كتبت: منى عوض

 شعبية الداش كاميرا – أو ما تُعرف أيضًا باسم كاميرا الطبلون- بتزيد كل يوم بين سائقي السيارات المختلفة، فهي عملية وبتحافظ على سيارتك ومستوى الأمان وحاجات كتير جدًا خلينا نوضحها في مقال النهاردة، وخلينا نوضحلك كمان أبرز أنواع الداش كاميرا على ياقوطة، ولو عجبك أي واحدة منهم تقدر تطلبها من خلالنا وهتوصلك في أقرب وقت.

بنفكرك إنك ممكن تشتري داش كاميرا من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي الداش كاميرا؟

الداش كاميرا- أو بالإنجليزية (Dash Camera)- هي عبارة عن كاميرا لتصوير الفيديو تقدر تركبها على الزجاج الأمامي للسيارة عشان تصور مقاطع فيديو وتوثق كل حاجة بتحصل قدام السيارة ووراها كمان في بعض الأحيان، وبالتالي لو حصل أي حادثة أو واقعة وحبيت شاهد هتكون الداش كاميرا هي شاهدك الأفضل.

الداش كاميرا تقنية اتطورت بشكل كبير بمرور الزمن، فهي بدأت في فترة الثمانينات في الولايات المتحدة الأمريكية، واتطور الأمر واعتمدتها روسيا في عقد 2010 لحد ما وصلت للعالم كله تقريبًا دلوقتي.

في البداية كانت الداش كاميرا مهمتها بتقتصر على تصوير الطريق طول ما إنت ماشي بصرف النظر عن الجودة، لكن الجودة دي اتطورت وبقت أحسن كتير دلوقتي، والداش كاميرا بقى فيها تقنيات أكتر زي الواي فاي. وفيها كمان خاصية Parking Mode اللي بتصورلك الأحداث المحيطة بالسيارة حتى لو هي واقفة ومش شغالة أو مركونه بمعنى أصح وبالتالي هتضمن حماية أكبر للسيارة من أي اصطدامات أو سرقة طول ما هي راكنة. الأمر تطور كمان لوجود تطبيقات للموبايلات واللي تقدر تسحب من خلالها مقاطع الفيديو المصورة من خلال الداش كاميرا بكل سهولة أو الوصول لأي تحديثات أو إصلاحات متعلقة بالكاميرا، وتقدر كمان تتحكم في الكاميرا عن بُعد باستخدام التطبيقات دي. والداش كاميرا تقدر تصور في الإضاءة المنخفضة أيضًا بس اتأكد إنها فيها خصائص زي WDR و HDR ومستشعرات التصوير الليلي اللي بتوضح التفاصيل الملتقطة ليلاً.

جدير بالذكر أيضًا أن الداش كاميرا بتعمل على تصوير مقاطع فيديو صغيرة مدتها دقيقة أو 3 دقائق أو 10 دقائق وبيتم الحفاظ على كافة مقاطع الفيديو دي على كارت ميموري.

الداش كاميرا بتشتغل بشكل تلقائي في كل مرة تشغل فيها عربيتك لأنها بتكون موصولة بمنفذ الطاقة الموجود في العربية، وفيه أنواع بتشتغل من خلال بطارية خارجية.

أفضل أنواع الداش كاميرا المتوفرة على ياقوطة

داش كاميرا من 70mai موديل Pro Plus A500

كاميرا عملية مزودة بشاشة 2 جيجابايت عشان تشوف عليها مقاطع الفيديو والصور المسجلة بوضوح، وهي عبارة عن كاميرا أمامية قادرة على تصوير مقاطع فيديو بجودة 2592 x 1944 بكسل بمعدل 30 إطار في الثانية، وكان يفضل طبعًا لو فيها كاميرا خلفية.

الكاميرا بتيجي بتطبيق مخصص للاتصال بنظام أندرويد و IOS، وفيها واي فاي وتقدر تضيفلها كارت ميموري، وبتيجي بنظام parking mode اللي بيصور محيط العربية أو أي حاجة تقرب من العربية وهي راكنة يعني عشان تبقى مأمن عليها وضامن إن لو حتى حصل حاجة هتعرف تشوف اللي حصل بالتفصيل وتاخد حقك. الكاميرا فيها GPS مدمج للاحتفاظ بموقع كل مقطع فيديو مسجل في الذاكرة. وبتشتغل من خلال بطارية ليثيوم إيون بسعة 500 مللي أمبير في الساعة.

تقدر تشوف داش كاميرا من 70mai موديل Pro Plus A500 من هنا.

داش كاميرا S1 من انكر

الداش كاميرا دي صغيرة الحجم وغير ملفته للنظر وتقدر تركبها بكل سهولة بنفسك، كل اللي عليك إنك توصلها من خلال سلك الشاحن اللي بيجي معاها بشاحن ولاعة للسيارة ودا بيُعتبر مصدر الطاقة في الحالة دي.

الكاميرا بتيجي للتصوير الأمامي فقط وبتصور بدقة FHD ودرجة وضوح 1920 x 1080 بكسل وبتدعم أيضًا جودة HD بمعدل 720 بكسل بسرعة 60 صورة في الثانية، وبتتمتع بعدسة تصوير بزاوية واسعة 145 درجة عشان تقدر تصور الأحداث المحيطة بنطاق واسع.

الكاميرا مزودة بمستشعر تصوير Sony Starvis عالي الحساسية، وفيها واي فاي، وتقدر كمان توصلها بالموبايل سواء كان نظامه أندرويد و IOS من خلال التطبيق المخصص لكل نظام.

وكمان قادرة على التقاط صور واضحة وجودتها عالية في فترة الليل، وفيها GPS مدمج عشان تقدر تحتفظ بموقع كل مقطع فيديو تم تسجيله على الذاكرة الخارجية اللي إنت مركبها وكمان فيه إمكانية تفعيل إظهار سرعة السيارة والوقت والتاريخ على الفيديو. وفيها كمان نظام parking mode لتصوير محيط العربية أثناء فترة توقفها.

تقدر تشوف داش كاميرا S1 من انكر من هنا.

داش كاميرا بعدسة مزدوجة ودقة 1080 بكسل

الجهاز بيجي بشاشة حجمها من 4 إلى 4.9 بوصة عشان تقدر تشوف عليها مقاطع الفيديو المسجلة بكل وضوح، وهي مزودة بكاميرتين للتصوير الأمامي والخلفي وبتصور بدقة 1920 x 1080 بكسل، وفيها تقنيات عديدة زي الواي فاي ونظام الـ Parking Mode و GPS مدمج، وبتشتغل من خلال مصدر الطاقة في العربية.

تقدر تشوف داش كاميرا بعدسة مزدوجة ودقة 1080 بكسل من هنا.

داش كاميرا Hikvision AE-DN2016-F3

الكاميرا بتصور بعدسة واسعة بدقة FHD ودرجة وضوح 1080 بكسل وزاوية واسعة المجال تصل إلى 135 درجة، وبتيجي بميكروفون ومكبر صوت داخلي وخارجي. الكاميرا بتتميز بتقنيات عديدة زي الـ Parking Mode والواي فاي عشان تقدر تتحكم فيها وتوصلها بتطبيق على الموبايل بكل سهولة، وبيجي معاها كارت ميموري، بس يعيبها إن حجمها كبير وسعرها عالي شوية كتير.

تقدر تشوف داش كاميرا Hikvision AE-DN2016-F3 من هنا.

تقدر تختار الداش كاميرا الأنسب ليك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.