم تصنيفه لاستهلاك الطاقة فئة C
      ودي فئة متوسطة،، مش أعلى حاجة
      ومدة تسخينه ساعتين تقريبًا
      ولو بيسخن في وقت اكبر من كده يبقى وارد جدا حضرتك تكون بتسحب منه كياه بشكل مستمر وده اللي بيخلي السخان يسخن بشكل مستمر واطول من ساعتين

      1. Dalia galil says:

        طيب و بعدين يا جماعه في اللي بسمعه ده
        لسه مشتريه واحد امس واقنعوني انه فرنساوي لسه مركبتهوش هحاول ارجعه

  5. حضرتك انا لسا شاري سخان اتلاتنيك وركبته وفعلا المياه سخنت بس لسا مؤشر الحراره مشتغلش لسا واقف مكانه
    ممكن أفاده

    1. Mohamed Abdelrahman says:

      الأفضل تتواصل مع خدمة العملاء يا افندم.. ولو لسه في أول 30 يوم ليك حق الاستبدال وفي حالة وجود مشكلة طبعًا

  6. Ahmed says:

    سخان زبالة وخدمة عملة زيهم وعايزين ينصب على المستهلك أنه يخرج من الضمان باى حيلة كانت

  7. Mostafa taha says:

    السخان لسه شريه واول ما ركبته واشتغل نصف ساعه أصبح يصدر منه صوت ايه السبب والحل

    1. Mohamed Abdelrahman says:

      التواصل مع الوكيل أفضل يا افندم لإنك لسه في البداية وليك يوم وليك 30 يوم ارجاع أو استبدال

      والصوت اللي حضرتك سمعته ليه تفسيرات كتيرة. بس الأفضل اللجوء للوكيل

  8. Añgël Sãm says:

    طيب انا عاوزة افهم هو ممكن لمبة السخان تشتغل وممكن تكون طافيه وقت توصيل السخان بالكهربا

    ولا لازم تبقي شغاله ع طول وقت توصيل السخان بالكهربا؟؛

    1. Mohamed Abdelrahman says:

      اللمبة بتشتغل في حالة تسخين السخان للمياه اللي جواه
      وبتفصل عند وصول درجة حرارة المياه للحرارة المظبط عليها

  9. Hany Elgaar says:

    على فكره السخان لا يعتبر من السلع المعمورة لاني استبدله مرتين في خمس ست سنوات، يعني فعلا الضمان خمس سنوات ومش هيكمل معاك الخمس سنوات وربنا يعوض عليك

  10. منال لطفي says:

    شركه زباله بجد السخان مش كمل اربع سنين وتخرم ولما الشركه شافتو قالت خارج الضمان مع انو لسه في الضمان حسبي الله ونعم الوكيل فيهم ودا درس علشان الواحد مايشتريش تاني اي حاجه من الشركه الزباله دي ويعرف الناس أن محدش يشتري منها حاجه أنا مش كل ثلث سنين هشتري سخان

Leave a Reply

Your email address will not be published. Required fields are marked *