كتبت: أمنية عزمي

هو التليفزيون إيه غير شاشة بجودة كويسة وحجم تختاره حسب المساحة اللي هتحطها فيه ورفع يسمحلك بتعليق الشاشة وألوان جميلة بإضاءة خلفية تدي السطوع المناسب للشاشة، وكمان لو ليه منافذ زي USB وال HDMI  اللي بتضيف متعة اختيار البرامج والأفلام من خلال توصيلهم بالشاشة يبقى جمعنا كل اللي نفسنا فيه، لكن الأسعار بتختلف حسب إسم الشركة المنتجة وكتير بتكون الأسعار عالية لأن أسماء الشركات المنتجة كبيرة ومعروفة، لكن مع تواجد شركات كتير بتوفر الإمكانيات دي في شاشاتها بأسعار مناسبة جدا تقدر تحصل عليها بسهولة زي شاشات MG موضوع مراجعتنا.

 هنتكلم في المراجعة دي مع ياقوطة عن تليفزيون MG ٣٢ بوصة- FHD وهنتعرف على أهم مواصفاته ومميزاته وكمان عيوبه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• دقة الشاشة: 1366×768.
• اللون: أسود.
• وزن الحزمة: 5 كيلو جرام.
• نوع العرض: ليد.
• رقم الموديل: 6MG42
• الرقم التسلسلي للسلعة: 2724711537485
• حجم الشاشة: 32 بوصة.
• نوع الشاشة: عادية.

المميزات

• الشاشة بدقة عالية 1366× 768 بكسل فل إتش دي اللي هتوفرلك تجربة مشاهدة ممتعة بكل تفاصيلها.
• مزود بمنفذ HDMI بيدعم إشارات صوتية متعددة القنوات وإشارات فيديو بوضوح عالي بتنسخ صوت وصورة بشكل دقيق وصورة بجودة عالية بدون أي تشويش أو ضوضاء.
• مشغل وسائط متعددة يو إس بي 2 بتوصله بأي فلاشة وتتفرج على أفلامك المفضلة وملفاتك الخاصة من صور وفيديوهات وذكريات على شاشة تستمتع معاها بالمشاهدة.
• مزود بمنفذ RGB بتقدر توصله بشاشة الكمبيوتر وتتابع من عليه أفلام أو تستخدم شاشة التلفزيون من خلالها للكمبيوتر وتستخدم التليفزيون كشاشة كمبيوتر.
• شاشة رفيعة بحجم 32 بوصة مناسبة للأماكن المتوسطة وتقدر تستغل رفعها وتعلقها عالحائط وتوسع المكان.
• شاشة ليد، بإضاءة خلفية مميزة بالسطوع العالي وتباين عالي للون الأسود ووضوح للألوان فيها بشكل طبيعي.
• مرتكز على قاعدة مصممة بشكل ذكي يحافظ على ثبات الشاشة من الصدمات.
• مزود بريموت كنترول للتحكم في الشاشة عن بعد.
• سعر الشاشة مناسب جدا بالنسبة لمواصفاتها وعليها ضمان سنتين.

العيوب

• جودة الشاشة في الحقيقة مش بتوصل ل FHD.
• الشاشات الليد من مشاكلها إن الضوء الخلفي فيها قابل للتلف بسهولة.
• مش بتقدر تشوف الشاشة من الزوايا.
• جودة الخامات المصنع منها الشاشة ضعيفة.
• الصوت مش قوي والصورة مش بالنقاء المتوقع.

خدمة العملاء

• رقم صيانة MG للشاشات 01016002740
• مراكز صيانة متخصصة ومتواجدة في جميع أنحاء الجمهورية والصيانة تتم على أيدي مهندسين وفنيين مهرة والإصلاح بيكون في المنزل وبيوفروا قطع الغيار الأصلية بالضمان.

تجربة المستخدم

• الناس اللي استخدمته شكرت فيه وقالت ان الصورة جيدة تفي بالغرض لكن مش بالنقاء المطلوب.
• خامات الشاشة ضعيفة وكان الحل اني علقتها على الحائط علشان أتفادى انها تتصدم.

شوف تليفزيون MG ٣٢ بوصة- FHD من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.