كتبت: أمنية عزمي

جاك بتقدم تليفزيونات بإمكانيات عالية زي شاشة بحجم 32 بوصة بلوحة عرض IPS وسمارت كمان، شاشة ذكية بتقدر توصلها بالإنترنت وتتابع من عليها الألعاب واليوتيوب ومواقع التواصل الاجتماعي على شاشة بجودة HD وليد سطوعها عالي وتباين الأسود فيها قوي وواضح، غير انها مزودة بمنفذ HDMI ومنفذ USB يعني بتقدر توصلها بالكمبيوتر وبفلاشة عليها محتوياتك الخاصة، كل دا وأكتر بسعر هايل أقل من موبايل في الفئة المتوسطة، يعني أي حد يقدر يلاقي المواصفات اللي بيدور عليها في حدود أقل ميزانية ممكنة.

تعالوا نتعرف بالتفصيل مع ياقوطة عن أهم مواصفات ومميزات وكمان عيوب تليفزيون جاك سمارت  LED ٣٢ بوصة ونتعرف كمان على رأي الناس اللي استخدمته ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الفئات: تليفزيون ذكي.
• جهاز التحكم عن بعد: نعم.
• نوع الإتش دي: إتش دي.
• دقة الشاشة: 768× 1366
• نوع العرض: LED
• رقم الموديل: 132N
• الرقم الممسز للسلعة: 2724771502331
• حجم الشاشة: 32 بوصة.
• اللون: أسود.

المميزات

• الشاشة بتتميز بدقة عالية 768×1366 بكسل وبتعتبر الدقة مناسبة لحجم الشاشة ال 32 بوصة والتفاصيل الدقيقة بتكون واضحة فيها والألوان طبيعية مريحة سواء في الأفلام أو متابعة الماتشات.
• الشاشة بتتميز بلوحة عرض IPS اللي بتوفر جودة ألوان ممتازة ودقة عرض كبيرة بالإضافة انها بتتمتع بزوايا رؤية مذهلة 178×178 تخليك تشوف الشاشة من كل الجهات بوضوح عالي.
• الشاشة ذكية بنظام أندرويد، تقدر توصلها بالواي فاي وتستفاد بتكنولوجيا الإنترنت وتعيش على مواقع التواصل الإجتماعي على شاشة أكبر وأوضح وتستمتع كمان بالألعاب الجماعية عليها.
• شاشة ليد بإضاءة خلفية بقوة 200 شمعة بتمنحك سطوع عالي وتباين قوي للون الأسود.
• مزودة بمنفذين HDMI بتقدر عن طريقهم توصله بالكمبيوتر والألعاب وأجهزة التحكم والأقراص الخارجية بأي محتوى.
• مزودة بمنفذين USB 2.0 بتوصله بأي فلاشة وتتفرج على محتوياتها سواء صور وفيديوهات أو أفلام بتحكمك الخاص في توقيفها وتشغيلها.
• واجهة وسائط متعددة بجودة عالية، MP3, JPEG, AVI, MPEG من خلال 2 منفذ يو إس بي.
• مزود بتقنية VGA اللي بتوصل التلفزيون من خلالها للكمبيوتر وتستخدم التليفزيون كشاشة كمبيوتر.
• مزودة بمدخل إريال أرضي RF، ومنفذ مخرج صوت، وخاصية عكس الشاشة باستخدام أجهزة الأندرويد.
• رفع الشاشة متوسط، تقدر تحطها على سطح عادي أو تعلقها عالحائط لو حبيت تستغل المساحة بشكل أفضل.
• مرفق معاه ريموت كنترول للتحكم عن بعد في كل خصائصه.

العيوب

• الشاشات ال IPS استهلاكها للكهرباء أعلى من الشاشات ال TN وزمن استجابتها بيكون أقل نسبيا وبالتالي بتكون غير مناسبة للألعاب.
• فترة الضمان سنة واحدة قليلة والطبيعي انها مش بتقل عن 3 سنوات.
• مش مرفق معاه حامل للحائط.
• الشاشات الليد في الأسعار المنخفضة بتكون معرضة للتلف لأن الإضاءة الخلفية اللي بتعتمد عليها بتكون نوع ضعيف وبالتالي اللون الأسود بيعمل زي الضباب لو حصل تلف.

خدمة العملاء

• مراكزهم متوفرة في جميع أنحاء الجمهورية.
• للأسف شكاوى كتير جدا من سوء خدمة العملاء وشكوى من سوء الصناعة والصيانة مش بتهتم بالرد على التليفونات ولا بتهتم بالشكاوى ومستوى الفنيين في التصليح سيئ، وللأسف رغم قلة فترة الضمان لكن أي عطل بيحصل بيحملوه للمستهلك ويدفع تمنه ويرجع بيوظ تاني في فترة قصيرة. ناس كتير قدمت فيهم شكاوى لحماية المستهلك.

تجربة المستخدم

• في آراء كتير شكرت فيه وبتقول إنه هايل صوت وصورة وانه أرخص شاشة ذكية بنظام أندرويد وبالرغم من السعر إلا انه سريع ومواصفاته هايلة، وانهم ركبوله ماوس علشان يكون أسهل في التنقل على الإنترنت وناس بتنصح انك تنزل احدث إصدار في جوجل كروم علشان يكون سريع معاك خاصة في الفيديوهات.
• مع البحث والسؤال الحقيقة محدش متضايق منه ولا عنده مشاكل معاه بعكس أنواع تانية من نفس الشركة JAC ودا حاجة كويسة.

شوف تليفزيون جاك سمارت 132N– LED 32 بوصة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.