دليل ياقوطة لنضارة الشمس المظبوطة

ازاي-تختار-نظارة-شمس

كتبت: صفاء مجدي

الصيف داخل والشمس شادة حيلها علينا اليومين دول والواحد مش حمل بهدلة، فافتكرت اني معنديش نضارة شمس وقررت انزل اشتري واحدة من من دواعي الشياكة والأناقة لكني مكنتش متخيلة إن نضارات الشمس ليها أهمية تانية غير الشياكة والاناقة، بس لما دورت شوية عرفت إن نضارات الشمس بتحمي العين والمنطقة اللي حواليها من مخاطر الأشعة الفوق بنفسجية اللي عيوننا مش بتشوفها لكنها بتسبب ضرر كبير على المدى البعيد. والمدهش إن اصحاب العيون الملونة بتكون عيونهم حساسة أكتر للأشعة فوق البنفسجية من اللي عيونهم غامقة، عشان كدا ياقوطة هتساعدكم تعرفوا الفرق بين النضارات الشمس.

مين أول من ارتدى النضارات الشمسية؟

  • يقال إن أول من استخدم النضارات الشمسية  كان في الإسكيمو ووقتها صنعوها من العاج.
  • في 1300 قبل الميلاد، ارتدى القضاة في الصين النضارات لاخفاء العيون عند استجواب الشهود.
  • يُعتبر أول ظهور تجاري للنضارات الشمسية بين الناس كان في عام 1929 م بواسطة «سام فوستر» اللي بدأ يبيع النضارات الشمسية على شواطيء ولاية اتلانتك في نيو جيرسي.
  • مع الوقت وفي عام 1936 بدأت تستخدم راي بان العدسات المستقطبة في النضارات.

ليه النضارة الشمس مهمة؟

  1. منطقة الجلد اللي حوالين العين منطقة رقيقة وحساسة جدًا، زي ما بنستخدم كريم واقي للشمس لحماية جلدنا من أشعة الشمس، النضارة الشمسية برضه بتحمي عيوننا والجلد اللي حواليها.
  2. كمان التعرض للشمس لفترة طويلة بالنهار بيضعف الرؤية بالليل؛ عشان العين بتكون اتعودت على درجة معينة من الضوء داخلة لها والأمر ده خطير خصوصًا للناس اللي بتسوق بالليل.
  3. نضارة الشمس بتحمي العيون من الأتربة وخصوصًا أيام الربيع اللي الهوا بيكون فيها شديد ومحمل بتراب ناعم جدًا ممكن يؤذي العيون.

لما عرفت كل الفوايد دي اتشجعت أكتر إني اشتري نظارة شمس كويسة، لما نزلت شوفت في المحلات أشكال وألوان وموضة نضارات الشمس السنة دي هي رسمة عين القطة والعدسات المتزينة بوردات وأشكال مختلفة مع وجود الأشكال التانية من النضارات زي المدورة  والمربعة  ونظارات الـ aviator

حدد شكل وجهك ( قبل شراء النضارة)

كل شكل من دول له رسمة وش مناسبة وقبل ما تنزل تشتري نضارتك الجديدة لازم تحدد الأول شكل وشك. ياقوطة النهاردة هتساعدك في المهمة دي، عشان تعرف شكل وشك بالظبط اقف قدام المراية ورجع شعرك لورا تمامًا وحدد على المراية شكل وشك بقلم ماركر أو صباع روج أو حتى صابونة، وبعدين ارجع لنا وشوف الأشكال الأساسية للوشوش عشان تتعرف على شكل وشك والنضارة المناسبة.

دليل-شراء-نضارة-شمس

اعرف النضارة المناسبة لشكل وجهك

بمجرد ما تحدد شكل وجهك شوف الجدول التالي هيساعدك تتعرف على نضارتك الجديدة، وبشكل عام اختار شكل النضارة اللي مخالف لشكل وجهك مثلًا يعني المدور يليق عليه المربع وهكذا.

شكل الكمثرى المستطيل شكل جوهرة شكل القلب المربع المستدير البيضاوي
 ———–  النظارات المربعة  النظارات المربعة النظارات المربعة  ———  النظارات المربعة  النظارات المربعة
 النظارات الـ aviator  ———–  ———— ———–  النظارات الـ aviator  ———

 النظارات الـ aviator

 نظارات عين القطة  ———-  نظارات عين القطة  نظارات عين القطة   ———  نظارات عين القطة  نظارات عين القطة
 ———-  ———-  ———-  ———-  النظارات المدورة    ———-  النظارات المدورة
النظارات المستطيلة النظارات المستطيلة  ———-  ———-  ———-  ———-  النظارات المستطيلة

عن أنواع النضارات الشمس

عدسات زجاج

  •  تتميز العدسات الزجاج أنها ذات نقاء عالي وغير قابلة للخدش، تحمي من الأشعة فوق البنفسجية، يتوفر منها أعلى درجات العدسات المضغوطة.
  • عيوب العدسات الزجاج أنها ممكن تتكسر بسهولة، وبتحس إنها ثقيلة شوية.

عدسات بلاستيك

  • تتميز العدسات البلاستيك أخف وزن من العدسات الزجاج، بيتوفر منها عدسات مضغوطة، عالية النقاء ممكن تنافس الزجاج.
  • عيوبها: قابلة للخدش وقابلة للكسر لكنها أقل قابلية للكسر من العدسات الزجاج، فقط العدسات البلاستيك المضغوطة هي التي تحمي من الأشعة فوق البنفسجية.

عدسات بولي كربونيات

  • تتميز عدسات بولي كربونيات أنها قوية وصعبة الكسر ومقاومة للخدش، تحمي من الأشعة فوق البنفسجية.

نصايح عامة

  • كمان خللي بالك من درجة غمقان العدسة واختار اللي يناسبك على حسب استخدامك.
  • من العدسات العملية جدًا اللي بتكون غامقة في نصها اللي فوق وبتتدرج  للدرجة الأفتح.
  • وأخيرا نصيحة ياقوطة هو إنك تحاول قدر الامكان تشتري نظارة أصلية عشان توفر حماية حقيقية لعيونك.

ولأن ياقوطة عارفة إن صعب تلاقي نضارة شمس أصلية بسعر معقول فبننصحك تدخل على ياقوطة وتقارن وتشوف آخر أسعار وموضة النضارات لصيف 2016.

5 thoughts on “دليل ياقوطة لنضارة الشمس المظبوطة”

  1. امجد says:

    جميل

  2. أسعار النظارات الشمس

  3. Ahmed says:

    ممكن تبعتيلي اخر الاسعار والاشكال للنظارات

  4. samira says:

    طيب بالنسبه للمحجبات احدد ضكل وشى بالحجاب و لا من غير ؟

  5. كريم says:

    فين آخر الأسعار
    في محلات بتاعه نظارات في بعدين الحاجات دي اصليه ولا؟

Leave a Reply to كريم Cancel reply

Your email address will not be published. Required fields are marked *