كتبت: منى عوض

مفيش شك إن المكنسة الكهربائية اختراع عظيم ومريح، بس مكنسة البخار اختراع أعظم كمان لأنها مش بتسهم في نظافة المنزل وبس لأ دي بتساعد كمان في القضاء على أي بكتيريا أو فيروسات دون استخدام أي منظفات أو مواد معقمة.

ولأن عملية الاختيار بتحتاج في العادة عناية وبحث وتدوير، ياقوطة هتقولك إزاي تختار مكنسة البخار الأنسب. وهنقولك كمان مزاياها وعيوبها وهنعرفك الفرق بينها وبين المكانس الكهربائية العادية.

بنفكرك إنك ممكن تشتري مكنسة البخار من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

طريقة اختيار مكنسة البخار

• شكل المكنسة وحجمها أحد العوامل اللي ناس كتير بتختار على أساسها. خاصة أن مكنسة البخار فيه منها شكلين الأول شبه المكانس العادية والتاني شبه الممسحة وليه إيد طويلة سهلة الاستخدام.
• ضروري تشوف حجم خزان المياه. ويُفضل طبعًا إنه ميكونش صغير قوي عشان متضطرش إنك تملاه كل شوية أو بشكل متكرر في عملية التنظيف الواحدة على الأقل.
• يفضل اختيار مكنسة مدمج فيها سخان مياه بحيث إنه يوفر تنظيف وتعقيم فعال للأسطح والمفروشات المختلفة.
• كل ما كانت المكنسة مزودة بملحقات أكتر كل ما كانت عملية أكتر. بمعنى إنك هتقدر تستخدمها مع الأرضيات والأسطح والمفروشات المختلفة وكمان هتقدر توصل بيها لكل الأماكن في البيت.
• مهم كمان تاخد بالك من القدرة الكهربية للمكنسة لأنها بتأثر على قوة الشفط والتنظيف وكمان بتأثر على فاتورة الكهرباء. فكلما ارتفعت القدرة الكهربائية للمكنسة كلما زادت كفائتها في التنظيف وارتفعت قيمة فاتورة الكهرباء. اظبط معادلتك واختار حسب أولوياتك.
• السعر عامل مهم أيضاً في عملية الاختيار لأن بناءً على ميزانيتك هتقدر تحدد تشتري إيه أو بمعنى أصح تستغنى عن إيه في المكنسة مقابل اقتناص صفقة الشراء الأنسب.

مزايا مكنسة البخار

• بتوفر تنظيف كويس جدًا ومستوى عالي من التعقيم للمنزل.
• مش هتخليك تحتاج تستخدم أي منظفات أو مواد كيميائية في عملية التنظيف.
• آمنة تمامًا على الصحة ومفيدة خاصة لمرضى الجيوب الأنفية ومرضى الحساسية. فهي بتشفط الغبار والأتربة المختلفة وبتخلطها بالماء بداخلها بحيث إنها تتحول لأتربة رطبة متخرجش للهواء تاني وتضر المحيطين.

عيوب مكنسة البخار

• لو مش واخد بالك ومركز هتبهدل الدنيا حواليك أثناء عملية ملء خزان المياه.
• لو خزان المياه صغير هتحتاج تعيد تعبئته كل شوية أثناء استخدام المكنسة.

الفرق بين مكنسة البخار والمكنسة الكهربائية العادية

• المكنسة الكهربائية العادية بتشفط الأتربة بشكل عادي خالص بحيث تدخل لكيس أو علبة الأتربة. أما المكنسة البخارية فهي بتعمل على شفط الأتربة المختلفة بشكل كلي وتعقيم الأرضيات والأسطح المختلفة للتخلص من البكتيريا والفيروسات المختلفة بشكل تام.
• المكنسة البخارية قوتها شفطها أعلى وأدائها أفضل من المكنسة العادية.
• المكنسة العادية مش هتحتاج منك وقت ومجهود في عملية التنظيف على عكس نظيرتها العاملة بالبخار، واللي بتكون محتاج وقت لتجفيف مفروشاتك وسجادك بعد استخدامها.
• لو كنت بتفكر في التكلفة وخايف منها يبقى اشتري مكنسة كهربائية عادية وريح دماغك، لأن نظيرتها البخارية سعرها أعلى شوية. إضافة إلى أن البعض بيحتاج يشتري معطر أو منظف لخلطه بالماء اللي بيتحط في خزان المكنسة البخارية عشان يتمتع بجودة تنظيف أعلى.
• مكنسة البخار هتخليك تعمل تنظيف جاف للسجاد والمفروشات بكل سهولة ومن غير اللجوء لأي مكان بيقدم الخدمة دي، على عكس المكنسة العادية اللي بتفتقر لتوفير ميزة زي دي.
• لو بتدور على حاجة سهلة ومش محتاجة معاناة ولا أي مجهود يبقى المكنسة الكهربائية اختيارك الأفضل، لكن لو بتدور على تعقيم ونظافة مثالية ومش فارق معاك أي حاجة تانية يبقى اختار البخارية.

شوف عروض مكنسة البخار المختلفة المتوفرة على ياقوطة من هنا.

شوف عروض المكنسة الكهربائية المختلفة المتوفرة على ياقوطة من هنا.

لو محتار في الشراء ممكن تشوف: تشتري مكنسة عادية ولا مكنسة روبوت؟

شوف كمان دليل ياقوطة للعناية السليمة بالمكنسة الكهربائية.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.