كتبت: سارة عمار

كتير مننا لما بيفكر يشتري تكييف بيكون عدّى الأول على المراوح والمبردات، وفي مننا اللي اشترى تكييف قبل كده، وبيفضّل إنه يستبدله بنوع تاني يكون بجودة كويسة، وسعر معقول خصوصًا إن إحنا دلوقتي في عز الصيف. وعشان ياقوطة دايمًا معاكم في اختيار الأجهزة المنزلية، هتقدملكم النهاردة مراجعة بسيطة عن تكييف أرتيفاي ١٫٥ حصان وكمان هتقولكم على سعره وأفضل جهاز منافس له.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أهم المواصفات

أهم المميزات

• تكييف أرتيفاي مصمم بشكل أنيق وجذاب وبلون فضي هيكون مناسب لديكور بيتك مهما كانت ألوانه، وده لأصحاب الذوق الرفيع اللي صعب يقعدوا في مكان ألوانه مش هادية ومريحة.
• التكييف مدعم بخاصية توفير الطاقة معني كده أنك هتضمن أن فاتورة الكهرباء مش هتتأثر بشكل كبير بوجود التكييف، ودي تعتبر أهم ميزه.
• التكييف مش هيسبب أي إزعاج ليك أو لأسرتك أو حتى في مكان شغلك لأنه مدعم بخاصية تشغيل الترا الهادئة.
• مش هتحتاج إنك تتحرك من مكانك كل شويه عشان تغير السرعة أو تطفي التكييف أو تشغله لأنه مزود بخاصية التحكم عن بعد.
• تعتبر أهم ميزه في التكييف هيا وضع “جاف” اللي بتقلل من بخار الماء، وده ممتاز في الأماكن اللي الرطوبة فيها عالية ومش ناقصة زيادة رطوبة.
• يونيون أير بتقدملك نظام خاص بتنقية الهواء من الجراثيم أو الميكروبات اللي بتكون في الجو، ودي خاصية مش متوفرة في تكييفات كتير.
• التكييف مزود بفلتر من الكربون وده بيستخدم للتخلص من الملوثات والشوائب بشكل مستمر وبيضمن حصولك على هواء نقي ١٠٠٪.
• هتقدر تتحكم في اتجاه مخرج الهواء وتوزيع الهواء جيد، ومش بس كده كمان براحتك سواء كان بشكل يدوي أو أوتوماتيكي.

أهم العيوب

• سرعة المروحة بتوصل لغاية ٣ مراحل بس.
• قوه التكييف تعتبر متوسطة وفي تكييفات تانيه بتكون أعلى من ١٫٥ حصان، وسعرها قريب من سعر أرتيفاي، مش حيكفي غير أوضة متوسطة المساحة.
• يعتبر وزن التكييف كبير، وده ممكن يخليك تواجه صعوبة في نقله أو تحريكه، وخاصة للناس اللي شققها ايجار فحيبقى نقله صعب.
• مافيهوش خاصية التنظيف الذاتي يعني هتضطر أنك تنظف فلاتر الهواء بنفسك كل فتره عشان ما تأثرش الأتربة على التهوية، ولو عندك اطفال أو مرضى حساسية حيبقى صعب لازم يتتظف كويس أوي.

خدمات ما بعد البيع

الصيانة: متاحة خلال فترة الضمان بشكل مجاني

خدمة العملاء: خدمة العملاء متاحة ٢٤ ساعة في اليوم وتقدر تحصل بسهوله على الأرقام من خلال الدليل أو صفحتهم الشخصية على الفيس بوك.

قطع الغيار: جميع منافذ بيع يونيون أير بيكون متوافر فيها قطع الغيار وكمان هتقدر تحصل عليها بسعر كويس إذا كان التكييف مازال في فتره الضمان.

شوف تكييف أرتيفاي ١٫٥ حصان من هنا.

وفيه تكييفات تانية كتير بتنافس النوع ده زى تكييف أي كول بلازما اللي بتوصل قوته لحد 2.25 حصان واللي ممكن تشوفه من هنا.

ما تنساش تقولنا تجربك في كومنت عشان تفيد غيرك.