كتب: خالد عاصم

لو انت ساكن في مكان زحمة ماتقدرش تتمشى فيه براحتك، أو مش مشترك في نادي، أو وقتك مش بيسمحلك إنك تخرج من بيتك أو من مكتبك كتير، فأكيد الأسباب دي وغيرها هيمنعوك من ممارسة الرياضة، وتحديدًا رياضة المشي أو الجري، واللي يعتبروا أهم الرياضات اللي مش محتاجة أي خبرة ولا تدخل من مدربين ولا معدات كتير معقدة، وعشان تقدر تتغلب على الظروف دي وتحافظ على صحتك من خلال المشي أو الجري، فانت محتاج لحاجة واحدة بس، المشاية الكهربائية أو Treadmill.

المشايات الكهربائية أو Treadmills هي الحل السحري لممارسة رياضة المشي أو الجري من غير ما تحتاج تسيب بيتك أو مكتبك ومن غير ما تضطر تعرض نفسك لخطر في الشارع، وإن كان لا يزال ممارسة الرياضة في مكان مفتوح خصوصًا لو الجو نقي وصحي هو الأفضل، ولكن في كتير من الأوقات بيكون فيه أسباب تمنعنا من ممارسة الرياضة بره البيت ده غير إن في كتير من المناطق بتكون مخاطر الشارع كتير والجو المحيط مش دايما بيكون نقي أو صحي، وعشان كده بتوفرلك المشايات الكهربائية الحل، وبسبب تصميمها وإمكانية طيها أو تحريكها فانت ممكن تستخدمها في أي مكان في البيت حتى في البلكونة عشان تستفيد كمان من الهوا الطبيعي وانت بتمارس الرياضة.

وعلى الرغم من إن المشايات منتشرة في البيوت دلوقتي وكمان في الصالات الرياضية كواحدة من أهم الأدوات الرياضية الأساسية، إلا إن تاريخها مكانش ليه أي علاقة بالرياضة، وتاريخها ده مربوط باسمها باللغة الإنجليزية لحد دلوقتي، وده لأن الجهاز ده واللي يعتبر واحد من أقدم الأجهزة على الإطلاق كان بيستخدم في البداية كأداة لطحن الحبوب، وكان بيستخدم في تحريكها البشر أو الحيوانات، وطبعًا ده كان لتوفير أداة بتعتمد على القوة العضلية للإنسان أو الحيوان في عصر ما قبل اكتشاف المحركات.

وفي فترة لاحقة على كده وتحديدًا في القرن التاسع عشر ولحد بدايات القرن العشرين، كان الجهاز ده نفسه ولكن بشكل مطور بيتم استخدامه كأداة لعقاب السجناء في السجون، وكان بيتم إجبارهم على السير عليه لساعات طويلة وفي نفس الوقت يقوم برضه بطحن الحبوب، فيتم عقاب السجين من ناحية وتحقيق استفادة ما من ناحية تانية، لحد ما تم التخلي عن الجهاز ده بعد ما تم إلغاء كل أشكال العقوبات الجسدية في السجون اللي كانت بتعتمد على الألة دي، وده اللي نقلها من المرحلة دي للمرحلة الأهم وهي استخدامها كجهاز لممارسة الرياضة في المكان.

ففي ستينات القرن الماضي قدر مهندس الميكانيكا ويليام شتاوب إنه يطور أول Treadmill موجهة للاستهلاك المنزلي الرياضي، ومن هنا بدأ عصر المشايات اللي اتطورت بكل أشكالها عشان توصل لحد المستويات اللي شفناها دلوقتي من التطور، واللي هتشوفوها في المقال ده.

مع ارتفاع الأسعار الكبير خلال الفترة اللي فاتت، ممكن تتخيل إن أسعار المشايات الكهربائية بقت ضخمة جدًا، وحقيقي في منها موديلات غليت بشكل كبير أوي، بس ده مش معناه إنك ماتقدرش تجيب Treadmill بسعر معقول مقارنة بالأسعار العامة دلوقتي، وده اللي هنتكلم عنه النهاردة، ففي المقال ده هنتعرف على أبرز المشايات الكهربائية بأقل من ١٠ آلاف جنيه مصري.

وما تنساش إن لو أي منتج هنتكلم عنه عجبك هتقدر تطلبه من خلالنا في ياقوطة وهيوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل المشايات الكهربائية بأقل من ١٠ آلاف جنيه مصري

مشاية رياضية بموتور بقوة ١٫٥ حصان حمل ١٠٠ كيلوجرام من Oma

المشاية الكهربائية بقوة ١٫٥ حصان من Oma بتقدر تحمل لحد ١٠٠ كيلو جرام، وبتوفر من الشركة نفسها موديلات تانية مختلفة بقوة أعلى بتوصل لحد 6 حصان وبحمل أعلى بيوصل لحد ١٦٠ كيلوجرام.

اتعرف على عروض أسعار مشايات Oma الكهربائية من هنا.

مشاة كهربائية DC بوزن حتى ١٣٠ كيلو جرام من Super Active

بتتميز المشاية دي بموتور قوي يقدر يشتغل على وضع AC لحد ٧ ساعات كاملة، مع إمكانية العمل على وضع DC لحد ساعة متواصلة بحد أقصى، وبتتميز شركة Super Active بإنها بتدعم أجهزتها بضمان لمدة سنتين مع توفر قطع الغيار وإمكانية الصيانة مدة الحياة.

اتعرف على عروض أسعار مشايات Super Active من هنا.

مشاية كهربائية T710EM حمل ١٢٠ كيلو جرام مع جهاز مساج من Fox Pro

واحدة من أفضل المشايات الكهربائية في الفئة السعرية دي لأكتر من سبب أولًا إنها بتشيل لحد ١٢٠ كيلو جرام وبتميز بموتور قوي جدًا وكمان المشاية مدمج فيها جهاز مساج عشان يفك ويريح العضلات خلال التمارين أو بعضها.

اتعرف على عروض أسعار مشايات Fox Pro الكهربائية من هنا.

المشاية الكهربائية DK42 من Icon Fitness

مشاية كهربائية ممتازة بتمتع بموتور بقوة ٢ حصان بحمل لحد ١١٠ كيلو جرام، وبتتميز بدعم ١٢ برنامج مختلف وسرعتها بتوصل لحد ١٢ كيلو متر في الساعة، وفيها كما جهاز تدليك، وزيها زي باقي المشايات الكهربائية اللي اتكلمنا عنها ففيها مفتاح للامان وبتقبل تغيير زاوية انحدار سير المشي وشاشتها الرقمية بتعرض معلومات مختلفة زي الوقت والسرعة والمسافة مع قدرتها على قياس النبض ونسبة حرق الدهون.

اتعرف على عروض أسعار المشاية الكهربائية من Icon Fitness من هنا.

المشاية الكهربائية V3500M بحمل ١٣٠ كيلو جرام من Health Life

مشاية رائعة بتتميز بمجموعة كبيرة من المميزات زي إنها بتدعم لحد ٩٩ برنامج مختلف وكمان فيها إمكانية تشغيل الأغاني وفيها مكان لتوصيل السماعات وكمان فيها سماعات خارجية، المشاية تصميمها رائع وشيك جدًا وبتميز بموتور قوي وبتقدر تتحمل لحد وزن ١٣ كيلو جرام.

اتعرف على عروض أسعار مشايات Health Life الكهربائية من هنا.

اتعرف على عروض أسعار مختلف المشايات الكهربائية على ياقوطة من هنا.

اتعرف على عروض أسعار مختلف الأدوات الرياضية على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.