كتب: خالد عاصم

واحنا بنستقبل سنة ٢٠٢٢ بنودع سنة ٢٠٢١ بحصاد أكتر الأجهزة اللي اتباعت من خلال ياقوطة على مدار السنة، وفي المقال ده هنتكلم عن أكتر اللابتوبات مبيعًا على ياقوطة لسنة ٢٠٢١ واللي شهدت سيطرة تامة من اتنين من أكبر الشركات في السوق وهما لينوفو وHP زي ما هنعرف من خلال تفاصيل المقال.

ولو أي لابتوب من اللابتوبات اللي هنتكلم عنها عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أكتر اللابتوبات مبيعًا على ياقوطة لسنة ٢٠٢١

لابتوب Lenovo IdeaPad 15ADA05

أول لابتوب من أكتر اللابتوبات مبيعًا على ياقوطة لسنة ٢٠٢١ هو لابتوب IdeaPad 15ADA05 من لينوفو، واللي بيجي بشاشة ١٥٫٦ بوصة بجودة HD وبيعتمد على بروسيسور AMD 3020E، اللابتوب بيجي برامات ٤ جيجابايت رام وبذاكرة داخلية سعتها ١ تيرابايت أما كارت الفيجا فمدمج في المعالج ومن AMD برضه، الجهاز مناسب جدًا للطلبة والناس اللي بتحتاج لابتوب في شغلها على الأوفيس أو الإنترنت، بس مش بييجي بنظام تشغيل ويندوز.

اتعرف على عروض أسعار لابتوب Lenovo IdeaPad 15ADA05 من هنا.

لابتوب Lenovo Legion 5 15IMH05H

تاني لابتوب معانا برضه من لينوفو بس المرة دي من فئة Legion القوية والمناسبة جدًا لعشاق الألعاب، الجهاز بيعتمد على شاشة ١٥٫٦ بوصة بجودة FHD، أما أداءه القوي جدًا والمناسب جدًا للألعاب فالفضل فيه لبروسيسور itel Core i7-10750H القوي جدًا والمدعوم برامات سعتها ١٦ جيجابايت رام، وبكارت فيجا ممتاز هو Nvidia GeForce GTX 1650 سعة ٤ جيجابايت رام، أما السعة التخزينية فمكونة من هارد ديسك سعة ١ تيرابايت وهارد SSD سعة ٥١٢ جيجابايت، والجهاز معاه نسخة ويندوز ١٠ هوم.

اتعرف على عروض أسعار لابتوب Lenovo Legion 5 15IMH05H من هنا.

لابتوب HP 250 G8

الجهاز التالت من أكتر اللابتوبات مبيعًا على ياقوطة لسنة ٢٠٢١ هو جهاز HP 250 G8 المناسب جدًا للأعمال والشغل، اللابتوب بيعتمد على شاشة بقطر ١٥٫٦ بوصة بجودة HD وبيعتمد على بروسيسور intel Core i5-1035G1 المدعوم برامات سعتها ٨ جيجابايت رام بذاكرة داخلية بهارد ديسك سعته ١ تيرابايت، وبيعتمد الجهاز على كارت فيجا Nvidia MX130 سعة ٢ جيجابايت رام، والجهاز محتاج لويندوز عشان بييجي بنظام DOS بس.

اتعرف على عروض أسعار لابتوب HP 250 G8 من هنا.

لابتوب HP 15 DW3044NE

الجهاز الرابع من أجهزتنا النهاردة هو تاني جهاز من HP وهو من الأجهزة المناسبة جدًا للدراسة والشغل والأعمال المتوسطة، والجهاز بيعتمد على شاشة بقطر ١٥٫٦ بوصة بجودة HD المدعومة بخاصية منع الانعكاس المريحة جدًا للعين، أما البروسيسور فهو Pentium Gold 7505 من انتل، والمدعوم برامات سعتها ٤ جيجابايت رام وهارد سعته ١ تيرابايت، اما كارت الفيجا فمدمج من فئة Intel UHD، والجهاز بيتميز بمجموعة من المميزات الكتير زي منافذ USB عالية السرعة مثلًا.

اتعرف على عروض أسعار لابتوب HP 15 DW3044NE من هنا.

لابتوب HP 15-DW3014NE

وبتكسب HP بتالت جهاز ليها من أكتر اللابتوبات مبيعًا على ياقوطة لسنة ٢٠٢١ بلابتوب DW3014NE اللي بيعتمد على شاشة بقطر ١٥٫٦ بوصة بجودة FHD، ومدعوم بأداء قوي بفضل بروسيسور Intel Core i5-1135G7 الجيل الحادي عشر، والمدعوم برامات سعتها ٨ جيجابايت رام وبهارد من فئة SSD سعة ٢٥٦ جيجابايت، وكارت الفيجا هو Nvidia GeForce MX350 سعة ٢ جيجابايت رام.

اتعرف على عروض أسعار لابتوب HP 15-DW3014NE من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.