كتبت: أمنية عزمي

مع دخول فصل الصيف كل سنة وارتفاع الحرارة بنلاقي الناس بتتجه لشراء التكييفات وبتحتار في المقارنات بين الماركات في السوق والأسماء المختلفة وبتبقى حابة تعرف المواصفات والإمكانيات لكل نوع وبتقرر في الآخر حسب احتياجها والميزانية، يونيون إير من الشركات اللي بتوفر أجهزة بأسعار معقولة وبتنافس في السوق بقوة وبالرغم إن سمعة الصيانة عندهم سيئة إلا إن قاعدة عريضة بتفضل منتجاتهم بسبب تنافس السعر.

هنتكلم في المراجعة دي مع ياقوطة عن تكييف من أشهروأفضل تكييفات يونيون إير وهو تكييف يونيون إير آرتيفاي 1.5 حصان بارد/ ساخن وهنتعرف بشكل مفصل على أهم مواصفاته ومميزاته وعيوبه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• أبعاد الوحدة الداخلية: 815×289×196 ملم.
• أبعاد الوحدة الخارجية: 677×531×282 ملم.
• الوزن الصافي للوحدة الداخلية: 10.5 كيلو جرام.
• الوزن الصافي للوحدة الخارجية: 31 كيلو جرام.

المميزات

• تصميمه وشكله الانسيابي مع لونه الأسود بيخليه قطعة ديكور قيمة بتضيف لجمال أي مكان يتواجد فيه، قدرته 1.5 حصان بتغطي مساحة 12 متر مربع.
• مزود بخاصية التشغيل التلقائي اللي بتخليه يشغل نفسه تلقائي في حالة انقطاع التيار الكهربائي.
• نظام بلازما لتنقية الهواء من الأتربة عن طريق إصدار أيونات موجبة وسالبة بتلتف حول الجسيمات وتحبسها داخل الفلتر وبكده بيوفر هواء نقي ونضيف لك ولعائلتك.
• وضع النوم، مزود بخاصية التشغيل الإقتصادي أثناء النوم واللي بتظبط درجة الحرارة بالشكل المناسب ويفصل بعدها ويحافظ على درجة حرارة الغرفة اللي توفرلك جو نوم هادئ وبتوفر في الكهرباء.
• مميز بخاصية التبريد الجاف اللي بتمنع الرطوبة من الجو واللي بيعاني منها الأشخاص اللي عندهم حساسية صدرية.
• خاصية التشخيص الذاتي، بتتعرف على أي مشكلة وتشخصها في مرحلة مبكرة وبتوضحها على الشاشة وبكده بتوفر عليك الوقت والمجهود وتساعدك على حل المشكلة ببساطة.
• تشغيل ألترا هادئ بدون صوت ضجيج مزعج.
• تحكم يدوي وأتوماتيك، بتقدر تتحكم من خلال الريش في إتجاهات الهواء أعلى وأسفل ويمين وشمال.
• 3 سرعات للمروحة بتختار منهم السرعة المناسبة أتوماتيك.
• كفاءة سهولة فك وتنظيف الفلاتر بشكل دوري علشان تحافظ على نقاء الهواء وقوة الموتور.
• مزود بفلتر كربون بيمتص الروائح الكريهة من المكان ويمنحك هواء نقي نضيف بدون روائح طول الوقت.
• مميز بشكل شاشة العرض الخاصة بدرجات الحرارة اللي بتظهر بإضاءة على واجهة التكييف بشكل أنيق وجديد.
• مزود بتقنية التشخيص الذاتي لأي مشكلة ممكن تحصل وتوضيحها علشان يساعدك في حلها بشكل سلس وتوفر عليك مجهود البحث عنها أو الإتصال بالصيانة.
• بتقدر تتحكم فيه عن بعد من خلال ريموت كنترول ذكي مزود بشاشة بتظهر عليها كل خصائص التشغيل.
• الوحدة الخارجية مقاومة للصدأ وبتتحمل أعلى درجات الحرارة.

العيوب

• مش مزود بخاصية التربو اللي بتبرد المكان تبريد قوي في وقت سريع.
• قوته مش بتغطي غير حجم غرفة متوسطة.
• بيستهلك كهرباء.
• خدمة الصيانة مستواها سيء.

خدمة العملاء

• للأسف من أسوأ الشركات في خدمة العملاء لدرجة إني مشفتش حد بيشكر فيهم.. الأعطال عندهم كتير والفنيين مستواهم سيء في التصليح والخبرة والتعامل مع العملاء بيخسرهم أي مجهود بيعملوه في الأجهزة لاجتذاب العميل حتى لو كانوا أرخص الأسعار سواء كنت في الضمان أو خارج الضمان، سواء كنت بتدفع أو لأ.

تجربة المستخدم

• اشتريت تكييف يونيون إير أرتيفاي ومن أول يوم اشتغل كأنه مروحة فقط وكان صوته عالي وبينزل تلج كلمنا الصيانة كل يوم لمدة شهر وبعدها بعتوا واحد صلحه وباظ بعدها بنص ساعة واتصلنا تاني وبعد اعتذارات و3 اسابيع تاني اتصال ومحدش معبرنا جه 2 مهندسين واكتشفوا إن اللي ركبه كسره أثناء التركيب ووعدونا بتغيير القطع المكسورة وشهر بعدها محدش بيرد علينا ولما ردوا قالوا معندناش القطع المكسورة ومفيش حل، ولما قلتلهم نعمل ايه قالوا اشتكونا في جهاز حماية المستهلك! وفعلا عملت الشكوى وما أنصحش حد بالتعامل معاهم.
• الوحدة الخارجية لما بتتعرض للشمس فترة كبير بتبوظ وبيحتاج شحن فريون كل سنة ومفيش حد بيعبر حد في الصيانة.

شوف تكييف يونيون إير آرتيفاي 1.5 حصان بارد/ ساخن من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم

بإبلاغنا في تعليق أو من خلال صفحة Yaoota.com على فيسبوك.

كاتبة المقال   

أمنية عزمي، بكتب من 13 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.