كتبت: منى عوض

هنستعرض النهاردة أشهر وأكثر غسالات الأطباق مبيعًا على ياقوطة في 2020، عشان لو حابب تشتري واحدة ومحتار تعرف المستهلكين كانوا بيفكروا إزاي ويختاروا إيه على مدار الفترة اللي فاتت، ولو عجبك غسالة أطباق من اللي هنستعرضهم وحبيت تشتريها تقدر تطلبها من خلالنا في ياقوطة وهتوصل لحد عندك في أسرع وقت.

*بنفكرك إنك ممكن تشتري غسالة الأطباق من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

غسالة أطباق وايت بوينت 10 أفراد

وايت بوينت قدرت تثبت نفسها ووجودها في سوق الأجهزة المنزلية في فترة زمنية قصيرة جدًا، وبالتالي مش غريب أنك تلاقي غسالة أطباق وايت بوينت الأشهر والأكثر مبيعًا على ياقوطة.

الغسالة بتتميز بمواصفات كتير رائعة زي مثلاً سعتها الكبيرة اللي بتكفي لحد 10 أفراد وفكرة أنها مزودة بـ 6 برامج غسيل مختلفة لاختيار الأنسب والأريح بالنسبالك بكل سهولة، وكمان هتلاقي أنها مزودة بفلتر ذاتي التنظيف وفيها رشاشات مياه مضاعفة علوية وسفلية لضمان وصول المياه لكل مكان وتحقيق التنظيف الفعال، ورغم كل دا هتلاقي أنها موفرة في المياه، وبتيجي كمان بشاشة رقمية عشان تستعرض برنامج الغسيل اللي أنت اختارته وفاضل قد أيه عليه.

ممكن تشوف غسالة أطباق وايت بوينت – WPD106 من هنا.

غسالة أطباق من بيكو 8 أفراد

غسالة الأطباق دي مميزة وكبيرة الحجم فهي بتيجي بسعة تكفي لحد 15 فرد، وبتدعم وجود 8 برامج مختلفة للاختيار بينها، زي مثلاً برنامج التنظيف السريع اللي بيخفض مدة برنامج الغسيل بنسبة 70% باستخدام درجات حرارة مياه أعلى، وهتلاقي برنامج التنظيف المكثف اللي بيتضخ خلاله مياه عالية الضغط لتنظيف الأطباق شديدة الاتساخ بسرعة وفعالية أكبر.

الغسالة بتدعم أيضًا برنامج نصف الحمولة اللي مش هتحتاج خلاله أنك تملى الغسالة لحد الآخر، فضلاً عن برنامج التلميع بالبخار اللي بيتم خلاله استخدام حرارة إضافية في نهاية البرنامج لتجفيف الأطباق بشكل كبير، وكمان هتلاقي خيار تأخير البدأ.

الغسالة بتيجي بموتور سمارت انفرتر الموفر للطاقة واللي مش بيسبب أي ضوضاء أو اهتزاز طول ما هي شغالة، وكمان بتكون مزودة بشاشة LED لمعرفة برنامج الغسيل والوقت المتبقي.

ممكن تشوف غسالة أطباق من بيكو Den48520Gb من هنا.

غسالة أطباق وايت ويل 10 أفراد

الغسالة سعتها كبيرة تكفي أسرة مكونة من 10 أفراد أو ممكن تكفي كميات كبيرة من الأطباق عادي جدًا، وبتيجي بـ 7 برامج غسيل مختلفة زي مثلاً برنامج الـ 90 دقيقة والبرنامج الاقتصادي والبرنامج السريع اللي بيتم عملية الغسيل في 30 دقيقة تقريبًا والبرنامج العادي والتعقيم بالحرارة وغيرها من البرامج المميزة اللي بتناسب الاحتياجات المختلفة.

الغسالة بتيجي بفلتر ثلاثي، فهتلاقي أن الفلتر الأساسي بيقوم بالتخلص من الطعام الزائد، في حين أن الفلتر الخشن بيمنع مرور القطع الكبيرة أما الفلتر الدقيق بيحجز الغبار والأتربه، وبالتالي الفلاتر الثلاثه بتشتغل سوا لمنع وصول فضلات الطعام إلي الصرف.

الغسالة مزودة بماتور موفرة للطاقة ومش بيسبب أي ضوضاء طول ما هو شغال، وكمان بتيجي بتقنية الأمان ضد عبث الأطفال، وبتكون مزودة بشاشة ديجيتال لاختيار برنامج الغسيل المناسب ومعرفة الوقت المتبقى لإنهاء عملية الغسيل.

الجسم الداخلي للغسالة مصنوع من مادة الأستانلس ستيل المقاوم للصدأ، وبتكون مزودة بحوامل قابلة للطي ورف إضافي خاص بالملاعق والسكاكين والشوك

ممكن تشوف غسالة أطباق وايت ويل DW-1010MS من هنا.

غسالة أطباق من أوشن 12 فرد

الغسالة بتيجي بسعة بتكفي لحد 12 فرد، وبتكون مزودة بـ 9 برامج غسيل اللي بتتمثل في نظام الغسيل السريع 30 دقيقة ونظام الغسيل السريع سوبر 50 دقيقة ونظام الغسيل بالبخار والنظام الاقتصادي وخيار التنظيف الإضافي وخيار الشطف الإضافي وخيار التجفيف الإضافي وخاصية تأخير وقت بدء التشغيل وخاصية الحماية من تدفق المياه والتسريب.

الغسالة مزودة بشاشة LED وبتيجي بقفل أمان ضد عبث الأطفال وبيكون فيها مؤشر دورة الغسيل ومؤشر نهاية دورة الغسيل.

ممكن تشوف غسالة أطباق من أوشن ODY9 VX من هنا.

غسالة أطباق بوش 12 فرد

غسالة أطباق بسعة كبيرة تكفي لحد 12 فرد ومزود بـ 4 برامج غسيل وكمان مزودة بتقنية حماية الزجاج وفيها مستشعر تلقائي لحجم الحمولة، ولكنها مش مزودة للأسف بشاشة لمراقبة الوقت المتبقي وبرنامج الغسيل.

ممكن تشوف غسالة أطباق بوش SMS40D18E من هنا.

غسالة أطباق من أريستون 14 فرد

غسالة الأطباق دي موفرة في استهلاك الطاقة الكهربائية وكمان المياه فهي بتيجي بتصنيف A++، وكمان مدعومة بتقنية مبتكرة بتضمن أداء صامت وهدوء طول ما هي شغالة.

الغسالة بتكفي الأسر الكبيرة الحجم اللي بيصل عددها حتى 14 فرد أو الأغراض الكتير في العموم، وكمان بتيجي بـ 9 برامج غسيل مختلفة زي مثلاً البرنامج العادي والبرنامج السريع والبرنامج المكثف والبرنامج الموفر والبرنامج اليومي وبرنامج التعقيم وما إلى ذلك.

ممكن تشوف غسالة أطباق من أريستون LFO3O23WLTX من هنا.

غسالة أطباق من زانوسي 15 فرد

غسالة الأطباق بتيجي بسعة تكفي لحد 15 فرد ومزود بـ 6 برامج زي مثلاً برنامج النصف حمولة اللي بتحدد كمية المياه والطاقة المناسبة تلقائيا بناءًا على حجم الحمولة الموجودة بداخل الغسالة سواء كانت نصف حمولة أو حمولة كاملة، وبرنامج تأخير بدء التشغيل من ساعة إلى 24 ساعة.

الغسالة بتيجي بـ 4 إعدادات لضبط درجة الحرارة، وبيكون فيها مستشعر لتحديد كمية المياه حسب درجة الاتساخ وخاصية التحكم باللمس ولوحة تحكم برموز ومؤشر للوقت المتبقي في دورة الغسيل ومؤشرات لكمية الملح ومادة الشطف. بالإضافة لكل دا هتلاقي أن الغسالة مزودة أيضًا بموتور انفرتر موفر للطاقة والماء وكمان مش بتسبب أي ضوضاء طول ما هي شغالة.

ممكن تشوف غسالة أطباق من زانوسي ZDF17002XA من هنا.

ممكن تختار غسالة الأطباق المناسبة ليك من بين تشكيلة كبيرة من هنا.

ممكن تشوف كمان دليل ياقوطة لاختيار غسالة الأطباق المناسبة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.