كتب: خالد عاصم

مع دخول الصيف بيزيد استخدامنا لمجموعة كبيرة من الأجهزة، وبيتضاف عليها أجهزة تانية، زي مثلا المراوح والتكييفات، وزي ما بيت استخدام التلاجات بشكل أكبر، وكل ده معناه استهلاك أعلى للطاقة، لأن الاستهلاك الزائد للأجهزة وإضافة أجهزة جديدة عليها كمان، أكيد هيأثر على مستوى استخدامنا للطاقة، وده هيكون ليه تأثيرات مختلفة.

التأثير الأول هو ارتفاع قيمة فاتورة الكهرباء لمعدلات كبيرة جدًا، فلو انت في الشتاء بتدخل مع نهاية الشهر للشريحة التالتة، ففي الصيف ومع تشغيل تكييف واحد، مش هتكمل كم يوم من أول الشهر عشان تدخل الشريحة التالتة، يعني مش بعيد الفاتورة تتضاعف، أما التأثير التاني والناتج عن إجمالي مستهلكي الكهرباء في الحي أو المنطقة اللي انت فيها، فيهكون نتيجته انقاطع الكهرباء كل شوية، لإن مع ارتفاع معدلات الاستهلاك هيؤثر على أحمال محطة الكهرباء اللي بتزود منطقتك بيها، وبالتالي هيكون من الضروري فصل الكهرباء لتقليل الأحمال يعني النور هيقطع عندك كم ساعة كده في اليوم على الماشي.

بس هل معنى كده إننا نبطل نستخدم أجهزتنا في البيت؟ بالتأكيد لا، بس كمان لازم نعمل على توفير الكهرباء قدر الإمكان، وده بيتحقق بأكتر من وسيلة، منها وسائل متعلقة بتنظيم الاستهلاك واننا مانسبش حاجات شغاله على الفاضي أو نزود التكييف زيادة عن اللزوم أو نفضل مشغلين حاجات ساعات طويلة، ومنها المتعلق بالجهاز نفسه، وأبرز حاجة ممكن توفر بيها الطاقة هو إنك تدور على الأجهزة اللي بتدعم تقنية إنفرتر.

يعني إيه أجهزة بتدعم تقنية الانفرتر وإيه هي التقنية دي وإيه مميزاتها ومدى تأثيرها على استهلاك الكهرباء، وإيه أشهر الأجهزة اللي بتدعمها، هو ده اللي هنتعرف عليه النهارده في المقال ده.

ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي تقنية الإنفرتر

تقنية الانفرتر أو Inverter Technology هي تقنية متوفرة حاليًا في كتير من الأجهزة الكهربائية وتحديدًا في أجهزة التكييف، والتقنية دي تعتبر من التقنيات الموفرة للطاقة، لأنها بفضل الميكانيزم اللي بتعتمد عليه بتقدر تقلل من إهدار الطاقة وبالتالي بتحافظ عليها وبتقلل استخدامها.

لو اتكلمنا تحديدًا عن التكييفات، فالتكييفات العادية بتعتمد على مواتير ثابتة على مستوى ظروف التشغيل وبتفتح وتطفي عشان تقدر تتحكم في درجة الحرارة وده معناه استهلاك أعلى للطاقة، لإن تشغيل الموتور في كل مرة بيستهلك طاقة عالية جدًا، أما التكييفات اللي بتعتمد على تقنية الانفرتر فدي مش بتفصل الموتور وبيفضل شغال على طول بس بتتحكم في درجة الحرارة من خلال لتحكم في سرعته، وبالمقارنة بين النوعين فإن النوع التاني بيقلل من خسارة الطاقة وبيقدر يحافظ عليها ويقلل من استهلاكها.

أما في باقي الأجهزة فممكن ترجمة التقنية دي بإن توفرها في أي جهاز بيخليه يقدر يتحكم في تردد التيار الكهربائي اللي داخل ليه من مصر الطاقة، وده بيخليه قادر على تقليل استهلاكه للطاقة، وده من ناحية تانية بيطول عمر الجهاز ويحافظ عليه وبيقلل من استهلاك الموتورو وبيطول عمره.

مميزات تقنية الانفرتر

• تقليل استهلاك الطاقة
• بتحافظ على صحة المواتير وبتطول عمرها وبالتالي بتطور عمر الجهاز نفسه
• المواتير بالتقنية دي بيكون صوتها أقل كتير من المواتير العادية

أشهر أجهزة تقنية الانفرتر على ياقوطة

تكييف سبليت بقوة ١٫٥ حصان بادر فقط انفرتر من إل جي

تكييف مزود بمجموعة من التقنيات المتميزة من LG، وأبرزها إنه موفر للطاقة وبيشتغل بهدوء جدًا وكمان عمره طويل لدرجة إن ضمانه ممتد لمدة ١٠ سنين، وبفضل إنه انفرتر فتوفير الطاقة ممتازة وكمان التقنية دي بتساعد على علاج مشاكل مختلفة زي الأعطال وعدم الكفاءة والضوضاء، وكمان بيدعم تقنية التبريد السريع.

اتعرف على عروض أسعار تكييف سبليت ١٫٥ حصان انفرتر من LG من هنا.

ميكروويف نيو شيف سعة ٤٢ لتر انفرتر من إل جي

أجهزة الميكروويف من الأجهزة اللي بتستهلك طاقة عالية جدًا، وعشان كده يفضل تختارها بانفرتر تكنولوجي، زي الميكروويف ده من ال جي واللي بيتميز بالتقنية دي اللي بتخليه يتمتع بكفاءة أعلى وكمان توفير للطاقة، وبيتميز الميكروويف ده بمجموعة من المميزات زي تساوي التسخين والطهي السريع والشواء وخاصية الطهي الصحي وغيرها.

اتعرف على عروض أسعار ميكروويف نيو شيف ٤٢ لتر انفرتر من LG من هنا.

غسالة أطباق سعة ١٥ فرد ٨ برامج من بيكو

واحدة من أفضل غسالات الأطباق بفضل الإمكانيات الممتازة اللي بتتمتع بيها وأولهم سعتها الكبيرة اللي بتكفي لحد 15 فرد وكمان نظام التعقيم المتميز اللي بيخلي الغسالة مش بس بتنضف الأطباق والصحون لا كمان بتحافظ عليها أمنة وصحية الاستخدام، الغسالة بتتميز بموتور انفرتر الموفر للطاقة وكمان بتقدر تشتغل على نص حمولتها ودي حاجة مش بتتوفر في عدد كبير من غسالات الأطباق التانية.

اتعرف على عروض أسعار غسالات أطباق بيكو المتوفرة على ياقوطة من هنا.

تكييف سبليت ٢٫٢٥ حصان بارد وساخن انفرتر من شارب

واحد من أفضل أجهزة التكييف اللي بتتمتع بإمكانيات كبيرة وبرغم إنه ٢٫٢٥ حصان يعني ممكن تفتكر إن استهلاكه للطاقة كبير إلا إنه موفر للطاقة جدًا بفضل تقنية انفرتر اللي بيعتمد عليها واللي بتخلي استهلاكه للطاقة منخفض جدًا مقارنة بأجهزة التكييف بنفس القوة من غير التقنية دي، والتكييف ده بيتميز بإمكانيات عالية جدًا سواء على مستوى قوة التبريد والتسخين وسرعتهم أو على مستوى إعدادات التشغيل والحفاظ على البيئة وغيرها.

اتعرف على عروض أسعار تكييف سبليت ٢٫٢٥ حصان انفرتر من شارب من هنا.

غسالة ملابس فوق أوتوماتيك ١٣ كيلو انفرتر من توشيبا

غسالة فوق أوتوماتيك سعة ١٣ كيلو يعني هتشيل ومش هتقول لا ومع تكنولوجيا انفرتر هتوفر الطاقة وتقلل الاهتزاز والصوت هيبقى منخفض جدًا، الغسالة فيها مميزات كتير بتبدأ من جودة التصنيع الرائعة المقاومة للصدأ والباب المصنوع من الزجاج واللي بيعتمد على محرك هيدروليك بيخلي الباب يقفل بهدوء وسلاسة وبيقلل من احتمالية إنه يتكسر أو يتخدش، وبتتمتع بمجموعة كبيرة من الإعدادات والدورات المتنوعة.

اتعرف على عروض أسعار غسالة الملابس فوق الاوتوماتيك ١٣ كيلو انفرتر من توشيبا من هنا.

تلاجة ٤ باب ٥٣٠ لتر انفرتر من إل جي

التلاجة اللي هتشتريها وتنساها العمر كله، التلاجة اربعه باب وبسعة كبيرة يعني إمكانيات تنظيم ممتازة وسعة ضخمة تخليها قادرة تشغيل كل اللي محتاجه وبكميات، ده غير قدرتها على الحفاظ على الأكل طازه دايمًا من خلال الأدراج المخصصة لكده، وخصوصًا للخضار والفاكهة، وطبعًا بما إنها بتعتمد على موتور انفرتر فيتضاف على كل مميزاتها المميزات اللي بيوفرها الموتور ده.

اتعرف على عروض أسعار تلاجة ٤ باب ٥٣٠ لتر انفرتر من إل جي من هنا.

اتعرف على مختلف الأجهزة الكهربائية بتقنية الانفرتر على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.