خاصية القائمة المفضلة بتخليك تحفظ كل المنتجات اللي نفسك فيها في مكان واحد. و كمان تقدر تقسمهم على حسب نوع المنتجات (مثلاً الكترويات أو ملابس) أو المناسبة (مثلاً هدية لعيد ميلادك أو لو بتجهز بيتك)، و متقلقش: مفيش حد أقصى لعدد القوائم. من ضمن المميزات إنك تقدر تحدد إنها تكون سرية خاصة بيك لوحدك أو علنية تقدر تشاركها مع أصحابك.

قبل ما تضيف القائمة لازم الاول يكون عندك حساب على ياقوطة! مميزات الحساب أنك تقدر تقيم المنتجات، بأنك تقول رأيك فيها سواء كان سلبي أو إيجابي و بالتالي تساعد الناس إنها تتعرف على منتج قبل ما تقرر تشتريه.

و الخطوات كالاتى

خطوات الأشتراك:

١. أدخل على ياقوطة!

٢. دوس على اشتراك

٣. دخل بياناتك أو اشترك عن طريق حسابك على فيسبوك أو جوجل

و بكده أنت تكون عندك حساب عندنا و تقدر تضيف قائمة مفضلة.

خطوات اضافة قائمة مفضلة:

١. عند المنتج اللي عجبك دوس على “أضف إلى قائمة مفضلة”

٢. إختار القائمة اللي عايزها أو إعمل واحدة جديدة و سميها على مزاجك

و بعد كدة تقدر تضيف أي منتج على ياقوطة! لقائمتك المفضلة سواء كان من صفحة نتائج البحث أو من صفحة المنتج نفسه.

لو عايز تعدل فيها:

١. فوق على الشمال جنب اسمك فيه سهم صغير روح عليه حيظهرلك البروفايل بتاعك

٢. دوس على “قوائمي المفضلة”

٣. اختار القائمة اللي عايز تعدلها

٤. عدل فيها براحتك

لو عايز تشوف أمثلة أدخل على الفيسبوك بتاعنا و خد فكرة!

سمعونا صوتكم على feedback@yaoota.com لو عندكم أي تعليقات أو أسئلة.

كنزي خفاجي