دليل ياقوطة لسماعات الرأس

Headphones-Guide

كتب محمد عويس وترجمة دينا أمير

المقال دى كتبتها للمتسوقين اللى بيدوروا على سماعات رأس بجودة صوت لائقة مع سعر مقبول وغير مبالغ فيه. حاولت أقدم لكم تجربتى وخبرتى مع تجربة  أنواع  كثيرة ومختلفة من سماعات الرأس. لو بتحب تستعمل سماعات الرأس وبتصرف عليها فلوس كتير يبقى المقالة دى هتفيدك جدا لأنها هتعرفك الماركات والموديلات اللى فيها أحسن جودة و فى نفس الوقت سعرها معقول لأن دلوقتى بقت المشكلة فى الموديلات اللى سعرها عالى جدا و جودة الصوت سيئة بس للأسف كتير منها بقى موضة. طبعا ده غير الموديلات اللى بتتباع فى أى مكان و سعرها 100 جنيه مثلا. لأن فى كلا حالتين مش هتاخد جودة الصوت اللى أنت عايزها و عشان كده ياقوطة من خلال الموضوع دا هتقدملك الموديلات اللى هتديك جودة صوت جيدة و سعرها مش هيخليك تفلس.

On-ear/Over-ear Headphones

اختيار السماعات دى بيكون هدفه انك تحصل على أجود صوت ممكن سواء فى البيت أو فى الشغل و لأن حجمها كبير بيكون صعب انك تستعملها وأنت مثلًا بتتمشى أو سايق. أهم فايدة للنوع دا أنك تسمع صوت جودته عالية وفى نفس الوقت تعيش معاه لأن كتير منهم بيعزلك عن الأصوات اللى حواليك سواء بتشوف فيلم أو بتسمع أغانى فأنت بتعيش معاهم أوى و بتدخل فى المود جامد. غير كده أغلبهم بيكون مبطن عشان ما يوجعش ودنك و ممكن تفضل تسمع بيه لساعات من غير ما يعملك صداع أو ألم فى ودانك.

العيوب: هو صوتهم العالى خصوصا لو On-ear و بتسمع بيها فى المكتب هتدايق زميلك اللى معاك فى نفس الغرفة.

اقتراحات: لو عايز سماعات On-ear و سعرها يكون مقبول يبقى Philips’ SHP1900 هى اختيارك المثالى: طرحت فى السوق سنة 2011 من مميزاتها إن جودة الصوت كويسة ومتوازنة ده غير أن جودته عالية سعره اعلى من 100 جنيه بحاجة بسيطة. العيوب: السماعة نفسها حجمها مش كبير و نظرا انها On-ear فهى لازم على قد الودن و ده بيخليها مش مناسبة لو حد حجم ودنه كبير. غير كده تركيبتها بتخلى الناس اللى حواليك يسمعوا أنت بتسمع ايه و ده بيكون مزعج ليهم ومحرج ليك. لو عايز حاجة على الموضة أكتر يبقى موديل Philips‘ اللى بعده SHP2500 شكله أحلى وأجدد وفى امكانية التحكم فى الصوت و أغلى 50 جنيه بس. ممكن بردو يعجبك Sony’s MDRZX110 موديلها أجدد شوية و بيجى معاها ميكروفون و هى قابلة للطى عشان تاخدها معاك فى أى مكان بطريقة سهلة. السماعة دى جودة الصوت بتاعتها عالية و تكاد تنافس أعلى السماعات جودة و بأقل من 200 جنيه مصرى.

هتلاقى Philips SHP1900 هنا و سعرها بيبدأ من 104 جنيه مصرى.

هتلاقى Philips SHP2500  هنا و سعرها بيبدأ من 165 جنيه مصرى.

هتلاقى Sony MDRZX110  هنا و سعرها بيبدأ من 177 جنيه مصرى.

Sennheiser  معروفة بصناعة معدات التسجيل و الاستوديوهات بتنقية و جودة عالية و السماعة دى تتوافق تماما مع سمعتهم الهايلة. Sennheiser HD201 بداية انتاجهم للمعدات الـ HD . السماعة دى هتكون مناسبة ليك لو بتحب جودة صوت عالية أو بتحب تتفرج على أفلام فى البيت من غير ما تزعج أهلك أو جيرانك و سعرها 280 جنيه مصرى. عزل الصوت طبيعى جدا (جرب تسمع و أنت مغمض عينيك) هتحس بمدى توازن الصوت.

هتلاقى Sennheiser HD201 هنا و سعرها 237 جنيه مصرى.

بعض الناس مش بتحب صوت السماعة دى و بيعتبروه ضعيف و فى صوت سسسسسس غريب و ده بيضايق خصوصا لو بتتفرج على فيلم أكشن. فى أوقات كتير بيخرج الصوت لبره منها ودا مع النوع HD201 ودا  يمكن يضايق أى حد قاعد بجانبك حتى لو الصوت متوسط. لو عندك قابلية لدفع أكتر من 400 جنيه، يبقى فكر تشترى Sennheiser’s HD203 تتميز بجودة صوت عالية مقارنة بـ HD201 و مريحة أكتر بالنسبة  لودانك و راسك عشان مبطنة أحسن و ده مهم لو هتستخدمها لساعات طويلة.

هتلاقى Sennheiser HD203 هنا ب 434 جنيه مصرى.

Daily earbuds

الـ Ear buds عملية خصوصا  لو عايز تسمع و أنت فى أى مكان حتى و أنت ماشى. Panasonic’s RPHJE190A جودة الصوت أعلى من المتوسط و Bass قوى بـ 154 جنيه. طبعا جودتهم مش عالية زى الـ Sennheiser’s CX300 الموديل ده جودة الصوت وهمية توزيع صوت هايل وتعيشك فى الجو لدرجة أنك تنسى أنك لابس سماعات و مريحة أنك تستخدمها لساعات طويلة. وبيجى معاها Rubber cups زيادة بمقاسات مختلفة عشان تناسب كل الناس وتكون مرتاح تماما و أنت بتسمع بيها. سعرها أزيد حاجة بسيطة عن 300جنيه.    ear buds اختيار مناسب  لكل اللى بيهتم فى الحصول على جودة صوت نقية للاستماع إلى الموسيقى. لو بتحب تقرأ أكتر عن الموضوع ده و تشوف موديلات ومقارنة بال CX300 ممكن تقرأ المقارنة دى و لكن لازال ال CX300 أحسن لكن يمكن يكون ليك وجهة نظر مختلفة.

هتلاقى الـ Panasonic RPHJE190A هنا بـ 154 جنيه مصرى.

هتلاقى الـ Sennheiser CX200 هنا بـ 280 جنيه مصرى.

Wireless Bluetooth headphones

و اخيرا لو بتدور على سماعة سعرها مش غالى و فيها تقنية بلوتوث اللاسلكية يبقى الـ Avantree Jogger  أو   Sweat – Proof هم خيارك المناسب. ممكن طيها غير إنها موديل In-ear رغم إن شكلها on-ear وهى مصممة أصلا عشان تكون مريحة وخفيفة لو حد بيستخدمها وقت التمرين لأنها بتكون ماسكة كويس على الرأس من غير ما تخليك مش مرتاح ده غير أنها مش هتبوظ من العرق. جودة الصوت أعلى من المتوسط و فيها ميكروفون واتصال بلوتوث فعال مقارنة بأنواع كثيرة منتشرة. كمان في امكانية استقبال مكالمات عن طريق زر متعدد الوظائف. بطاريتها هتعيش معاك كذا يوم فى حال عدم الاستخدام المتواصل وسعرها اقل من 400 جنيه . بنفس السعر ممكن تشوف موديل Soundpeats’QCY حديثة أكتر وبردوا معاها خاصية  بلوتوث و In-ear و شكلها أصغرمن الـ Avantree و صوتها جودته كويسة. ميزتها إنها بتملى ودانك و بتفصلك عن العالم الخارجى وقت التمرين وسواء كان ده حلو أو وحش فهو فى الآخر بيختلف من ذوق شخص للتانى و طبقا لجودة الصوت كمان. مشكلتها أنها مش ثابتة زى الـ Avantree و هتحتاج تعدلها وأنت بتجرى.

هتلاقى الـ Avantree Jogger  أو Sweat – proof wireless Bluetooth headphones هنا بتبدأ من 349 جنيه مصرى.أو الـ Soundpeats هنا بنفس السعر.

طبعا فكرة أنك تشترى سماعات رأس جديدة من غير ما تجربها الأول ، طبعًا الفكرة غريبة خصوصا إن معظم المحلات كمان مش بتيح امكانية تجربة السماعات قبل الشراء.  لو لسه مش مقرر عايز تشترى موديل ايه يبقى لازم تروح محل و تشوف لو فيه قطع معروضة للتجربة الأول وساعتها تجرب و تقارن بسماعة موبايلك. لو لسه مش عارف تختار يبقى CX300 احسن سماعة سعرها مقبول.

على www.yaoota.com  هتقدر تدور على كل اللى نفسك فيه و تقارن اسعار و تشترى و الحاجة هتجيلك لحد باب البيت فى خلال كام يوم بالكتير.

Leave a Reply

Your email address will not be published. Required fields are marked *