كتبت: أمنيـة عـزمـي

الحديد الزهر واحد من المعادن القيمة جدا في استخداماتها، وكان أول استخدام ليه في القرن الرابع قبل الميلاد في آسيا عامة والصين والهند وكوريا خاصة واستخدموه في صنع الأواني وأدوات الطبخ لقوة تحمله ولأنه من الأنواع المعمرة، وعملوا منه كمان مواقد ودخل في صناعات تانية كتير زي صناعة المدافع والطلقات والأسلحة والمحركات البخارية وغيرها، ولحد وقتنا دا بتعتبر قطع غيار السيارات اللي بتصنع من الحديد الزهر ليها قيمة عالية، بالإضافة إنه بيدخل في تصنيع الديكورات.

حديد الزهر الطبيعي (Cast Iron) بيكون عبارة عن سبيكة من الحديد والكربون، وبيعتبر واحد من أكتر الخيارات الصحية لأدوات الطبخ ومش بيشكل أي خطر على الصحة بل بالعكس، في دراسات بتقول إنه بيعوض نقص الحديد في الجسم للناس اللي عندها أنيميا، وبتتوفر فيه كل الخواص اللي تخليه من أحسن الاختيارات أو على الأقل لازم يكون موجود منه في مطبخك.

هنتعرف في المقال ده ومن خلال على مواصفات ومزايا وكمان عيوب الأواني الزهر. وتقدر كمان تشوف تشكيلة مختلفة للأواني الزهر وتطلبها وتوصل لغاية عندك من خلال ياقوطة. وكمان تقدر تقسط أي منتج منهم خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهب وطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مميزات أواني الحديد الزهر (Cast Iron)

• يعتبر من أول الأواني المضادة للالتصاق من قبل اختراع الفكرة دي في الأواني الحديثة وبدون فكرة الطلاء، وبالتالي بتقدر تعمل فيه اللحوم والأكل بشكل صحي بدون أي سمنة أو زيت، كل اللي بتحتاج تستخدمه معاه هو التوابل فقط لا غير.
• قوي جدا وبيتحمل درجات الحرارة العالية جدا وبيستخدم في الأفران مباشرة وعلى أي مصدر من مصادر النار بدون قلق.
• كل أواني الطبخ المصنعة من الحديد الزهر بتقدر تنقلها من الفرن للطاولة مباشرة وبالتالي بيوفر الوقت والجهد.
• بيحتفظ بالحرارة بشكل أقوى من أي أدوات طهي تانية ودا بيخلي الأكلات تفضل سخنة فيه لفترات طويلة وكمان بتخليه مميز جدا في القلي.
• بيحافظ على مذاق الطعام الأصلي وبيحتفظ بقيمته الغذائية كاملة في حالة طهي اللحوم والخضروات بأنواعها.
• بيعتبر من الأواني الأساسية متعددة الاستخدامات وبتقدر تستخدمه في القلي والشوي والطهي والخبز والفطائر والبيتزا وطعم المخبوزات فيه مميز جدا.
• قدرته عالية على توزيع الحرارة بشكل متساوي في إناء الطهي أيا كان شكله أو حجمه أو استخدامه.
• من الأنواع المعمرة واللي بتزيد قيمتها كل ما يزيد عمرها لأنها بتتماسك بشكل أفضل مع الاستخدام، وبالمحافظة عليها بالشكل الصحيح بتتورث لأجيال كتير كقطعة قيمة ونادرة.
• متعدد الأحجام والاستخدامات، تشكيلة الأواني المصنعة من الحديد الزهر كبيرة جدا بكل أحجامها وأنواعها، وبيتصنع منه كمان أفران وفي بلاد زي هولندا بتعتمد بشكل كبير على أفران الحديد الزهر.
• تنضيفه سهل وكل اللي بيحتاجة سفنجة ناعمة وسائل تنضيف بعد كل استخدام، ولو في طبقة صعبة التنضيف بتضيف للأواني مية وبتسخن الفرن تسخين متوسط وبتحط فيه الأواني من نص ساعة لساعة والحرارة بتساعد على تفتيح المسام وتنضيفها بسهولة ومهم انه يتجفف بعد الغسيل.

عيوب أواني الحديد الزهر (Cast Iron)

• وزنه تقيل أتقل من أنواع أواني الطهي المختلفة.
• المقابض بتسخن جدا ولازم تتعامل معها بعازل للسخن.
• ما يعتبرش أحسن حاجة لغلي المية أو طهي الحمضيات فيه زي الطماطم والليمون وغيرهم لأنهم بيتفاعلوا مع الحديد.
• بيحتاج يتنضف بالشحوم والزيوت الطبيعية مرة بعد مرة لتأثير التوابل عليه.
• غير مناسب لوضعه في غسالة الأطباق.
• ممكن يكسر الأرضيات أو القدم لو وقع عليها.
• في ناس مش بتفضل تعمل فيه البيض وبتقول إنه بيغير طعمه.

في نوع تاني من الحديد الزهر بيكون مطلي بالمينا وهي عبارة عن طلاء زجاجي على السطح بيمنع صدأ الحديد وبيكون أسهل في تنضيفه بالطرق الطبيعية وبيتصنع بألوان مختلفة، ومناسب جدا لعمليات الطهي البطيئة وبيحافظ على النكهة الأصلية للطعام، ودا يعتبر مناسب للناس اللي مش محتاجة تزود الحديد في أكلها، لكن بيكون مكلف في سعره أكتر من الحديد الزهر المكشوف بفرق كبير، وبالرغم من سعره العالي بيفرق في خواصه أو مميزاته عن الحديد الزهر المكشوف بشكل أقل في قدرته على تحمل درجات الحرارة العالية ومقاومته للالتصاق بتكون أقل، وطبقة المينا بتتعرض للتقشير في حال سقوطها عالأرض أو تسخينها بشكل مبالغ أو إضافة مياه باردة للوعاء وهو سخن.

شوف مجموعة أواني زهر مختلفة على ياقوطة من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من 2018.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.