كتبت: منى عوض

على مدار عقود من الزمن، كانت هواتف نوكيا بتتميز بتصميم مُتقن وجميل وجودة فائقة. وبعد غياب عن الساحة لسنين قررت شركة نوكيا وبعد دراسة كبيرة للسوق إنها ترجع تاني في محاولة منها لاستعادة عرشها اللي كانت مسيطرة عليه لسنين طويلة.

ومن الموبايلات اللي قررت نوكيا الرجوع بيها للسوق هو موبايل Nokia 6 واللي زودته بمميزات كتيرة قادرة على المنافسة وسط باقي الشركات.

هنتعرف من خلال ياقوطة على أهم مميزات وعيوب الموبايل، ولو عجبك الموبايل تقدر تعرف أحسن الأسعار ليه وتطلبه من خلالنا وهيكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

تقييم موبايل Nokia 6

• في الجهة الأمامية من الموبايل هنلاقي الشاشة اللي بتشغل مساحة ٧٠٫٧ % من حجم الموبايل، وفوقها شعار نوكيا وجنبه سماعة المكالمات والكاميرا الأمامية على شكل دائري ومستشعر الضوء لمبة الإشعارات LED، أما تحت الشاشة فهنلاقي أزرار الهاتف الرئيسية اللي بتعمل باللمس ومدمج فيها مستشعر بصمة الإصبع.
• الجهة الخلفية للموبايل هنلاقي الكاميرا الخلفية على شكل دائري في الجزء العلوي من الموبايل وتحتها فلاش LED المزدوج بالإضافة لميكروفون إضافي عازل للضوضاء والتشويش، وفي منتصف الجهة الخلفية هنلاقي شعار شركة نوكيا.
• الجهة اليمنى للموبايل فيها أزرار التحكم في مستوى الصوت وزرار الباور.
• الجهة اليسرى للموبايل فيها منفذ إدخال شريحتي الاتصال اللي من الممكن استخدامها لوضع شريحتي اتصال أو شريحة اتصال وكارت ذاكرة خارجي.
• الجهة العليا للموبايل بتحتوي على منفذ لسماعات الأذن.
• الجهة السلفية للموبايل هنلاقي فيها منفذ الـ USB بجانب السماعات الخارجية للموبايل ومكبرات الصوت.

التصميم

المزايا

• تصميم الموبايل من معدن الألمونيوم لحمايته من التعرض للصدمات والخدوش.
• أبعاد الموبايل: الارتفاع ١٥٤ ملليمتر والعرض ٧٥٫٨ ملليمتر والسمك ٨٫٤ ملليمتر.
• وزن الموبايل: ١٦٩ جرام.
• مزود بلمبة إشعارات LED.
• مزود بميكروفون إضافي عازل للضوضاء والتشويش.
• زرار الـ Home مدمج فيه مستشعر بصمة الإصبع.

العيوب

• الكاميرا الخلفية للموبايل بارزة إلى حد ما.
• الموبايل مش مقاوم للأتربة والماء.
• سمك الموبايل بيُعتبر كبير نسبيًا ووزنه تقيل نسبيًا.

تجربة المستخدم

• موبايل نوكيا 6 بيتمتع بتصميم جميل وعصري وحواف منحنية من معدن الألمونيوم المصقول بعناية وده عشان يوفر للمستخدم رؤية أفضل وحماية أعلى ضد الخدوش ومتانة وسلاسة في الاستخدام وتلائم في الإيد وده على الرغم من سمكه الكبير إلى حد ما.
• الموبايل بيتمتع بوجود مستشعر لبصمة الأصابع مدمج في زرار الـ Home في الجهة الأمامية للموبايل.

الشاشة

المزايا

• شاشة الموبايل LCD بتقنيتي IPS و Full HD ومقاس ٥.٥ بوصة ودقة وضوح عالية ١٠٨٠ × ١٩٢٠ بكسل وكثافة بكسلات ٤٠٣ نقطة لكل بوصة.
• مزودة بطبقة حماية إضافية من الزجاج المصقول Corning Gorilla Glass 3 عشان تحمي الموبايل من أي خدش أو كسر.
• بتدعم اللمس المتعدد.

العيوب

• لا يوجد.

تجربة المستخدم

• الموبايل بيتميز بشاشة مُضيئة بالكامل ذات حجم مميز ومناسب جدا ودقة وضوح عالية عشان تقدر تستمتع بمشاهدة الصور والفيديوهات والألعاب بأعلى جودة وألوان طبيعية ده بجانب درجة السطوع المتميزة عشان تقدر تقرأ كل اللي انت عايزه على الموبايل تحت ضوء الشمس الساطع من غير ما تتعرض لأي معاناة.
• الموبايل مزود بطبقة حماية زجاجية مصقلة إضافية Corning Gorilla glass اللي بتُعتبر بدورها مميزة جدًا ده لإنها بتحمي الشاشة بفعالية قصوى من التعرض لأي كسر أو خدش.

الأداء

المزايا

• الجهاز بيشتغل بنظام تشغيل الأندرويد الأحدث على الإطلاق حتى الآن نوجا “Nougat 7.1.1” ومزود ببروسيسور من نوع Qualcomm Snapdragon MSM8937 430 بتردد ثماني النواة 1.4 جيجاهرتز Cortex-A53 بجانب معالج رسومي من نوع Adreno 505.
• متوافر بإصدارين من الممكن الاختيار بينهما، وهما إصدار ذاكرة داخلية بحجم ٣٢ جيجابايت ورامات ٣ جيجابايت، أما الإصدار التاني فيدعم ذاكرة داخلية ٦٤ جيجابايت ورامات ٤ جيجابايت، ده طبعا بجانب إمكانية إضافة ذاكرة خارجية سعتها بتوصل لحد ١٢٨ جيجابايت.
• بيدعم تقنية الـ OTG اللي بتقدر تشغلك فلاش ميموري على الموبايل، وتقنية الـ NFC اللي بتساعد في تبادل البيانات في نطاق ضيق جدًا.
• بيدعم مستشعر مقياس التسارع والجيروسكوب ومُستشعر التقارب والبوصلة الإلكترونية ومستشعر الضوء المحيط ومستشعر الكشف عن السرعة ومستشعر بصمة الإصبع ومستشعر الاقتراب.
• بيدعم نظام تحديد المواقع GPRS.
• بيدعم تشغيل راديو FM.
• بيدعم الاتصال من خلال البلوتوث من إصدار 4.1 مع A2DP، وLE والـ Wi-Fi ومنفذ USB 2.0.
• بيدعم تقنية الصوت Dolby Atmos اللي بتوفر تأثيرات صوتية أفضل والميكروفون المدمج لمنع الضوضاء.
• بيدعم استخدام شريحتين اتصال من نوع SIM Nano اللي بتدعم تقنية الاتصال للجيل الثاني والثالث والرابع.

العيوب

• تصميم الموبايل مش مقاوم للماء والغبار.
• مش بيدعم وصلة HDMI اللي بتساعدك في نقل الأفلام والألعاب ذات الصوت والصور عالية الجودة من على أي جهاز خارجي إلى شاشة التليفزيون بكامل دقتها عشان تقدر تتمتع بمشاهدة ورؤية واضحة.
• مش بيدعم الـ Java.
• الموبايل مش بيدعم عملية تشغيل شريحتي الاتصال مع كارت الذاكرة الخارجي.

تجربة المستخدم

• نوكيا 6 بيشتغل بأحدث إصدار من نظام التشغيل أندرويد نوجا والنسخة دي من الأندرويد غير مُعدلة يعني المستخدم هيتمتع بواجهة بسيطة ومش هيلاقي أي تطبيقات مثبتة مسبقاً على الموبايل باستثناء تطبيقات جوجل، وكمان هيضمن للمستخدم تحديثات أمنية وتحديثات لنظام التشغيل بشكل أسرع مقارنة بالموبايلات التانية.
• الموبايل قدم تجربة أداء مقبولة في الاستعمال اليومي المعتاد، ومفيش مشكلة هتواجه المستخدم في المهام اليومية وحتى مع الاستعمال البسيط والمتوسط للموبايل، لكن هنلاحظ وجود بطء مع البرامج التقيلة والألعاب اللي بجرافيك عالي شوية.

الكاميرا

المزايا

• الكاميرا الخلفية دقتها ١٦ ميجابكسل بفتحة عدسة F/2.0 وحجم استشعار 1.0 ميكرون حجم بكسل، بالإضافة إلى أنها مزودة بفلاش مزدوج LED وضبط تلقائي للصورة.
• الكاميرا الأمامية دقتها ٨ ميجابكسل بفتحة عدسة F/2.0 وحجم استشعار 1.12 ميكرون حجم بيكسل.
• الكاميرا بتدعم تصوير مقاطع فيديو بجودة ١٠٨٠ بكسل و ٣٠ لقطة في الثانية.
• بتتميز بوضع العلامات الجغرافية والتركيز على اتصال وكشف الوجه، بالإضافة لتقنية التصوير بالمدى الديناميكي العالي HDR والبانوراما.

العيوب

• الكاميرا الأمامية مفيهاش فلاش LED.

تجربة المستخدم

• كاميرا الموبايل بتقدم صور وألوان قوية ومميزة، والتفاصيل في المجمل بتكون مقبولة، أما الصور الليلية فللأسف التفاصيل الموجودة في الصور بتقل حتى مع وجود الفلاش.
• سيلفي الموبايل بيقدم تجربة كويسة في الصور، لكن الصور مش بتكون حادة التفاصيل وهنلاحظ بهتان في ألوان الصور الملتقطة، مش بتأثر على جمال الصور طبعًا لكنها بتكون ملحوظة.

البطارية

المزايا

• بطارية ليثيوم أيون بسعة ٣٠٠٠ مللي أمبير.

العيوب

• مش هتقدر تغير أو تشيل البطارية بنفسك. 
• مش بتدعم خاصية الشحن السريع.

تجربة المستخدم

• أداء البطارية كويس إلى حد ما، ده لإنها صمدت لحد ٧٦٨ ساعة فى وضع الاستعداد ولحوالي ١٨ ساعة في حالة استخدام المكالمات اللي بتدعم شبكة الجيل التالت 3G و ٢٢ ساعة في وضع الاستماع للموسيقى.

شوف موبايل نوكيا 6 من هنا.