مواصفات وأسعار ديب فريزر إلكتروستار أفقي سعة 250 لتر
كتبت: أمنية عزمي
ديب فريزر إلكتروستار فيه مميزات كتير من أهمها إن الموتور فيه كفائته عالية وبيوصل لتجميد الأطعمة لدرجات حرارة منخفضة في وقت قليل، وفي حالة انقطاع الكهرباء بيحتفظ باللحوم مجمدة لفترة طويلة، بيوفر في استهلاك الكهرباء، مساحته الداخلية كبيرة ومناسب جدا للمحلات التجارية، خاماته ضد الصدأ، ومثبت على أربع عجلات من الأسفل لسهولة تحريكه من مكان لمكان.
تابعنا مع ياقوطة علشان تتعرف على أهم مواصفات ومميزات وعيوب ديب فريزر إلكتروستار أفقي ES250 سعة 250 لتر ورأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.
بنفكرك إنك ممكن تشتري ديب فريزر إلكتروستار أفقي ES250 سعة 250 لتر من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات الفنية
- الكود التعريفي للمنتج: EL833HL0KQFEANAFAMZ
- اللون: أبيض
- بلد المنشأ: مصر
- فترة الضمان: 5 سنوات
المميزات
- متعدد الاستخدامات، موتوره قوي وبيديك تبريد سريع لأقصى درجة تجميد وتقدر تتحكم في درجة حراته وتستخدمه كتلاجة أو ديب فريزر.
- حجمه كبير 250 لتر، مناسب للعائلات الكبيرة والمحلات أو المطاعم.
- في فترة أمان بتصل ل6 ساعات لو انفصلت عنه الكهرباء، يعني بيحتفظ بالمأكولات مجمدة لفترة أمان طويلة.
- تبريده القوي بيخلي الأغذية المحفوظة داخله طازة باستمرار.
- مش بتتقيد بمساحة محددة فيه وتقدر تشيل فيه أي أحجام ودي ميزة في الديب فريزر الأفقي.
- مزود بنظام إضاءة داخلية بتنور الفريزر من الداخل بالكامل علشان توضحلك الرؤية بسهولة لما تفتحه.
- مصنع ومدهون بنظام طلاء استاتيكي مقاوم للصدأ.
- فيه طبقة عازلة قوية علشان يحتفظ بالبرودة الداخلية بدون تسريب وبالتالي بيوفر في الكهرباء.
- مزود بترموستات بتتحكم من خلاله في درجة الحرارة المناسبة.
- فيه سلة داخلية تقدر تحتفظ فيها بالأطعمة اللي بيكثر استخدامها علشان تكون قريبة منك.
- بيتحمل الأجواء الحارة.
- بيساعدك في توفير الكهرباء لأنه مش بيدوب التلج آليا.
- مش بياخد حيز رأسي من المكان وبالتالي تقدر تحطه تحت شباك أو تستغل الحائط اللي فوقه بالشكل اللي تحبه.
- السطح الداخلي فيه أملس وبالتالي بيكون سهل التنظيف.
- سعره أقل كتير من الفريزر الرأسي.
العيوب
- ديفروست وبتحتاج تفصله كل فترة وتسيح التلج بنفسك، بيوفر في الكهرباء لكن بياخد مجهود ووقت في التنضيف.
- بتواجه صعوبة في الوصول للأطعمة المحفوظة في قاع الديب فريزر لأنه مش منظم بأدراج أو أرفف.
- مستوى خدمة العملاء سيئ.
خدمة العملاء
- رقم الخط الساخن للخدمة 16505
- في شكاوى كتير من العملاء ان مفيش اهتمام من الشركة وان التصليح عندهم دون المستوى ومفيش أمانة في التعامل ولا التصليح واستجابتهم للعميل بطيئة جدا للأسف، وان الأجهزة بتروح بمشكلة وترجع بمشاكل تانية بسبب سوء الفنيين وعدم اهتمام الشركة.
تجربة المستخدم
- في ناس شكرت فيه جدا وقالت ان تبريده ممتاز ومساحته بتاخد كميات كبيرة.
- في ناس حلت مشكلة عدم النظام بأنها جابت سبته متعددة ورصتهم فوق بعض كل واحد بنوع معين وبالتالي بقى سهل تدور جواه بنظام.
- في ناس بتقول إن صوته عالي.
شوف ديب فريزر إلكتروستار أفقي ES250 سعة 250 لتر من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من 3 سنيين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.