تقييم Yakuza Kiwami: إيه الجديد فيها وإزاي تتقنها؟
كتب: أحمد نامق ويارا الحميلي
قريب لعبت لعبة حسستني بالحنين للماضي، وأسعدتني وخلتني أنفجر من الضحك مرتين تلاتة وأنا بلعبها، النهارده هقدملكم أحدث إصدار في سلسلة Yakuza Kiwami.
لو حد فيكم كان عنده PS2 زمان، أكيد لازم يكون لعب لعبة Yakuza. الألعاب دي بتتميز بإنها فريدة، قوية ومضحكة في نفس الوقت. ألعاب Yakuza هي خليط ما بين ألعاب القتال، والـ Hack-and-slash والألعاب اللي ليها قصص صغيرة غريبة. صدقني الألعاب دي ممتعة، بتغلب ناس كتير وبتقابل وبتلعب مع شخصيات غريبة فيها.
النهارده ومن خلال ياقوطة هنتعرف أكتر على أهم مميزات اللعبة دي في إصدارها الجديد، وهنتعرف كمان على الجديد اللي بتقدمه، ولو عجبتك اللعبة وعاوز تشتريها تقدر تعرف أحسن الأسعار من خلالنا وتطلبها وهتكون عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
إيه هي Yakuza Kiwami؟
تمام، كل ألعاب Yakuza بتتميز بحاجتين، هيخلوك تضحك بسبب الألعاب المصغرة والمهام الغريبة، وهتخليك تحس بالقوة مع الشخصيات اللي عندها نظام قتالي متميز. فمن أول ما ألعاب Yakuza نزلت في ٢٠٠٥، كان صعب جدًا تصنيف اللعبة، ليه؟ اللعبة فيها قتال واختراق مع إمكانية إن حركات معينة تخليك تفتح معارك معينة، فيها خط درامي منافس جدًا، وفيها ألعاب مصغرة مسلية جدًا، ده غير مجموعة من الشخصيات المتميزة اللي عندها مشاعر مختلفة ممكن تلاحظها. أحيانَا الألعاب بتبقى طفولية، أو غير ناضجة، وفي أوقات تانية بيبقوا جد جدًا وفيهم لهجة درامية كبيرة، ففعلًا صعب تحدد نوع للعبة دي.
على أي حال، الناس اللي بيحبوا اللعبة دي بيحبوا الإتنين الأجزاء الطفولية والأجزاء الجادة من اللعبة، وده بيخلي وجودها متميز في عالم ألعاب الفيديو.
Kiwami بتحافظ في اللعبة دي على صيغتها الأصلية في الوقت اللي بتغير فيه برضه شوية عناصر في اللعبة عشان تواكب العصر الجديد للألعاب من غير ما تعمل غلطات كبيرة – هنتكلم على التغييرات اللي حصلت بعد كده. إنت برضه لسه بتسيطر على Kazuma في اللعبة دي، ودي حاجة عظيمة لمحبي اللعبة الأصلية القديمة، في الإصدار ده هو لسه برضه رجل قلبه من دهب وعنده قبضة حديد، ودايمًا بيعمل كل اللي يقدر عليه عشان يساعد اللي محتاجين مساعدة.
إيه الجديد؟
زي ما ذكرت قبل كده، فيه شوية تغيرات للصيغة الأصلية لألعاب Yakuza مثلًا، القتال فوضوي وممتع، وفيه حركات خاصة جديدة وأساليب قاسية للتخلص من أعدائك، بس في نفس الوقت مصمم بحيث إنه يديك الإحساس العصري اللي موجود في لعب القتال، فعامةً اللعبة دي أحسن في موضوع القتال، عشان اللي عملوا اللعبة انتبهوا لإنهم محتاجين يقدموها على إنها لعبة قتال خطوة بخطوة، وفعلًا عرفوا يعملوا ده.
لسه برضه بتشوف ناس عشوائيين ماشيين في الشارع وإنت بتتمشى في المدينة، بس هنا بيخدموا القصة أكتر من الأول، مثلُا بنشوف ده لما بتبقى في حرب استنزاف مع 10 شباب في الشارع، وطبعًا ده بيكون لسبب كافي، بتكتسب خبرة، وبتكسب فلوس، وبتتعلم حركات قتالية رائعة، وفي بعض المعارك بتكتسب المهارات اللي الشخصية بتلعب بيها ممكن تكون نسيتها في السجن.
كمان عندك القدرة إنك تستخدم أي حاجة موجودة حوالين الراجل الرئيسي بتاعك، Kazuma، وده يخليك تفضل متتيقظ في كل المعارك اللي بتخوضها، عشان اللعبة بترمي في طريقك حاجات عشوائية كتير مع الأعداء طول ما انت بتجري في المدينة هتقابلها.
ليه Yakuza Kiwami؟
زي ما ذكرت قبل كده، اللعبة فريدة جدًا بكل مهامها الجانبية المجنونة، والألعاب المصغرة، والقتال اللي ممكن ياخد ساعات عشان تتمكن منه.
هي لعبة دمها خفيف وبتضيع الوقت، مسلية، وفي نفس الوقت فيها تحديات كتيرة، في عناصر منها عميقة جدًا وعناصر تانية سخيفة ومضحكة. هي لعبة يابانية فريدة بتخليك دايمًا تطلب أكتر.
الصوت اللي في اللعبة، مع إنه ياباني ومعاه ترجمة انجليزي، بس رائع، المشاعر والعواطف دايمًا واضحين للاعب بسبب دقة تمثيل الصوت.
فلو اللعب اللي زي Devil May Cry أو GTA بتبسطك، اللعبة دي هتعمل نفس الحاجة ليك.
كله شكله كويس، فين المشكلة بقى؟
مفيش حاجة مزعجة قوي، ولكن، طبعًا، مع النظام المعقد ده بعض عناصر اللعب ممكن تبقى أحسن من البعض التاني.
على سبيل المثال، مع إن القتال ممتع جدًا، ممكن تزهق من كتره، نفس المجموعات، نفس النهايات، وحتى لما بتتعلم تقنية أجدد، وأقوى بتلاقي نفسك بتفضل تستخدمها على طول.
أحيانًا بتضطر ترجع لمكان زرته قبل كده قبل ما تعمل مهمة تانية، وده ممكن يبقى ممل لما تضطر تعمله كتير.
القصة بقدر ما هي رهيبة ومنقولة كويسة من خلال عناصر سرد القصص، هي في الآخر عن الانتقام فما تتوقعش نقط درامية ضخمة في القصة.
دي أول مرة ألعب Yakuza. تنصحني أعمل إيه؟
اتعود تلعب بالمجموعات وحاول تلاقي مجموعة تربك العدو، القتال مش صعب قوي، بس بما إنه أهم نقطة في اللعبة، كل ما تمكنت منه بدري كل ما كان أحسن.
نفذ مهام جانبية كتير، لإنهم بيدوك منح كويسة وبيكسروا ملل المهمة الرئيسية، فبيخلوك ماتزهقش.
جرّب تغير في خيارات الحوار والألعاب المصغرة، هيخلوك تقضي وقت ممتع.
ده كان تقييمي لYakuza Kiwami، واحدة من أميز الألعاب اللي طلعت، وممتعة جدًا في اللعب، أتمنى إنكم كلكم تستمتعوا بيها على قد ما استمتعت أنا.
ممكن تشوف لعبة Yakuza Kiwami من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.