مراجعة تابلت Samsung Galaxy Tab A 7.0 – 2016
كتبت: ميّ نور
في كل مرة كنت بدخل فيها محلات للموبايلات مؤخرًا كنت بلاحظ وجود تابلت Samsung Galaxy Tab A 7.0 إصدار 2016 من أول المنتجات المحطوطة في ركن أجهزة التابلت، وده خلاني ألاحظ أد أيه مدى شعبية التابلت ده وانتشاره في الأسواق، وعشان كده حبيت النهارده إني أقدملكم مراجعة عنه وعن أهم مواصفاته ومميزاته وعيوبه، وأسعاره، عشان نقدر نفهم السر ورا انتشاره بالشكل ده في كتير من الأماكن، ولو عجبكوا التابلت وعاوزين تشتروه من غير لف ودوران كتير في المحلات ومقارنة الأسعار ما بين هنا وهناك، تقدروا من خلالنا في ياقوطة تعرفوا أحسن الأسعار ليه وتقارنوا بينهم وتطلبوه وهيوصل لغاية عندكم في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع
المواصفات
| الشاشة | البروسيسور | الرام | الكاميرا الخلفية | الكاميرا الأمامية | الميموري | البطارية | الأندرويد |
| ٧ بوصة | رباعي النواة | ١.٥ جيجا | ٥ ميجا | ٢ ميجا | ٨ جيجا | ٤٠٠٠ مللي أمبير | لولي بوب 5.1.1 |
المميزات
- التابلت بييجي مع زوايا وأطراف منحنية عشان تسهل استخدامه ويكون مريح في مسكته، وكمان حجم شاشته ٧ بوصة يعني هيكون أسهل في الاستخدام وأصغر في المساحة.
- التابلت بيدعم شبكات الجيل الرابع (4G) في الاتصالات.
- جودة الكاميرا الخلفية مش أحسن حاجة، ولكنها معقولة بالنسبة لسعر التابلت وإمكانياته.
- التابلت بيدعم تشغيل شريحة للمكالمات، ودي ميزة كويسة في حد ذاتها.
- شاشة التابلت كويسة بالنسبة لسعره وبتيجي بدقة عرض ٨٠٠ × ١٢٨٠ بكسل، وبتتمتع بدرجة إشراق معقولة تسمحلك تستخدم التابلت من غير مشاكل تحت أشعة الشمس.
- الشاشة بتدعم تقنية اللمس المتعدد علشان كده التابلت ممكن يشغل الألعاب بشكل كويس، وكمان حجمها كويس للي بيحبوا يتفرجوا على فيديوهات.
- التابلت بييجي مع إصدارين في البروسيسور، الأولى شرايح Snapdragon 410 من كوالكوم، والتانية Spreadtrum SC9830، والاتنين بيقدموا أداء مناسب جدًا.
- بطارية التابلت قوية جدًا وممكن تستمر ليوم كامل مع الاستخدام المتوسط، وتعتبر من أكتر الحاجات المميزة فيه.
- التابلت سعره مناسب بالنظر لقوة أداءه بطاريته وكونه من صناعة أكبر شركات الموبايلات في العالم، وهي سامسونج، وده كمان هيخليك تضمن صيانته بسهولة وإنك تقدر تصلحه لو حصل فيه أي مشكله، وكمان هتلاقي الإكسسوارات بتاعته بسهولة.
العيوب
- وزن التابلت تقيل جدًا للأسف ٢٨٣ جرام، وممكن يتعب الإيد مع كتر الاستخدام.
- التابلت بييجي مع هيكل بلاستيك مُعرض للكسر، وغالبا هتحتاج تشتريله جراب لحمايته.
- الرامات ١٫٥ جيجابايت، ودي تعتبر مساحة قليلة جدًا.
- جودة الكاميرا الأمامية ضعيفة جدًا.
- التابلت مش بيشغل ألعاب تقيلة علشان معالج الرسوميات بتاعه مش قوي.
- نظام تشغيل لولي بوب 5.1.1 بقى نظام قديم جدًا، ومع مرور فترة من الوقت عدد كبير من البرامج هتوقف دعمها للنظام ده.
- لو كنت مهتم بوجود راديو FM في التابلت، فللأسف الموديل ده مش بيدعم وجود راديو.
تجربة الاستخدام
- الشاشة بتاعة التابلت إضاءتها كويسة وتقدر تستخدمها تحت ضوء الشمس.
- استهلاكك للتابلت لو هيكون متوسط على قد تصفح الإنترنت وتشغيل بعض التطبيقات البسيطة، هيكون مناسب جدًا ليك، لكن في حالة الاستخدام المكثف مش هيقدر يؤدي بالشكل المطلوب وهيبتدي يهنج.
- ممكن تفتح فيس بوك وواتساب بسهولة من التابلت، وممكن تحمّل فيس بوك لايت هيكون أفضل ومش هيكون تقيل.
- التابلت هيكون مناسب جدًا لو إنت بتشتريه علشان طفلك يتعلم أو يلعب ويتسلى من خلاله.
- ما تتوقعش أي حاجة كويسة من الكاميرا.
- للأسف التابلت أداءه بيقل مع مرور فترة من الاستخدام.
- زي ما وضحنا قبل كده، البطارية من الحاجات المميزة في التابلت وممكن تستمر ليوم كامل مع الاستهلاك ما بين المتوسط والمكثف.
شوف تابلت Samsung Galaxy Tab A 7.0 إصدار 2016 من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
واجهتني مشكلة مع الزاكرة ما اقدر اسوي الزاكرة الخارجية تستقبل الملفات و كمان ما اقدر اثبت تطبيقات لان النظام واخد كل الزاكرة الداخلية
فيه برامج يا افندم مش بتبقل غير إنها تتحمل على الميموري الداخلية للموبايل أو التابلت
أما حل نقل الملفات تلقائي ع الميموري الخارجي فده من إعدادات الهاتف