كتبت: منى عوض

من المعروف إن أدوات تقطيع الطعام بشكل عام تُعتبر أدوات مثالية وسهلة وسريعة الاستخدام بالنسبة للأشخاص اللي بيحبوا يقطّعوا الأكل بسرعة أو اللي بيحبوا ياكلوا الفاكهة أو الخضروات – على سبيل المثال – بشكل منتظم، فمعظم الأدوات دي بتشتغل من غير الحاجة لاستخدام كهرباء، ده غير إنها سهلة الاستخدام والتنظيف بشكل آمن جدًا.

وعشان ياقوطة دايمًا بتهتم براحتكم وسعادتكم، هنعرض عليكم مجموعة مختلفة من  قطّاعات الطعام  اللي هتوفّر عليكم وقت ومجهود كبير في تقطيع الأكل، ده غير إننا هنساعدكم كمان في معرفة أماكن بيع القطّاعات دي وأسعارها ومواصفاتها، ولو عجبكم حاجة منهم وحابين تشتروها تقدروا تطلبوها من خلالنا وهتوصلكم لحد باب البيت في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

قطّاعة البطيخ

قطّاعة البطيخ هي آلة مثالية لتقطيع أنواع معينة من الفواكه، زي البطيخ والأناناس والكنتالوب، وده بسبب احتوائها على سكينة قوية وحادة مصنوعة من الاستانلس ستيل «معروف كمان باسم الفولاذ المقاوم للصدأ»، واللي بدورها بتمكّنك من تقطيع الفاكهة بسهولة وسرعة كبيرة عن أي سكينة تانية عادية.

وإذا كنت عايز تحافظ على نظافة إيديك ومطبخك، هتلاقي إن القطّاعة دي بتوفرلك إمكانية تقطيع الفاكهة بشكل متساو من غير ما تحتاج تمسكها بإيدك أو تبهدل المكان، وبالتالي احتياجك للتنظيف بعد التقطيع هيقل.

وممكن تغسل القطاعة فى غسالة الصحون بشكل آمن من غير ما تسبب أي أضرار للغسالة، ده غير أنها مزودة بإيد ذات تصميم مريح ومميز عشان تعرف تمسكها وتستخدمها بسهولة، وفي الوقت نفسه مصنوعة من غير حواف حادة وده بيخليها آمنة الاستخدام تمامًا‏.‏

شوف قطّاعة البطيخ من هنا.

قطّاعة الموز

دلوقتي ممكن تعمل الفروت سلاط بشكل مُبهر وأنيق وممكن تزيّن كمان التورتة بشرائح الموز اللذيذة سهلة الأكل، وده من خلال قطّاعة الموز، اللي بتساعدك في تقطيع الموز على شكل شرائح متساوية بسهولة وسرعة ويسر وأمان عن السكينة العادية، وده عشان سهولة استخدامها وتميزها بسلاح تقطيع مصنوع من الاستانلس ستيل.

شوف قطّاعة الموز من هنا.

قطّاعة المانجو

مين فينا ما بيحبش المانجو ومين فينا ما بيبهدلش الدنيا وراه وهو بياكلها؟ دلوقتي تقدر تشيل بذرة المانجو الكبيرة الحجم وتقطع ثمرة الفاكهة إلى نصين بضغطة واحدة بسيطة وده من خلال قطّاعة المانجو، اللي بدورها بتحتوي على شفرات مصنوعة من الاستانلس ستيل الحاد والمتين والقابل للتنظيف بسهولة وأمان في غسالة الأطباق. وبتتميز قطّاعة المانجو كمان بمقابض ناعمة ومريحة ومضادة للانزلاق وده عشان تقدر تستخدمها بسهولة وأمان.

شوف قطّاعة المانجو من هنا.

قطّاعة الأناناس

ناس كتير بتحب فاكهة الأناناس بس دايمًا بتواجه مشاكل في تقطيع ثمرة الفاكهة دي، دلوقتي تقدروا تودعوا أي صعوبات بتواجهكم في تقطيع الأنانس مع القطاعة اللي هتساعدك في تقشير وتقطيع الأناناس على شكل شرائح متساوية خلال ثواني قليلة.

هتلاقي كمان إن قطّاعة الأناناس بتمتاز مقبض بلاستيكي بيسهل عملية التقطع، ده غير إنها مصنوعة من الاستانلس ستيل المقاوم للصدأ اللي بدوره خلّاها سهلة التنظيف وخفيفة الوزن وشكلها جميل، كمان هتلاقيها بتساعد في نظافة المكان وما بتسبّبش أي فوضى وده عشان احتفاظها بالعصير المسرّب من الفاكهة خلال التقطيع.

في ظل كل المميزات دي هتلاقي إن كل اللي ممكن تعمله هو قطع رأس ثمرة الأناناس وبعدين تحطها على سطح مستوى وتحط فوقها رأس القطّاعة اللي بيتم تحريكها بشكل دائري لأسفل وبمجرد ما توصل لآخر ثمرة الفاكهة اسحب القطّاعة واستمتع بالأناناس المقطع الشهي.

شوف قطّاعة الأناناس من هنا.

قطّاعة التفاح

دلوقتي هتقدر تاكل التفاح بكل سهولة وبدون عناء الحاجة لإخراج البذور من التفاحة، وده مع قطّاعة التفاح اللي هتوفرلك إمكانية تقطيع التفاح على شكل شرائح متناسقة، نظرًا لاحتوائها على شفرات مصنوعة من الاستانلس ستيل الحاد والمقبض الواسع اللي بيسمحلك تقطيع التفاحة بضغطة إيد‏‏.‏‏

شوف قطّاعة التفاح من هنا.

قطّاعة البيض

من المعروف إن البيض يُعتبر وجبة مثالية لا غنى عنها، عشان كده قررنا في ياقوطة نوفرلك قطاعة البيض اللي بتساعدك في تحضير السلطات والأطباق الجانبية، من خلال تقطيع البيض بطريقتين مختلفتين. وبتتميز قطّاعة البيض بسكينتها الحادة وإمكانية استخدامها لفترة طويلة، ده غير إنها سهلة التنظيف وآمنة على غسالة الصحون.

شوف قطّاعة البيض من هنا.

قطّاعة الطماطم

لو كنتي بتعاني من فكرة تقطيع الطماطم أو إنها بتاخد وقت في تقطيعها، دلوقتي بقى قدامك الحل الأسرع والأسهل وهو قطّاعة الطماطم اللي بدورها بتساعدك في تقطيع الطماطم على شكل شرائح متساوية السماكة بحركة واحدة سهله من خلال شفراتها الحادة المصنوعة من الاستانلس ستيل المقاوم للصدأ.

وتُعتبر قطّاعة الطماطم المصنوعة من البلاستيك واحدة من القطّاعات سهلة الاستخدام، ده غير إن ممكن تستخدمها في تقطيع بعض الخضروات التانية، زي البطاطس والبصل وغيرها.

شوف قطّاعة الطماطم من هنا.

قطّاعة الخيار

دلوقتي كمان ممكن تلجأ لاستخدام قطّاعة الخيار عشان تحصل على خيار بشكل لولبي، وده من خلال الشفرات الحادة المصنوعة من الاستانلس ستيل المقاوم للصدأ واللي بدورها بتسهّل استخدام القطّاعة وبتوفر عليك وقت كبير في تقطيع الخيار.

شوف قطّاعة الخيار من هنا.

قطّاعة الثوم والبصل

على عكس كسّارات الثوم العادية، هتلاقي إن قطّاعة الثوم بتساعدك في تقطيع الثوم والبصل كمان إلى أجزاء صغيرة جدًا مع احتفاظ الثوم بكل الزيوت الطبيعية اللي بيحتوي عليها، وده بيتم من خلال شفرات الاستانلس ستيل الحادة والمقاومة للصدأ اللي بتتمتع بيها القطّاعة واللي بتوفر إمكانية التقطيع بسهولة ويسر وأمان وخلال عدد من الثواني.

شوف قطّاعة الثوم والبصل من هنا.

عصّارة وبخّاخ الليمون

دلوقتي هتقدر تعصر الليمون لحد آخر نقطة فيه من غير اختلاطه بأي بذور أو شوائب، من غير الحاجة إلى عصره باستخدام عصّارة الليمون.

ده غير إنك ممكن تستخدم عصّارة الليمون الجديدة المصنوعة من البلاستيك كبخّاخ يدوي مكون من قطعتين، فبضغطة واحدة بس هتقدر ترشّ العصير الحامض على أكلاتك المفضلة.

شوف عصّارة وبخّاخ الليمون من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.