هتعملى المكرونة ازاى انهاردة؟ مكرونة بصوص أحمر ولا مكرونة بصوص أبيض؟

طب ما ايه رأيك تغيرى و تعملى حاجة مختلفة و سهلة المرة دى؟ مكرونة الجمبرى و الفراخ سهلة أوى انك تعمليها و طعمها حلو و هتعجبك.

المقادير

– 500 جرام مكرونة مسلوقة – فارفلي (اللى شبه فيونكة) أو الحلزونية

– 1 بصلة متقطعة

– 4 فصوص ثوم مفرومين

– 2 طماطم متقطعة

– 100 جرام فراخ متقطعة

– 100 جرام جمبرى مجمد

– كوباية كريمة الطبخ

– 1 معلقة صغيرة بابريكا (فلفل أحمر مطحون)

– ملح و فلفل

الطريقة

– حطى البصل على النار بمعلقة زبدة و قلبى لحد ما يطرى و بعدين زودى الثوم و قلبى شوية لحد ما لونه يتغير و بعدين زودى الطماطم و قلبى كمان لحد ما تطرى

– زودى الفراخ و قلبى شوية لحد ما لونها يبيض و بعدين سبيها لحد ما تستوى و بعدين زودى الجمبرى

– زودى الكريمة و البابريكا و الملح و الفلفل و دوقى و اظبطى الطعم

– هاتى طبق تقديم حطى فيه المكرونة و فوقيها الصوص اللى حضرتيه و بقى عندك مكرونة زى بتاعة المطاعم فى نص ساعة.

الأدوات المستخدمة

– Nicer Dicer

– Garlic Pro