جهز شنطة رمضان بأقل سعر وأعلى جودة من ياقوطة
كتب: فريق الموقع
شهر رمضان المعظم، مش بس شهر الصيام والصلاة والتعبد. فيه مجموعة من العادات الاجتماعية الجميلة زي تبادل شنطة رمضان مع أهلنا وحبايبنا. أو حتى الناس اللي بنحبهم ونحب نعمل لهم هدية مُعتبرة تتناسب مع احتياجات الشهر الكريم. شنطة رمضان زي ما هي مهمة لبيوتنا علشان نستهلك المواد الغذائية بتاعتها خلال الشهر، هي كمان هدية قيمة لأهلنا وأصحابنا، بالاضافة لأن ناس كتير بتستعملها كطريقة لمساعدة الأخرين من خلال المود الغذائية اللي بتبقى موجودة فيها
تعالوا نتعرف مع بعض على أهم العناصر اللي هاتبقى موجودة في شنطة رمضان ٢٠٢٣ مع ياقوطة راعينا في شنطتنا أنها تكون متنوعة من حيث الأنواع والأسعار. وأنها تكون مناسبة لكل فئات المجتمع المصري. بحيث دايما هاتلاقي المنتج المناسب لك بالسعر المناسب. كل ده بجودة ممتازة. لأن في النهاية يهمنا أن المنتجات اللي هاتدخل بيوتنا تكون منتجات عالية الجودة ويمكن الاعتماد عليها دائما.
ولأننا يهمنا تشتروا شنطة رمضان الأحلى والمناسبة لذوقكم، ياقوطة هتقولك على أفضل مكونات شنطة رمضان في ٢٠٢٣ ولو عجبك أي حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.
بنفكرك إنك ممكن تشتري شنطة رمضان من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
إمتنان عسل سدر جبلي كشميرى
- من قديم الأزل وحتى اليوم. يعتبر عسل النحل الطبيعي، واحد من أحسن مصادر الطاقة الطبيعية. بالاضافة لكونه علاج لكتير من الأمراض ووقاية من أمراض تانيه لا تعد ولا تحصى
- أنواع عسل النحل كتيره جدا. لكن عسل السدر الجبلي يعتبر واحد من افضل – وأغلى – أنواع العسل حوالين العالم. لفوايده الضخمة
- في السحور مع كباية زبادي، او في الفطار قبل النزول لصلاة التراويح، يعتبر عسل النحل الطبيعي واحد من الأطعمة الموصوفة من خبراء التغذية لكل الناس تقريبا.
- أما مع الأطفال. يعتبر عسل النحل واحد من أكتر العناصر اللي بيحتاجها أجسامهم للنمو. لأن الاضافات الغذائية اللي فيه وفوائدها مهمة جدا لنمو الأطفال بشكل طبيعي بعيدا عن الأمراض
- امتنان واحدة من أفضل الشركات اللي بتقدم أطعمة موثوق في جودتها. احنا فاهمين أن أسعارها مش أقل سعر في السوق.
- لكن في المقابل بتحصل على جودة يمكن الوثوق فيها وتعتبر قيمة ممتازة مقابل المال وكمان تقدروا تشوفوا باقي العروض على عسل النحل من شركات تانيه واسعار مختلفة.
شوف عروض عسل النحل على ياقوطة من هنا.
فول مدمس بالطحينة امريكانا ٤٠٠ جرام
- مهما كان مستواك المادي والاجتماعي.. الفول المدمس هو واحد من أحلى الأطعمة اللي بيكون لها مكان دايما على سفرة رمضان
- سواء على الفطار لو عاوز طبق جانبي يفتح نفسك. أو كوجبة أساسية تضمن انك ما تحسش بأي جوع. الفول هو واحد من أحلى الأكلات في رمضان بلا منازع. ومش بتخلو شنطة رمضان منه بحال من الأحوال
- أما على السحور. يعتبر طبق الفول واحد من أحلى الوجبات وأكترها قدرة على سد الجوع في يوم الفطار التالي. ومع شوية طحينة أو (تحابيش) مكونة من البهارات والشطة أو الطماطم. بنضمن لكم الحصول على وجبة كاملة العناصر بسعر مناسب.
- وسواء بتعمل شنطة رمضان علشان حبايبك. أو علشان تطلعها للمحتاجين لها. أو حتى علشان بيتك. الفول المدمس هايفضل لاعب أساسي في فريقك
شوف عروض الفول المدمس على ياقوطة من هنا.
أرز مصري أبيض 5 كجم
- زي ما اتكلمنا على الفول كلاعب اساسي في شنطة رمضان. الارز هو كمان لاعب لا يقل أهمية عنه. وبيدخل في ٩٩٪ من عناصر سفرة رمضان
- بالاضافة أنه ممكن يتم طبخه لوحده. هو كمان عنصر اساسي في أكلات بنحبها كلها زي المحاشي، كفتة داوود باشا، وأكلات تانيه كتير
- الميزة في منتجات (الحانة) أنها منتجات اورجانيك. يعني طبيعية تماما وتعتبر الأمن والأفضل لعائلتك لأن كل خطوات صناعة الأرز بداية بالزراعة ونهاية بوصولها للمستهلك النهائي
- وحتى لو كنت بتشتري الأرز لاستخدامك الشخصي أو علشان تضعه ضمن شنطة رمضان لحبايبك أو لأي حد تاني، هايفضل الأرز الابيض واحد من أحلى وأهم الأكلات اللي لا غنى عنها في أي كارتونة أو حقيبة رمضانية.
شوف عروض الارز الابيض على ياقوطة من هنا
زبادي لاكتيل الطبيعي
- إسألوا ربات البيوت.. اسألوا الشباب اللي بتنزل تجيب سحور في أخر ليلة من ليالي شعبان.. إسألوا المتسوقين في المولات والعجائز حول نار المدفأة والحطابين في روما! كلهم هايقولوا لكم أن الزبادي وجبة لا غنى عنها على السحور
- وفي الفطار كمان. الزبادي بيلعب دور مهم في بعض أنواع السلاطه. وكعنصر مرطب اساسي ومانع للحموضة في الأيام اللي الأكل فيها بيكون تقيل.
- الأطباء بينصحوا بيه للأولاد الصغيرين وكبار السن على حد سواء، علشان الكالسيوم الموجود في لبن الزبادي يعتبر عنصر أساسي في تكوين العظام. كمان بيساعد على عدم الشعور بالعطش في ساعات الصيام الطويلة.
- شركة لاكتيل شغالة في السوق المصري من وقت طويل جدا. عارفه تقدم جودة ممتازة مقابل سعر مقبول. وكل فترة بتعمل عروض خاصة لشراء الكميات. وده بيخليها الشركة المناسبة للأسر اللي عددها كبير أو عاوزه تشتري بكميات كبيرة أنها تعمل توفير كويس.
شوف عروض الزبادي على ياقوطة من هنا.
شاي العروسة ناعم 250 جرام
وأخيرا مع الصديق الوفي لكل مواطن مصري وعربي.. الشاي.
- وأخيرا مع الصديق الوفي لكل مواطن مصري وعربي.. الشاي.
- مش بس مشروب سعره رخيص وبيساعد الناس اللي عاوزه تسهر. ده كمان يعتبر المشروب الشعبي في مصر.
- شاي العروسة قدر يثبت نفسه من سنة ١٩٨٩ تقريبا والناس متعوده على شاي العروسه. سواء بعد الفطار او بعد السحور أو بين الفطار والسحور.
- يعتبر الشاي المنتج الأساسي في كل شنط رمضان وكراتينه. سواء كان الغرض الاستعمال الشخص أو الاهداء أو حتى التوزيع على المحتاجين. الشاي يعتبر منتج أساسي. خاصة شاي العروسه المسئول الأول عن عدلة مزاج المواطن المصري
- الميزة في الشاي أن فيه ألف طريقة يتعمل بيها. لو مزاجك خليجي ممكن تضيف عليه الهيل أو الحبهان. في مصر مشهور بتناوله مع اللبن. وممكن كمان يتحط فيه بسكوت أو بقسماط. (السقسقه) بس بنحذرك من دلوقت من حوادث غرق الحاجات دي في الكباية لأني دي مشكلة مشهورة كلنا بنقع فيها.
شوف عروض الشاي على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.