مراجعة ومزايا وعيوب تابلت Lenovo Tab M7 الاقتصادي
كتب: خالد عاصم
من الصعب إنك تلاقي جهاز تابلت اقتصادي وكويس قادر يقوم بكفاءة بالمهام اللي المفترض يقوم بيها، وعشان كده دايمًا هتلاقي ناس بتقول لو عايز تابلت لازم تجيب تابلت غالي، بس القاعدة دي مش بتنطبق على كل الأجهزة الموجودة في السوق، ده غير إن احتياجاتنا مش زي بعضها، يعني ممكن تكون عايز تابلت عشان القراية والفرجة على الأفلام ودي حاجة مش محتاجة جهاز قوي أوي، وممكن كمان تكون عايز تابلت لأطفالك يكون مش غالي وأقوى شوية من الأجهزة المخصصة للأطفال، وفي الحالة دي هتكون مش محتاج لتابلت غلي أو قوي أوي.
ومن بين أجهزة التابلت اللي بتقدر تقدم أداء مقبول جدًا وبسعر تنافسي اقتصادي جدًا، تابلت Lenovo Tab M7 وهو ده اللي هنتكلم عنه النهاردة وهنتعرف على مميزاته وعيوبه بالتفصيل، ولو التابلت عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
تابلت Lenovo Tab M7
المواصفات
- أبعاد التابلت: ٨.٣ × ١٠٢.٩ × ١٧٦٫٣ مم
- وزن التابلت: ٢٣٦ جرام
- البناء والصناعة: هيكل وظهر من الألومنيوم بزجاج أمامي
- شريحة الاتصال: مدعومة من خلال شريحة واحدة في إصدار WiFi/3G
- الشاشة: شاشة IPS LCD بقطر ٧٫٠ بوصة بمعدل ١٦:٩ بتشغل حوالي ٧٦٫٠ في الميه من مساحة الموبايل الأمامية بدقة عرض ١٠٢٤ × ٦٠٠ بيكسل بكثافة ١٧٠ بيكسل لكل بوصة
- الأداء: بيعتمد التابلت على بروسيسور MediaTek MT8321 لإصدار واي فاي وبرويسيسور MediaTek MT8765B لإصدار واي فاي/3G والاتنين رباعية النواة بتردد ١٫٣ جيجا هيرتز والمعالجين مدمج فيهم معالج رسوميات Mali 400
- إصدارات الذاكرة العشوائية والداخلية: إصدار بذاكرة عشوائية سعتها ١ جيجابايت رام بذاكرة داخلية سعتها ٨ جيجابايت وإصدار بذاكرة عشوائية سعتها ١ جيجابايت رام بذاكرة داخلية سعتها ١٦ جيجابايت وإصدار بذاكرة عشوائية سعتها ٢ جيجابايت رام بذاكرة داخلية سعتها ٣٢ جيجابايت
- كروت الميموري: مدعومة من خلال منفذ مستقل
- نظام التشغيل: اندرويد ٩ باي للإصدار بذاكرة عشوائية ٢ جيجابايت رام واندرويد ٩ باي Go Edition لإصدار الذاكرة العشوائية ١ جيجابايت رام
- الكاميرا الخلفية: أحادية قوتها ٢ ميجا بيكسل وبتقدر تصور فيديو بجودة 720p
- الكاميرا الأمامية: أحادية قوتها ٢ ميجا بيكسل وبتقدر تصور فيديو بجودة 720p
- المنافذ: منفذ ٣٫٥ مم لتوصيل السماعات ومنفذ microUSB 2.0 للشحن ونقل البيانات
- راديو إف إم: متوفر
- المستشعرات: التسارع
- البطارية: غير قابلة للإزالة سعتها ٣٥٩٠ ميللي أمبير في الساعة
مزايا وعيوب تابلت Lenovo Tab M7
مزايا Lenovo Tab M7
- التابلت صناعته كويسه لأنه بيعتمد على الألومنيوم في صناعة الهيكل والظهر
- لو جصلت على إصدار 3G هتقدر توصل التابلت بالإنترنت من غير ما تحتاج توصله بالواي فاي
- وزن التابلت صغير وده بيخلي إمكانية حمله سهلة ومش متعبة
- ألوان شاشة تابلت Lenovo Tab M7 ممتازة وواضحة وتباينها عالي
- الشاشة بتستحوذ على نسبة معقولة من المساحة الأمامية وأفضل من الإصدارات السابقة من التابلت
- الإصدارات المتنوعة بتوفر اختيارات كويسه من التابلت
- التابلت بيقبل كروت الميموري من خلال منفذ مستقل
- سعر التابلت أهم ميزة فيه وده اللي بيخليه مناسب لعدد من المستخدمين
- التابلت في راديو إف إم
- بطارية التابلت على مستوى الأرقام محدودة وزي كتير من الموبايلات بس أداءها مع التابلت معقول جدًا ومفيهوش مشاكل
عيوب Lenovo Tab M7
- التابلت مش بيتميز بأي حماية لا للشاشة ولا ضد المياه
- قطر تابلت ٧ بوصة مبقاش حاجة مناسبة أوي دلوقتي خصوصًا إن الموبايلات نفسها وصلت لأقطار كبيرة حاليًا
- دقة عرض الشاشة ضعيفة بشكل واضح جدًا ومش مناسبة إطلاقًا لعرض أي محتوى عالي الجودة
- وضوح ودقة الشاشة ضعيفة جدًا في الإضاءة المحيطة العالية وصعب جدًا استخدامه في ضوء الشمس المباشر
- بروسيسور التابلت محدود القوة وقدراته محدودة جدًا وده بيخلي كافي بس للمهام الأساسية وماتتوقعش منه أكثر من كده
- الرامات قليلة وأقل من موبايلات أغلى بحاجة بسيطة وشاشتها أكتر من ٦ بوصة يعني مش بعيدة أوي
- الكاميرات الأمامية والخلفية لتابلت Lenovo Tab M7 ضعيفة جدًا والصور اللي ممكن تاخدها بيها أقل من أي مقاييس ممكن توفرها الموبايلات حتى الاقتصادية منها
- التابلت مفيهوش ماسح بصمة ولا أي مستشعر تاني غير مستشعر التسارع
- التابلت بيعتمد على منفذ microUSB
- إصدار بلوتوث قديم
- مفيش نظام صوت ستريو
اتعرف على عروض أسعار تابلت Lenovo Tab M7 من هنا.
اتعرف على عروض أسعار مختلف أجهزة Lenovo المتوفرة على ياقوطة من هنا.
اتعرف على عروض أسعار مختلف أجهزة التابلت المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.