كتبت: أمنية عزمي

القهوة بكل تفاصيلها معشوقة ناس كتير جدا حول العالم، في ناس بتعشق ريحتها، وناس بتعشق طعمها بأذواق كتير مختلفة، وناس ما بتعرفش تبدأ يومها وتصحصح غير بها لأنها منبهة للحواس، وبيتبارى الناس في العالم في كيفية تحضير القهوة بطقوس خاصة لكل مكان، وفي البلاد العربية اشتهرت طريقة تحضير القهوة على الرمال الساخنة وبتعتبر أفضل طرق تحضير القهوة اللي بتديها أروع مذاق، ومن هنا ابتدى عشاق القهوة يلجئوا لطرق تحضيرها على الرمل، خاصة مع تواجد منتج رمالة القهوة اللي تقدر تستخدمها في أي مكان وتشرب قهوتك بمزاج.

تابعنا مع ياقوطة علشان تتعرف على أهم مواصفات ومميزات وكمان عيوب رمالة قهوة تركي كهربائية ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري رمالة قهوة تركي كهربائية من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• النوع: ماكينة تحضير القهوة التركية
• العلامة التجارية: موكسينا
• خامة الصنع: ستانلس ستيل
• مادة الشراب: مسحوق
• الرقم المميز للسلعة: 2724826464812

المميزات

• مصممة بحجم صغير يتناسب مع أي مساحة بأبعاد وقياسات ما تحتاجش حيز كبير في المكان، تقدر تستخدمها في الكافيهات والمطاعم والمكاتب والبيوت وتقدر كمان تتنقل بها في أي مكان.
• مصنعة من أرقى أنواع الاستانلس ستيل 304 مطابق للمواصفات القياسية الغذائية مقاوم للصدأ ومش بيتغير وسهل التنظيف، وفي منها بلون ذهبي مصنوعة من النحاس.
• بتسوي القهوة بطعم احترافي وبطريقة منظمة عن طريق تسخين الرمل من كل الاتجاهات وبتطلع بمذاق رائع وبدون أي حروق أو لسعات زي النار العادية.
• بتشتغل بالكهرباء وليها مفتاح ليه درجات مختلفة بتظبطه حسب الحاجة وبتقدر تستخدمها في أي مكان.
• الرمالة موفرة في الكهرباء لأن الرمل بيحتفظ بدرجة حرارته فترة طويلة وبالتالي بتستهلك كهرباء أقل سواء في إعادة التسخين أو بين التشغيل وإعادة التشغيل.
• أحيانا بييجي معاها كيس رمل وكنك هدية حسب المكان اللي بتشتريها منه.
• سهل تشتري الرمل الخاص بها من أماكن كتير وبيعيش معاك فترات طويلة.
• حجمها بياخد من 3 ل 4 كنكات صغيرين، يعني بتقدر تعمل لأكتر من شخص في المرة الواحدة.
• بتقدر تستخدمها كمان بدون رمل كسخان كهرباء سواء للقهوة أو لو حبيت تسخن إناء عادي، وبتقدر كمان تستخدمها في التسخين بالرمل لأي إناء حجمه مناسب لو في سفر ومفيش إمكانيات.
• بتسوي البن بشكل احترافي وطعم القهوة فيها مختلف.

العيوب

• بتحتاج غالبا تشتري نوع معين من الرمل (رمل كوارتز) بيكون ليه مواصفات زي إنه بيكتسب الحرارة بسرعة وبيحتفظ بالحرارة لفترة طويلة.
• غير مزودة بيد خشبية تقدر تتحكم فيها من خلالها، ولا معلقة خشب لتقليب الرمل.
• سعرها غالي.
• استخدامها كتير بيسحب كهرباء.

تجربة المستخدم

• ناس بتقول حلوة بس عايزة طولة بال وإنك تفضل جنبها فترة أطول من العادي، وناس شايفة إنها مفيهاش ميزة تساوي سعرها خاصة إن ماكينات تحضير القهوة بأنواع مختلفة كتير وبتعمل أكتر من نوع وسعرها أفضل وبالتالي غير منافسة.

شوف رمالة قهوة تركي كهربائية من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.