كتبت: إسراء عادل

لغاية النهارده مفيش حد قدر يعرف بالتحديد مين اللي اخترع الشواية ، وأغلب الظن إنهم أسبان وأثناء تنقلهم من مكان لآخر هبطوا في منطقة الكاريبي وهناك لاحظوا طريقة تسوية الأكل من سكان الكاريبي الأصليين على قطع من الخشب ولما جربوا طعمها لقوها أحلى من الأكل اللي كانوا متعودين عليه.

ومع الزمن تطورت أشكال الشواية لغاية ما وصلت للأشكال اللي متعودين عليها النهارده. وقدرت بسببها تكون شيف محترم في مطبخك وتقدر تعزم أصحابك وقرايبك بقلب جامد لإنك بتكون عارف إن الأكل هيكون مستوي كويس وطعمه وريحته ممتازة والأهم من كده إنه هيكون صحي أكتر من الأكل العادي. مفيش أجمل من سهرة حلوة على سفرة عليها أصناف مشويات معمولة بحب مع أهلك والناس اللي بتحبهم، أو حفلة شوي في يوم أجازة تستمتع فيها مع أصحابك وتقضوا وقت لطيف مع بعض.

ولإننا في ياقوطة مهمتنا هي راحتك وراحة ضيوفك قررنا النهارده نتكلم عن أنواع الشوايات الموجودة في السوق، ولو حابب تغير شوايتك أو تشتري شواية جديدة هنسهل عليك المهمة دي ونقولك إيه هي الحاجات اللي لازم تاخد بالك منها وانت بتشتري شواية. مش كده وبس احنا في ياقوطة هنوفر لك أسعار الشوايات ولو عجبك منتج فيهم ممكن تطلبه أونلاين ويوصلك لغاية عندك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

قبل ما تشتري شواية لازم تعرف كذا حاجة مهمة

• الحجم: أهم حاجة لما تيجي تشتري شواية تشوف المساحة الموجودة عندك وعلى أساسها تشوف حجم الشواية اللي هتشتريها، كمان تشوف عدد الأشخاص اللي بيتعملهم الأكل لإن ده برضه بيحدد حجم الشواية صغيرة أو كبيرة.

• السعر: لازم نكون عارفين إحنا هنحتاج شواية سعرها كام علشان ما نشوفش موديل معين ويعجبنا فنلاقي سعره غالي.
• مكان التهوية: لازم تتأكد من وجود مكان تهوية في المطبخ عشان الدخان اللي بيطلع من الشواية.
• سطح الشواية: لما نيجي نختار الشواية لازم نختار الشواية اللي ليها سطح عازل للدهون عشان تبقى سهلة في التنضيف.

• النوع: لازم تحدد نوع الشواية اللي هتشتريها، وفيه تلات أنواع للشوايات.

النوع الأول: شواية الغاز

 ودي عبارة عن موقد كبير يتم توصيله بالغاز سواء عن طريق أنبوبة بوتاجاز أو غاز طبيعي، وفوق الشعلات الخاصة بيه شبكة كبيرة للشوي، وممكن كمان نغطيها بغطاء كبير علشان يحافظ على شوي الأكل بدرجة حرارة متساوية.

مميزات الشواية الغاز

• آمنة وصحية على الأكل لإنها ما بتأثرش عليه بدخان ممكن يكون مضر زي دخان الفحم.
• الأكل بيكون كله مستوي بنفس الدرجة لإن توزيع الحرارة بيكون مظبوط بسبب الغطاء الموجود مع الشواية وده بيوزع الحرارة بشكل ممتاز.
• بسبب حجمها الكبير سهل جدًا إننا نشوي عليها لحوم وطيور كبيرة الحجم.

عيوب الشواية الغاز

• للأسف ما بتديش للأكل نكهة وريحة الفحم المحببة.
• ما تقدرش تستخدمها لو في مكان مفتوح بسبب صعوبة توفير الغاز في كل مكان.
• لإن حجمها كبير بيبقى صعب جدًا إننا ناخدها معانا في رحلة.
• تمنها غالي شوية.

النوع التاني: الشواية الكهربائية

ودي تعتبر أفضل أنواع الشوايات ومناسبة للاستخدام المنزلي وممكن نشوي عليها كفتة، ستيك، أسماك أو شرايح اللحمة عمومًا.

مميزات الشواية الكهربائية

• سعرها مناسب جدًا وفي متناول الجميع.
• ممكن تستخدمها في أي مطبخ مهما كان صغير لإنها صغيرة في الحجم ومش بتحتاج مساحة كبيرة.
• بسبب صغر حجمها ممكن تاخدها معاك لو في رحلة بشرط تأكدك من وجود مصدر للكهرباء.
• استعمالها سهل جدًا.

عيوب الشواية الكهربائية

• استهلاكها للكهرباء عالي شوية.
• طبعًا طعم الأكل المشوي على الفحم مش هيكون موجود في الشواية الكهربائية.

النوع التالت: شواية الفحم

 وتعتبر أشهر أنواع الشوايات وأكثرها انتشارًا، وممكن نشوي عليها لحوم وأسماك وطيور وطعم الأكل بيكون تحفة.

مميزات الشواية بالفحم

• رخيصة السعر ومتوفرة بأحجام كتيرة حسب احتياجك.
• لإنها بتعتمد على الفحم فطعم الأكل بيكون أكتر من رائع.
• سهولة الحصول على الفحم ونقله معاك أينما كنت.

عيوب الشواية بالفحم

• صعب إنك تحافظ على درجة حرارة واشتعال الفحم ثابتين طول الوقت، وده هيخليك دايمًا بتقلب الأكل علشان ما يتحرقش.
• لازم تستخدمها في مكان مفتوح وواسع علشان الدخان وخطر الاختناق.

الجدول ده بيوضحلك أفضل 5 شوايات من بين الأكثر مبيعًا على ياقوطة، بنقارنلك بينهم من ناحية المميزات، العيوب والأسعار.

1- شواية فحم Vota grill

المواصفات

• النوع: شواية فحم.
• الأبعاد‏: ‏ ٦٥ × ٤٠ × ٤٠ سم.
• الوزن: ٣ كجم.

المميزات

• سعرها مناسب.
• استهلاكها للكهرباء منخفض.

العيوب

• بتحتاج مكان مفتوح علشان الفحم بينتج عنه دخان كتير.
• صعوبة إشعال الفحم والحفاظ على درجة حرارة ثابتة له.

ممكن تشتري شواية الفحم Vota grill من هنا.

2- شواية كهربائية ماكس جريل بالترموستات Mar-200T

المواصفات

• القوة: ٢٠٠٠ وات.
• عنصر تدفئة منفصل.
• قابلة للتعديل لثلاث مستويات.
• مقابض باردة.
• جسم مصنوع من الفولاذ المطلي.
• صناعة تركية.

المميزات

• فيها تلات مستويات للشوي، وده مناسب جدًا لشوي أنواع طعام مختلفة.
• ليها مقابض باردة سهلة الامساك بها.
• مفتاح خاص للفتح والغلق، وده عامل أمان إضافي.

العيوب

• صعبة التنضيف، وده بسبب عدم وجود منفذ خاص بخروج الزيوت والدهون أثناء عملية الشوي.

ممكن تشتري شواية كهربائية Mar-200T من هنا.

3- شواية كهربائية Media tech MT

المواصفات

• القوة: ١٥٠٠ وات.
• إمكانية التحكم في درجات الحرارة.
• سطح الشواء يساعد على التخلص من الدهون، وكمان ما بيخليش الأكل يلزق فيه فبيسهل عليك عملية تقليب الأكل.
• فيها إناء قابل للإزالة وده دوره إنه بيجمع الدهون اللي بتسقط من الأكل أثناء عملية الشواء أو التسوية، وده بيخلي الأكل يستوي من غير دخان خالص.

المميزات

• فيها ٥ مستويات لضبط الحرارة عن طريق ترمومتر بيظبط درجة الحرارة.
• سطح الشواية مصمم بطريقة تدّي تسوية جيدة، وكمان عملية شواء مميزة للأكل.
• فيها طبقة عازلة ما تخليش الأكل يلزق، وده بيسهل عليك عملية تقليب الأكل.

العيوب

• استهلاكها للكهرباء عالي.

ممكن تشتري شواية Media tech MT من هنا.

4-  شواية كهربائية بترموستات حرارة Home XH-5229

المواصفات

• القوة :١٨٠٠ وات.
• سطح مطلي مضاد لالتصاق الطعام.
• منظم حراري منفصل.
• مقابض آمنة للاستخدام.

المميزات

• مقابض عازلة للحرارة.
• فيها منفذ صغير بيسمح بخروج الزيوت والدهون، وده بيخلي عملية التنضيف أسهل.
• مزودة بقطع كاوتش في الأرجل الخاصة بيها، وده بيديها ثبات أكتر أثناء عملية الشوي.

العيوب

• مفيهاش مستويات لتعديل المسافة بين الأكل والسخان فمش مناسبة لكل أنواع الأكل.

ممكن تشتري شواية كهربائية Home XH-5229 من هنا.

5- شواية ماستر من ميانتا 2200 وات

المواصفات

• القوة: ٢٢٠٠ وات.
• النوع: شواية كهربائية.
• سطح فلات مناسب لطهي البيض والكيك.
• سطح للشواء لشواء اللحوم والدجاج.
• مساحتها كبيرة.
• خاصية التحكم في درجات الحرارة.

المميزات

• مساحتها كبيرة وده بيخليها مناسبة للعائلة كبيرة العدد.

العيوب

• سعرها غالي مقارنةً بالشوايات التانية.
• مش مناسبة للأسر الصغيرة.
• استهلاكها للكهرباء عالي.

شوف شواية ماستر من ميانتا 2200 وات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

المواصفات

• القوة: ٢٢٠٠ وات.
• النوع: شواية كهربائية.
• سطح فلات مناسب لطهي البيض والكيك.
• سطح للشواء لشواء اللحوم والدجاج.
• مساحتها كبيرة.
• خاصية التحكم في درجات الحرارة.

المميزات

• مساحتها كبيرة وده بيخليها مناسبة للعائلة كبيرة العدد.