كتبت: رشا البحيري

التكنلوجيا سهلت علينا كتير ووفرت أجهزة وأدوات في المطبخ تقدر تعمل بيها أكل صحي من غير ما تحرم نفسك من أكلاتك المفضلة، وقلاية البطاطس بدون زيت هتساعدك على ده لأنك هتحمر فيها البطاطس والفراخ وغيرها من غير زيت خالص أو بكمية صغيرة جدا، وبكدة هتقلل استهلاك الزيوت المهدرجة وهتحافظ على صحتك ووزنك.

والقلاية الهوائية هتوفرلك الوقت والمجهود اللي بتقضية في المطبخ، دا غير إن استخدامها هيخلي المطبخ نظيف باستمرار من الزيوت اللي كان القلي العادي بيسببها، وكمان اقتصادية لأنها مع الوقت هتوفرلك فلوس من كمية الزيت الكبيرة اللي كنت بتستهلكها، والنهارده مع ياقوطة هنقدملك نصائح تساعدك في اختار قلاية بطاطس هوائية بدون زيت بحيث تكون عملية ومناسبة لاحتياجاتك، وهنعرضلك نماذج للقلاية موجودة على ياقوطة، ولو عجبك منتج وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري قلاية هوائية بدون زيت من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح لاختيار قلاية بطاطس هوائية بدون زيت

• في البداية اقرا كويس إمكانيات القلاية قبل ما تشتري عشان تضمن إنها مناسبة ليك ولاحتياجاتك، وشوف حجم استهلاكها للكهرباء.
• السعة اتأكد أنها مناسبة لاستخدامك، وحط دايما في اعتبارك العزومات والمناسبات اللي هتحتاج كمية كبيرة من الأكل، ولو كنت هتتجوز فأفراد الأسرة هتزيد مع الوقت والاستهلاك هيزيد.

• في قلايات بسعة تتراوح بين 2 و3 لتر ودي مناسبة للأفراد وللأسر الصغيرة، ومتتخدعش في السعة لأن القلايات الهوائية بيتعمل فيها كمية أكل أقل بكتير من المساحة المتاحة عشان الأكل يستوي كويس وبجودة أعلى.

• الفيشة شوفها كويس واتأكد من أنها تكون مناسبة مع مفاتيح الكهربا في شقتك لأن بعض الأنواع بتكون فيشتها ثلاثية ولو مفيش مفتاح زيها هتحتاج لمشترك وهتكون في أسلاك كتيرة في المطبخ.
• لو كنت حابب إحساس القلي في الأكل اشتري القلايات اللي بتستخدم كميات صغيرة من الزيت كام معلقة ودا هيخلي طعم الأكل كأنه مقلي بالزيت العادي أو لتسهيل عملية القلي.

• اختار القلاية بغطا متين ومحكم لأن أي تسريب للهواء هيسبب مشاكل دا غير أنه هيستهلك كمية كبيرة من الكهربا، وهيخلي جودة القلي أقل من المعتاد.

• واحنا بتشتري أي شيء بنحاول أنه يكون عملي بقدر الإمكان وياسلام لو متعدد الاستخدام لأن بكده هنوفر فلوس مساحة في المطبخ بتقليل عدد الأجهزة في، يعني اختار قلاية تقلي فيها وتشوى وتحمص عيش في أنواع كتيرة متاحة حاليا فيها إمكانيات كتير سعرها اقتصادي.

• في قلايات هوائية بيكون فيها نظام أمان عشان الأكل ميتحرقش فلو أنت من الناس اللي بتنسى الأكل على النار هتكون حلوة جدًا ليك، بس في المقابل هتدفع فلوس أكتر على قصاد الميزة دي اللي مبتكونش متوفرة في معظم الأنواع.

• عادة بنكون محكومين بالمساحة واحنا بنختار أي جهاز في المطبخ فحاول يكون الحجم مناسب لأن بعض القلايات بيكون حجمها ضخم رغم سعتها الصغيرة.

• وانت بتدور على قلاية يفضل انك تختار قلاية فيها مستويات وخيارات لأنواع مختلفة من القلي، ودا هيخليك تعمل الأكل اللي بتحبه بجودة عالية لأن كل أكلة بتحتاج مستوى معين من درجة الحرارة، والمستويات بتديلنا الفرصة اننا نعمل الأكل بالطريقة اللي نحبها زي البطاطس المقرمشة ودي بتحتاج درجة حرارة عالية، وأنواع تانية بتحتاج درجة حرارة أقل ووقت أكبر.

• وأنت بتختار اتأكد إن سطح القلاية مطلي بمادة مقاومة للالتصاق هتسهل عملية التنظيف بشكل كبير، خاصة أن بعض الدهون الموجودة في الأكل بتدوب وتسقط على أرضية القلاية، واستخدام قلاية

• يفضل يكون متوفر في القلاية شبكة للقلي عشان نحافظ على نظافة القلاية، وبكدة هتمنع تراكم البقع على السطح الداخلي للقلاية.

أفضل القلايات الهوائية على ياقوطة

Philips HD9220 – قلاية اير فراير

القلاية من شركة فيسلبس ودي معروفة بجودة منتجاتها، وشكلها بسيط وحجمها مناسب، وتقدر تعمل بيها الأكلات المفضلة بدون زيت ويكون كرسبي، كل اللي عليك هو شوية زيت صغيرين أو ممكن متضيفش خالص دا على حسب راحتك.

والقاية فيها مزايا كتير أبرزها إنها متعددة الاستخدام يعني مش هتقصر على القلي وتقدر تحمص فيها عيش  وتعمل أكلات كتير فيها، وبتتحكم في درجة الحرارة كل أكلة على حسب طبيعتها وتحديد وقت التسوية بنفسك، لكن القلاية دي مش هتناسب الأسر الكبيرة والعزومات لأن سعتها 800 جرام فقط، فليبس بتضمن منتجاتها، لكن للأسف مش مذكور فترة الضمان كام سنة

شوف Philips HD9220 – قلاية اير فراير من هنا.

قلاية صحية تعمل بتسخين الهواء من تيفال EY201815 – ٤٫٢ لتر

تيفال من الماركات المعروفة بجودة منتجاتها، والقلاية سعتها كبيرة وبكده هتريحك في العزومات وهتكون مناسبة للأسر الكبيرة، ومتعددة الاستخدام وتقدر تشوى فيها وتحمص العيش وتعمل جميع الوصفات المفضلة في وقت قصير.

وفيها خاصية التحكم في درجة  الحرارة من 80 إلى 200 درجة مئوية، والتحكم في الوقت حتى 60 دقيقة ودا بتتميز بيه القلاية عن غالبية القلايات في السوق اللي بتحدد أقصى وقت 30 دقيقة، ودا هيخليك تعمل كل الأكلات بجودة عالية من خلال التحكم في درجة الحرارة المناسبة والوقت المطلوب، بالإضافة إلى إنها سهلة التظيف وبتدخل غسالة الأطباق، وبتقدر تشيل الشبكة وتنظف الزيوت الموجودة تحت القلاية.

وتجارب المستهلكين بتشيد بأنها بتطلع الأكل حلو جدًا وسهلة التنظيف، دا بالإضافة للمتانة وحجمها المناسب وإن سعرها مناسب جدا في مقابل الإمكانيات اللي بتوفرها، لكنهم اشتكوا من بطئها لحد ما دا غير إنها بتطلع هوا سخن بيخلي المطبخ حر.

شوف  قلاية صحية تعمل بتسخين الهواء من تيفال EY201815 – ٤٫٢ لتر من هنا.

قلاية هوائية بدون زيت اكتيفراي من تيفال FZ727825، ١٫٢ لتر

تصميمها أنيق وشكلها مختلف ومن أجمل المزايا اللي فيها إن غطاها من الزجاج الشفاف، وتقدر بكده تراقب الأكل من غير ما تفتح عليه، ومش بتعمل أي روايح في المطبخ، دا بالإضافة لسهولة استخدامها والتحكم في درجة الحرارة اللي انت عاوزها على حسب طبيعة الأكلة اللي هتعملها.

وأبرز عيب فيها هو سعتها الصغيرة 1.2 لتر ومش هتكون عملية معاك لو كان عندك عزومة أو هتعمل كمية أكل أكبر، دا غير إن سعرها غالي مقارنة بحجمها وإمكانياتها لإنها بتقتصر على القلي فقط مقارنة بقلايات تانية بتكون متعددة الاستخدام وبنفس السعر أو أقل.

شوف قلاية هوائية بدون زيت اكتيفراي من تيفال 1.2 لتر من هنا.

بلاك & ديكر ايروفراي مقلاة الهواء سعة 4 لتر – اسود/ذهبي، AF300-B5

شكلها أنيق ومختلف بلونها الأسود مع الذهبي، وبتتميز القلاية بسعة كبيرة بتساعدك تسوية كمية في وقت قليل وبتكون مناسبة للأسر اللي عددها  كبير والعزومات، بقوة 1500 وات، وأبرز ميزة في القلاية مش متوفرة في معظم القايات هي خاصية الحماية من الاحتراق لأنها بتكون حساسة للدخان وبتفصل أوتوماتيك قبل ما الأكل يتحرق.

سعر القلاية اقتصادي جدًا مقارنة بالإمكانيات الكتيرة اللي بتقدمها القلاية، والقلاية سهلة الاستخدام وفيها أقدام مانعة للإنزلاق ودا بيزود عنصر الأمان وتقدر تحدد الوقت لحد 60 دقيقة ودا بيساعد الأكل يستوى على درجة حرارة هادية، وبتفضل أوتوماتيك مع الوقت المحدد وبتوفر بكده استهلاك الكهربا، وفيها قفل آمان ودا بيكون مهم جدا خاصة لو عندك أطفال، وكمان سهلة التنظيف والصيانة وتقدر تدخل غسالة الأطباق.

وتجارب المستخدمين للمنتج أشادوا بجودة المنتج وأنه بيعمل الأكل بجودة عالية دا غير إن سعرها كويس جدا مقابل المزايا اللي بتقدمها مقارنة بباقي الماركات.

شوف بلاك & ديكر ايروفراي مقلاة الهواء سعة 4 لتر – اسود/ذهبي، AF300-B5 من هنا.

بلاك اند ديكر 5 لتر مقلاة كهربائية – اسود واحمر، AF500-B5

القلاية دي بتتميز بتصميمها الانيق وهتضيف لمسة جمال لمطبخ لأنها على شكل سفينة فضاء، وعملية جدًا ومتعددة الاستخدامات يعني هتحمر الأكل وتجهز فيها أكلات متنوعة وتحمص فيها العيش وبيجي معاها سلة قلي مع مقبض وصينية خبز، ورف للخبز وأسياخ، واستهلاك الطاقة 1230 وات ودا يعتبر متوسط بالنسبة للقلايات لباقي الماركات.

وبتوفرلك إمكانية طهي كمية كبيرة من الأكل دفعة واحدة، وبكده بتوفر وقت ومجهود كبير كان ممكن تقضية في المطبخ، والقلاية فيها إمكانية تحديد الوقت لمدة 60 دقيقة وغالبية القلايات بتضبط وقت تسوية الأكل لحد 30 دقيقة فقط، والقلاية حجمها كبير فلو كنت فرد أو اثنين مش هتكون مناسبة لأنها هتستهلك كمية كهرباء كبيرة، دا بالإضافة لسعرها الغالي.

شوف بلاك اند ديكر 5 لتر مقلاة كهربائية – اسود واحمر، AF500-B5 من هنا.

مقلاة هوائية بدون زيت اكتيفراي جينيوس اير تغلق تلقائيا 1.2 كجم من تيفال

ماركة القلاية تيفال وهي معروفة بجودة منتجاتها، بتتميز بتقنيات كتيرة بتخليك تقدر تعمل أكل صحي بكميات كبيرة، وبقوة 1350 وات، وفيها 9 أنماط للقلي وشاشة إل سي دي بتشتغل باللمس ودا بيوفرلك إمكانية تحديد المستوى المناسب لتسوية الأكل بحيث يخرج بأفضل جودة، تقدر تسوى فيها أكلات خفيفة أو وجبات كاملة متنوعة وبتتميز بسرعة طهي الأكل لأنها بتعتمد على تقنية عالية في توزيع الهواء الساخن داخلها.

والجزء المخصص للقلي في القلاية مصنوع من السيراميك يعني مفيش أكل هيلزق، وبتتوقف أوتوماتيك بعد ما يخلص الوقت المحدد وبكده هتوفر كهربا وتحافظ على الأكل، وبالنسبة لتجارب المستخدمين اتكلموا عن سرعتها في تسوية الأكل وبطعم حلو وجودة عالية.

القلاية بيكون معاها حلة ومغرفة  وكمان الغطا كلهم ممكن يتفككوا وبيدخلوا غسالة الأطباق، كمان بيكون معاها كتاب وصفات طبخ دا غير إن في 300 وصفة من خلال تطبيق ماي اكتيفي منها 150 وصفة بيقولك في كل وصفة المستوى المناسب للتسوية من المستويات التسعة اللي بتوفرها القلاية، ورغم الإمكانيات الجبارة اللي بتقدمها القلاية إلا أن سعرها مرتفع جدا ومش هتكون مناسبة لو يتدور على قلاية بسعر اقتصادي.

شوف  مقلاة هوائية بدون زيت اكتيفراي جينيوس اير تغلق تلقائيا 1.2 كجم من تيفال من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.