كتبت: أمنية عزمي

كل ما حجم الشاشة يكبر كل ما بتحتاج دقة وضوح أعلى لأن التفاصيل بتظهر فيها بشكل أوضح، فريش بدأت من فترة قريبة تنافس في السوق بإنتاجها للتلفزيونات بعد ما تفوقت في منتجاتها التانية ومن ضمن الموديلات بتقدم تلفزيون بحجم 55 بوصة  بأعلى دقة للشاشة بتتمثل في تقنية 4K ألترا إتش دي اللي بتعادل أربع أضعاف وضوح ال Full HD واللي بتديك أعلى دقة لمشاهدة الفيديوهات وأروع نقاء ووضوح للصورة والألوان، بالإضافة إنها بتحسن جودة الصوت، التلفزيون سمارت ومزود بمدخلين USB و 3 مداخل HDMI وبكدا تبقى وفرت كل الاحتياجات اللي ممكن تتمناها في التلفزيون وبسعر منافس جدا.

هنتكلم بالتفصيل مع ياقوطة عن أهم مواصفات ومميزات وكمان عيوب تلفزيون سمارت فريش- 55 بوصة- ليد- بدقة 4K وهنتعرف على رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع إل إتش دي: 4 كيه ألترا إتش دي.
• العلامة التجارية: فريش.
• الفئات: تلفزيون ذكي.
• نوع العرض: LED
• حجم الشاشة بالبوصة: 55 بوصة.
• رقم الموديل: 55LU731
• دقة الشاشة: 2160×3840
• اللون: أسود.
• جهاز التحكم عن بعد: نعم.

المميزات

• الشاشة مسطحة بحجم ال 55 بوصة رائعة في المشاهدة خاصة في الماتشات والأفلام ومصممة بحواف رفيعة تبرز جمالها في المكان وطبعا محتاجة أماكن كبيرة وهتكون مناسبة جدا فيها.
• الشاشة بدقة 4K Ultra HD 2160 × 3840، بتتميز بعدد وحدات بكسل بتزيد 4 مرات عن دقة ال FHD بتوضح كل التفاصيل بوضوح عالي وتعيش معاها متعة المشاهدة مع الأفلام في تجربة سينمائية رائعة وتعيش الماتشات كأنك في الملعب.
• شاشة بإضاءة خلفية ليد، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة.
• تليفزيون سمارت بنظام أندرويد، تقدر توصله بالواي فاي وتستفاد بتكنولوجيا الإنترنت وتعيش على مواقع التواصل الإجتماعي على شاشة أكبر وأوضح والألعاب الجماعية عليه متعة.
• صوت ستيريو NICAM بقوة 16 وات.
• مزود ب 3 منافذ HDMI بتدعم إشارات الفيديو بوضوح عالي وإشارات الصوت متعددة القنوات بتستمتع من خلالها بمقاطع الفيديو والصور بدقة أعلى مع تشويش أقل بجودة رائعة، وبتوصله بالكمبيوتر والألعاب وأجهزة التحكم والأقراص الخارجية بأي محتوى.
• مزود بمنفذين يو إس بي 2 بتوصله من خلالهم بأي فلاشة وتتفرج على محتوياتها سواء صور وفيديوهات أو أفلام بتحكمك الخاص في توقيفها وتشغيلها.
• مزود بواي فاي لسهولة توصيله بالإنترنت والدخول على اليوتيوب ومواقع التواصل.
• الشاشة رفيعة ووزنها خفيف تقدر تحطها على قاعدتها أو تعلقها عالحائط وتستغل المساحة بشكل أفضل.
• مزودة بقاعدة تصميمها ذكي بيحافظ على ثبات الشاشة.
• مرفق معاه ريموت كنترول للتحكم عن بعد في كل خصائصه.

العيوب

• مش مذكور فترة ضمان.
• الشاشة رفيعة وخفيفة وخامات تصنيعها ضعيفة، والأفضل انه يتحط في مكان بعيد عن الأطفال أو يتعلق عالحائط.
• مش مرفق معاه حامل للحائط.
• فيه مشكلة في الشاشات الليد خاصة في الأنواع دي انها بتكون معرضة للتلف ولأنها بتعتمد على إضاءة خلفية بتلاقي اللون الأسود بيعمل زي الضباب لو حصل تلف.
• مش بيحتوي على ريسيفر داخلي.
• دقة الشاشة الحقيقة أقل من انها تكون 4K UHD.
• استجابة الريموت ضعيفة وخامات صنعه غير جيدة.

خدمة العملاء

• مراكز الصيانة غير متوفرة بشكل كافي في كل مكان.. بمعنى إن خارج القاهرة بتضطر تتعامل عن طريق وكيل صيانة مش مع الشركة بشكل مباشر.
• أسعار قطع الغيار تعتبر أعلى من مثيلاتها في السوق.
• في شكاوى من سوء التعامل في الصيانة.

تجربة المستخدم

• التليفزيون ضعيف في إمكانياته والمواصفات غير مطابقة، الدقة أقل من 4K UHD وخامات التصنيع ضعيفة والريموت استجابته سيئة ويعتبر غير منافس لأن سعره عالي.

شوف تليفزيون سمارت فريش- 55 بوصة- ليد- بدقة 4K UHD– 55LU731 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.